მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პუტინის მხარდამჭერი და სტალინის მეხოტბე 24 წლის ამერიკელი - X, როგორც ფეიკის გავრცელების საშუალება: ვინ როგორ გამოიმუშავებს ფულს ისრაელ-ჰამასის თემაზე სპეკულაციებით
16:29 / 17-11-2023
"ჰამასის" ისრაელზე თავდასხმის შემდეგ, ინფორმაციის გავრცელების მთავარი წყაროები სოციალური ქსელის, X-ის (ყოფილი "თვითერი“) მომხარებელთა ჯგუფი გახდა, რომლებსაც რეგიონთან დაკავშირებით არავითარი ექსპერტული ცოდნა არ აქვთ, თუმცა აღნიშნულ პლატფორმაზე ამ კონფლიქტთან დაკავშირებით მათ მიერ გამოქვეყნებული სიახლეები პოპულარულია.
ამ "ინფლუენსერებმა" გადაუმოწმებელი ინფორმაციის რეგულარული გავრცელების შედეგად, მილიონობით გამომწერი დააგროვეს. კონტექსტიდან ამოგლეჯილი ყალბი ვიდეოები და ფოტოები, ზოგჯერ საერთოდ "ჰამასის" მიერ ჩადენილ დანაშაულსაც კი უარყოფდა.
დარგის სპეციალისტები ამბობენ, რომ ინფლუენსერების ეს ჯგუფი თავისი პოპულარობით სარგებლობს და ფულს X-ის ახალი, ისეთი ახალი ფუნქციებით გამოიმუშავებს, როგორებიცაა ფასიანი გამოწერა და სარეკლამო შემოსავალი.
- ახალ ინფლუენსერებში ლიდერობს 24 წლის ამერიკელი, ჯექსონ ჰინკლი, რომელიც ცნობილია რუსეთის პრეზიდენტის ვლადიმირ პუტინის სიყვარულით და საბჭოთა კავშირის ბელადის, იოსებ სტალინის რომანტიზებით.
"ჰამასის" ისრაელზე შეტევის შემდეგ, ჯექსონ ჰინკლის გამომწერთა რაოდენობა X-ზე 4-ჯერ გაიზარდა და ახლა 2 მილიონზე მეტი გამომწერი ჰყავს. მიმდინარე კონფლიქტის პერიოდში მისი გვერდის ნახვები, რეტვიტები, ლაიქები და კომენატერები ყველაზე მეტი იყო.
ამ პერიოდში მან 20-მილიონზე მეტი რეტვიტი დააგროვა და დაწერა ყველაზე პოპულარული პოსტების 75%. ანუ 20 ცნობილი პოსტიდან 15 ჰინკლისაა. მონაცემები კომპანია Logically-ის აქვს, რომელიც ხელოვნური ინტელექტის ალგორითმებს დეზინფორმაციის ანალიზში იყენებს.
სოციალურ ქსელებში ჰინკლის პოსტების ბუმის საიდუმლო მის კონტენტშია. ის ხშირად აქვეყნებს ყალბ ფოტო და ვიდეო მასალას, რომლებიც ემოციებზეა გათვლილი. ის აქვეყნებს მასალას, სადაც ჩანან დაჭრილი, ან დაღუპული ბავშვები, განადგურებული სახლები და ასე შემდეგ. ეს კი აუდიტორიის ყურადღებას იქცევს.
ამასთანave, ამერიკელს მიმდინარე კონფლიქტზე არავითარი ექსპერტული ცოდნა არ გააჩნია. აქტივისტის კარიერა თავდაპირველად ისე დაიწყო, როგორც ეკოლოგმა.17 წლის ასაკში Teen Vogue-მ გარემოს დაცვის ახალგაზრდა ენთუზიასტებში მოიხსენია.
- თუმცა პოპულარული მას შემდეგ გახდა, რაც თავი MAGA-კომუნისტად გამოაცხადა, ანუ გახდა კომუნისტი და თან დონალდ ტრამპის მხარდამჭერი. ჰინკლი ფიქრობს, რომ კომუნიზმი პუტინის მხარდაჭერასა და სტალინის განდიდებაში გამოიხატება.
7 ოქტომბრამდე, ანუ "ჰამასის" ისრაელზე თავდასხმამდე, ჰინკლი პირველ რიგში, ცნობილი იყო კრემლის პროპაგანდის თეზისების გამეორებით: ის "ამხელდა“ "კიევში ნაცისტებს“ და ყოველგვარი დამამტკიცებელი საბუთის გარეშე უკრაინის პრეზიდენტს, ვოლოდიმირ ზელენსკის ნარკოდამოკიდებულებაში ადანაშაულებდა.
რუსულ პროპაგანდასაც მეტი რა უნდოდა?! ჰინკლი თავიანთ ტელევიზიებში სტუმრად მიიწვიეს, მათ შორის, "საზოგადოებრივ მაუწყებელზე“ და Russia Today-ის ეთერში, ხოლო სახელმწიფო "Российская газета“ "ამერიკელ ჟურნალისტს“ უწოდებს.
თუმცა "ჰამასის" თავდასხმის შემდეგ, ჯექსონ ჰინკლი ამ კონფლიქტზე გადაერთო. ყოველ დღე აქვეყნებს ათობით პოსტს, სადაც ისრაელს "ისლამურ სახელმწიფოსთან“ და "ალ-ქაიდასთან“ აიგივებს.
ჰინკლის ზოგიერთი პოსტი BBC-იმ შეისწავლა და დაამტკიცა, რომ ყალბი იყო. მაგალითად, ვიდეო, რომელიც ჯექსონმა დადო და ამტკიცებდა, რომ ღაზაზე ისრაელის ავიაიერიში იყო აღბეჭდილი, აღმოჩნდა, რომ რეალურად, სირიაში გადაღებული კადრები იყო.
კიდევ ერთი მაგალითი, ის ლიბერალურ ებრაულ გაზეთს Haaretz ციტირებდა, სადაც თითქოს დადგენილი იყო, რომ "ჰამასის" შეტევას 900 ებრაელი შეეწირა და არა 1200, ხოლო ნახევარი იმ 900-დან სამხედრო მოსამსახურე იყო. თუმცა მსგავსი გამოძიება არ ყოფილა და Haaretz-მა ჰინკლის პოსტს თავხედური ტყუილი უწოდა. ბიჭის "თვითმა" კი 5-მილიონ ნახვაზე მეტი დააგროვა და დღემდე არ წაუშლია.
მეტიც, ჰინკლი უარყოფს ჰამასის მიერ ჩადენილ დანაშაულებს. ამტკიცებს, რომ ისრაელში გამართულ ფესტივალ Supernova-ზე იმყოფებოდა და იქ მყოფი ადამიანები არა ბოევიკების მიერ, არამედ ჯვარედინი ცეცხლის გამო დაიღუპნენ. "ჰამასი არ არის 7 ოქტომბრის სიმხეცეში დამნაშავე“, - წერს პოსტში.
BBC-სთან საუბარში, ჰინკლმა განაცხადა, რომ ის ამ კონფლიქტზე სიმართლეს ავრცელებს.
"მე არ ვცდილობ ამით რაიმე სარგებელი მივიღო. მირჩევნია, სიმართლით გამოვიმუშავო, ვიდრე ამ პრობლემებზე ტყუილები გავავრცელო“, - ამბობს ჰინკლი.
- ჰინკლი ერთადერთი ინფლუენსერი არ არის, ვინც ყოველგვარი ცოდნის გარეშე ცდილობს ისრაელი-ჰამასის კონფლიქტის შესახებ სიახლეების წყარო იყოს.
ერთ-ერთი ასეთი მარიო ნავფალია, რომელიც დუბაიში ცხოვრობს, კრიპტოვალუტების თემით არის დაკავებული, მანამდე კი სამზარეულოს მოწყობილობების სფეროში იყო. ნავფალს X-ში მილიონზე მეტი გამომწერი ჰყავს.
ის ახლო აღმოსავლეთის კონფლიქტს ყოველდღიურად აშუქებს და არც ერთ მხარეს არ უჭერს მხარს. მისი ყოველი პოსტი იწყება ასე - "სასწრაფოდ". ხშირად სიახლის წყაროს არ ასახელებს და არასწორ ინფორმაციას ავრცელებს.
ერთხელ სირიაში გადაღებული სარაკეტო იერიშის კადრები გაავრცელა და ამტკიცებდა, რომ ეს ღაზაში მოხდა. მოგივანებით პოსტი წაშალა, თუმცა არის კიდევ ერთი ყალბი სიახლე, სადაც წერდა, რომ "ჰამასმა" ისრაელის გენერალი ტყვედ აიყვანა. პოსტმა 18 მილიონი ნახვა დააგროვა და დღემდე ხელმისაწვდომია.
კონფლიქტის გაშუქების სხვა ინფლუენსერებს შორის არიან: კოლინგ რაგი და დომინიკი მაკგი, რომლებიც ტრამპის დიდი მხარდამჭერები არიან. რაგი ავრცელებდა ინფორმაციას, რომ "ჰეზბოლამ“ ისრაელის საზღვარი პარაპლანებით გადაკვეთა.
- ფულის გამომუშავება "ლაიქებითა" და "რეთვითებით"
BBC-ის კორესპონდენტი შაიან სარდარიზადე პოპულარულ ფეიკებს სწავლობს. "სოციალური ქსელების ალგორითმები შოკისმომგვრელი ან სკანდალური კონტენტის გავრცელებას ახალისებს, მითუმეტეს მაშინ, როდესაც რეგულარულად და მიზანმიმართულად ავრცელებენ. ომები ასეთი კონტენტისთვის ნაყოფიერ ნიადაგს იძლევა“, - ამბობს შაიანი.
ილონ მასკის მიერ მოფიქრებული პრემიუმ-გამოწერა ამას კიდევ უფრო უწყობს ხელს, იმიტომ რომ ალგორითმი უპირატესობას ანიჭებს იმ მომხმარებლებს, რომელთა კონტენტიც ფასიანია და ასეთ კონტენტს უფრო ხშირად თავშივე აჩვენებს.
ამ რეფორმის მიხედვით, X-ის მომხმარებლებმა საკუთარი ფასიანი გამომწერები მიიღეს და რაც მთავარია, რეკლამის შემოსავლის მეწილეები გახდნენ. რეკლამიდან შემოსავალი ნახვების რაოდენობის მიხედვით ნაწილდება.
სხვადასხვა ინფლუენსერს გამოწერის სხვადასხვა ფასი აქვს. მაგალითად, ჰინკლის გამოწერა თვეში 3 დოლარი ღირს. ფასიანი გამომწერების რაოდენობა არ საჯაროვდება.
ავტორი: ანრი კურტანიძე
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გაგიკვირდეთ ხო, ნახევარი საქართველო ეგ ტიპია სამწუხაროდ
ამისთანებს ამერიკაში ეძახიან lowlife ანუ საზიზღარი ადამიანია, პოპულარუბისათვის ყველაფერს კადრულობს