"აქ ვიღაცა პირველ დოზას ხო არ იკეთებს წუთი-წუთზე?" - აქონდროპლაზიის დიაგნოზის მქონე მოზარდები წამლის პირველ დოზას იღებენ: დღის ფოტო
აქონდროპლაზიის დიაგნოზის მქონე მოზარდები წამლის პირველი დოზის მისაღებად კლინიკაში მივიდნენ.
"აქ ვიღაცა პირველ დოზას ხო არ იკეთებს წუთი-წუთზე?" - წერს ერთ-ერთი მოზარდის დედა, მაკუნა გოჩიაშვილი და ფოტოს აქვეყნებს.
ცნობისთვის, აქონდროპლაზიის სამკურნალო მედიკამენტი საქართველოში რამდენიმე დღის წინ ჩამოიტანეს.
"ვზივარ და ვბღავი გიჟივით, თან ვიცინი, თან ვტირი, თან ვეღარ ვითმენ ზეგამდე, რომ არ გითხრათ. რამდენიმე წუთის წინ გავიგე, რომ წამალი ჩამოვიდა და უკვე იაშვილის კლინიკაშია. ზეგ ჩვენი თინეიჯერები პირველ დოზას გაიკეთებენ. წამალი დაიდო!" - წერდა მაკუნა გოჩაშვილი "ფეისბუქში".
შეგახსენებთ, ჯანდაცვის სამინისტრომ სექტემბერში განაცხადა, რომ სახელმწიფო, აქონდროპლაზიის სამკურნალო მედიკამენტ "ვოსორიტიდის“ ეტაპობრივად დანერგვას იწყებს. უწყების თანახმად, 2023 წელს, მკურნალობის პროგრამაში, საწყის ეტაპზე, 6 პაციენტი ჩაერთვება.
ნახეთ ასევე: