დანიკა როემი ვირჯინიის შტატის ისტორიაში პირველი ტრანსგენდერი სენატორი გახდა

დანიკა როემი ვირჯინიის შტატის ისტორიაში პირველი ტრანსგენდერი სენატორი გახდა. ინფორმაციას The New York Times-ი ავრცელებს.

• ის პირველი სენატორი ტრანსგენდერი ქალია, რომელიც ვირჯინიის ზედა პალატაში აირჩიეს და მეორე ტრანსგენდერი სენატორი ქალი აშშ-ის სენატში.

დანიკა როემი, რომელიც არჩევნებში „დემოკრატიულ“ პარტიას წარმოადგენდა, მანამდე შტატის წარმომადგენელთა პალატაში იყო არჩეული.

გასულ სამშაბათს გამართულ არჩევნებში მან „რესპუბლიკური“ პარტიის წარმომადგენელი, ბილ ვულფი დაამარცხა. თავად სენატორი წერს, ამომრჩეველს სურთ ჰყავდეთ ლიდერი, ვისთვისაც პრიორიტეტული იქნება ინფრასტრუქტურული პროექტები, ბავშვთა კვება, მიწების დაცვა, ნაცვლად ტრანს ბავშვების სტიგმატიზაციისა და ხალხისთვის სამოქალაქო უფლებების ჩამორთმევისა.