8 ყველაზე ელეგანტური კინოგმირი, რომელთა სამოსმაც მაყურებელს სამუდამოდ დაამახსოვრა თავი

8 ყველაზე ელეგანტური კინოგმირი, რომელთა სამოსმაც მაყურებელს სამუდამოდ დაამახსოვრა თავი, ქალებს კი შთაგონება მისცა მაშინაც კი, თუ ეს ფილმები არასოდეს გინახავთ, ამ გმირებს ადვილად ამოიცნობთ. მათ ლუქებს, ფოტოებს უკვე მრავალი წელია, უამრავი ადამიანი ათვალიერებს და ინსპირაციად იყენებს. თითოეულ კაბას საკუთარი, გამორჩეული ისტორია აქვს და კინოსამყაროშიც მნიშვნელოვან ადგილს იკავებს:

• ჰოლი გოლაითლი / ოდრი ჰეპბერნი, "საუზმე ტიფანისთან" (1961)

ალბათ, განუმეორებელი ოდრი ჰეპბერნის ფოტოები, რომელშიც გრძელ, შავ კაბაშია გამოწყობილი, ხშირად გინახავთ. მისი გმირი, ჰოლი, ფილმში სხვადასხვა საინტერესო სამოსით წარდგა და მაყურებელს სამუდამოდ დაამახსოვრა თავი. კაბებზე ცნობილმა დიზაინერმა, ჰეპბერნის ერთგულმა მეგობარმა, იუბერ დე ჟივანშიმ იმუშავა.

მსახიობმა ჟივანშის შესახებ ერთხელ თქვა: "მან შექმნა კაბები, რომლებიც განწყობას ამაღლებს. ყველა დეტალს საოცრად გრძნობდა და როგორც დედას შეუძლია, საკუთარი შვილის სურვილების აღმოჩენა, ჩემთან ზუსტად ასე იქცეოდა. მისმა ყურადღებამ და ზრუნვამ სიცოცხლის ხალისი არაერთხელ დამიბრუნა." დიზაინერმა კი ოდრის საკუთარი მუზა და და უწოდა.

ფილმისთვის "საუზმე ტიფანისთან" ჟივანშიმ 4 განსხვავებული კაბა შექმნა. თუმცა, სწორი შავი კაბა ნამდვილ კლასიკად გადაიქცა. დიზაინერმა კაბის სამი ეგზემპლარი გააკეთა. ერთი საკუთარ მოდის სახლში დატოვა, მეორე მადრიდის კოსტიუმების მუზეუმს გადაეცა, მესამე კი თავად ოდრის ჰქონდა. 2006 წელს ერთ-ერთი ესკიზი ლონდონში, Christie’s-ის აუქციონზე თითქმის მილიონ დოლარად გაიყიდა. გააგრძელეთ კითხვა