მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ალტე უნივერსიტეტის" მასშტაბური სასკოლო Start-up მარათონი იწყება
11:45 / 13-11-2023
მე-10, მე-11 ან მე-12 კლასის მოსწავლეებისთვის „ალტე უნივერსიტეტი“ Start-up მარათონს მართავს. პროექტი მათთვისაა, ვისაც სურს, ინოვაციური იდეები ფართო აუდიტორიას წარუდგინოს და მათი განხორციელებისთვის მხარდაჭერა მოიპოვოს.
მარათონი მეორე წელია ტარდება და მიზნად ისახავს მოსწავლეებში მეწარმეობის უნარების განვითარებას, ბიზნესისა და ანტრეპრენერობის პრინციპების გაცნობას, იდეის დამუშავებას, პროექტად გარდაქმნას და მისი სტარტაპად ქცევის ხელშეწყობას.
პროექტი ოთხ ეტაპად ხორციელდება და მასში მონაწილეობის მიღება შეუძლიათ მოსწავლეებს როგორც ინდივიდუალურად ასევე 3-4 მოსწავლისგან შემდგარ გუნდებს, საქართველოს ნებისმიერი რეგიონიდან. პირველი ეტაპი მოიცავს განაცხადების გადარჩევის პროცესს, მეორე ეტაპზე მონაწილეები გაივლიან ტრენინგებს, მესამე ეტაპზე მონაწილეები მენტორებთან ერთად იმუშავებენ პრეზენტაციებზე, რომელბიც ფინალურ ეტაპზე ჟიურსთან უნდა წარადგინონ, მეოთხე ეტაპი კი სწორედ იდეების წარდგენისა და დაჯილდოების დღეა. საუკეთესო იდეისა და ბიზნესმოდელის მქონე გუნდებს გადაეცემათ როგორც სიმბოლური, ისე ფულადი პრიზები „ალტე უნივერსიტეტისგან“ და პარტნიორებისგან. პროექტის მხარდამჭერები არიან TBC for Youth - თიბისი ახალი თაობისთვის, სტარტაპერი - Startuperi, GITA - ინოვაციებისა და ტექნოლოგიების სააგენტო და Entrepreneur Georgia.
პროექტის მნიშვნელობისა და სპეციფიკის შესახებ უფრო დეტალურად „ალტე უნივერსიტეტის“ ბიზნეს სკოლის დეკანი გიორგი აბაშიშვილი საუბრობს:
- საინტერესოა, რა კრიტერიუმებს უნდა აკმაყოფილებდეს პროექტები, რომლებსაც სკოლის მოსწავლეები წარადგენენ?
Start-up მარათონის ერთ-ერთი მთავარი უპირატესობა სწორედ ის არის, რომ არ გვაქვს განსაკუთრებული კრიტერიუმები, გარდა იმისა, რომ მონაწილეები იყვნენ თავისუფლები ინოვაციური და უნიკალური იდეის წარმოდგენაში, მათ დახვეწაში კი ჩვენი მენტორები შეუწყობენ ხელს. გასათვალისწინებელია, რომ მონაწილეები სტარტაპ იდეების თემატიკაში შეზღუდულები არ არიან, ჩვენ მათ არ ვაქცევთ ჩარჩოებში და შეუძლიათ, მაქსიმალური კრეატივი გამოავლინონ. მონაწილეებს ექნებათ სრული ხელშეწყობა, რომ თავიანთი იდეების პრაქტიკული რეალიზება მოახდინონ. მთავარია მოსწავლეებმა შეძლონ აპლიკაციების შევსებისას, ნათლად ჩამოაყალიბინო საკუთარი იდეა, დაგვარწმუნონ მის ვალიდურობასა და აქტუალურობაში და იმაში, რომ არსებობენ მომხმარებლები, რომლებიც ამ კონკრეტულ პროდუქტს/ მომსახურებას შეიძენენ.
- რატომ არის მნიშვნელოვანი ამგვარ პროექტებში სკოლის ასაკიდანვე ჩართულობა და როგორ შეუწყობს სტარტაპ მარათონი მოსწავლეებს ხელს ახალი უნარების შეძენაში?
ჩვენი შეხედულებით, სწორედ სკოლის მოსწავლეები არიან ყველაზე თავისუფალი და ნოვატორული იდეების მქონე ადამიანები და მათი თავიდანვე ხელშეწყობა მნიშვნელოვანია.
„ალტე უნივერსიტეტი“ ანტრეპრენერული უნარების განვითარების კუთხით მუშაობს როგორც მოსწავლეებთან, ისე სტუდენტებთან, რადგან ჩვენთვის ეს პრიორიტეტული მიმართულებაა. სკოლის მოსწავლეებთან მუშაობა მნიშვნელოვანია იმ თვალსაზრისით, რომ ისინი პროფესიასთან დაკავშირებულ გადაწყვეტილებებს სწორედ მე-10-დან მე-12 კლასამდე იღებენ. ამ პროექტის მეშვეობით ჩვენ მათ ვუძლიერებთ რწმენას, რომ თავიანთი იდეებისა და უნარების მეშვეობით შეუძლიათ, სამომავლოდ არამარტო თვითონ იყვნენ დასაქმებულები, არამედ თავადაც შექმნან კომპანია და გახდნენ დამსაქმებლები.
იმისათვის, რომ გახდე ანტრეპრენერი, დღეს ასაკს უკვე აღარ აქვს მნიშვნელობა. მთავარია, სწორი და ნოვატორული იდეები გარდაქმნა პროექტებად.
აქვე უნდა აღვნიშნო, რომ „ალტე უნივერსიტეტის“ სტარტაპ მარათონი მოიცავს მთელს საქართველოს, რადგან რეგიონების მასშტაბით ძალიან დიდ რესურსს ვხედავთ. შესაბამისად, სკოლებთან თანამშრომლობის კუთხით ჩვენ მაქსიმალურად პროაქტიულები ვიქნებით.
- როგორ შეაფასებთ სტარტაპ ეკოსისტემას საქართველოში და რა მნიშვნელობა აქვს მის განვითარებაში უმაღლესი საგანმანათლებლო დაწესებულებების, ამ შემთხვევაში, „ალტე უნივერსიტეტის“ ჩართულობას?
სტარტაპ-ეკოსისტემა საქართველოში დინამიკურად ვითარდება, ყოველი წელი ამ კუთხით უკეთესია. სტარტაპ ეკოსისტემის შესახებ ახალგაზრდებში ცნობიერება იზრდება. მათი სურვილი, იფიქრონ უფრო მასშტაბურად, შექმნან რაღაც ახალი, ინოვაციური, განპირობებულია იმით, რომ მათ მაგალითები ჰყავთ თანატოლების სახით, რომლებიც უკვე წარმატებულები არიან როგორც ადგილობრივი, ისე საერთაშორისო მიმართულებით. მათ ეს სწორედ თავიანთი იდეების მეშვეობით შეძლეს.
„ალტე უნივერსიტეტი“ ანტრეპრენერული უნარების განვითარებას დიდი ხანია უჭერს მხარს. ამ მიმართულებით ჩვენ აქტიურად ვთანამშრომლობთ სკოლებთან. უნივერსიტეტში შექმნილია სტარტაპ-გარაჟი, რომელიც საშუალებას გვაძლევს, მაღალი კლასის მოსწავლეებთან მუდმივად გვქონდეს კომუნიკაცია და მათ ახალი უნარების განვითარებაში შევუწყოთ ხელი.
ამასთან, ჩვენ აქტიურად ვთანამშრომლობთ ინოვაციებისა და ტექნოლოგიების სააგენტოსთან არა მარტო ამ პროექტის ფარგლებში. GITA არის ის უწყება, რომელმაც სტარტაპ ეკოსისტემის განვითარებასა და ფორმირებას ყველაზე უკეთ შეუწყო ხელი. მნიშვნელოვანია კერძო, სახელმწიფო და აკადემიური სექტორის თანამშრომლობა, რის შესაძლებლობასაც ჩვენ ჩვენი პროექტით ვქმნით, რადგან მასში ყველა ჩამოთვლილი მხარეა ჩართული.
Start-up მარათონზე რეგისტრაცია უკვე დაიწყო და 16 ნოემბრამდე გრძელდება. ცდა არ დააკლო, დარეგისტრირდი და აქციე შენი ინოვაციური იდეა რეალობად. რეგისტრაციისთვის მიჰყევი ბმულს.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
