20
ივნისიდღის ზოგადი ასტროლოგიური პროგნოზი
"ნაძალადევის რაიონში, გია რომელაშვილის ქუჩის გარკვეულ მონაკვეთზე გრუნტის დამჭერი კედლის მოწყობა დასრულდა და ტრანსპორტის გადაადგილებაზე დაწესებული შეზღუდვაც მოიხსნება. აღნიშნულ ტერიტორიაზე ტრანსპორტის მოძრაობა 4 აგვისტოდან აღდგება და საზოგადოებრივი ტრანსპორტიც დადგენილ მარშრუტებს დაუბრუნდება. კერძოდ, ავტობუსები: N317, N375 და N386 მოსახლეობას შეზღუდვამდე არსებული სქემით მოემსახურებიან", - ეს განცხადება თბილისის მერიამ ჯერ კიდევ ზაფხულში, მას მერე გაავრცელა, რაც "პალიტრავიდეომ" თემქაზე, ხევის მიმდებარედ ჩავარდნილ გზაზე მოამზადა სიუჟეტი
დღეს 10 ნოემბერია, მაგრამ ამ მონაკვეთზე სამუშაოები ჯერაც არ არის დასრულებული, გზაც ისევ გადაკეტილია.
ადგილობრივების თქმით, გზა ერთხელ თითქოს შეაკეთეს და მოძრაობაც აღდგა, მაგრამ მოკლე ხანში ისევ დაზიანდა.
დაზიანებული მონაკვეთის გამო, თვეებია საზოგადოებრივი ტრანსპორტი შემოვლითი გზებით დადის, ეს კი ვიწრო ქუჩებზე დაუსრულებელ საცობებს ქმნის, რაც თემქის მცხოვრებლებს დიდ პრობლემებს უქმნის. რომელაშვილის ქუჩა დასახლების ერთ-ერთი ცენტრალური გზაა, რომელიც ბოლო 6 თვის განმავლობაში ორჯერ ჩაინგრა.
"ბოლოს 3 კვირაა გზის გაკეთება განაახლეს, მაგრამ ძალიან ნელა მოქმედებენ. არადა, ცუდ დღეში ვართ ძალიან, გვიჭირს გადაადგილება. ერთხელ გაკეთდა და ისევ ჩაინგრა, ახლაც მუშები ნელა მუშაობენ. ავტობუსები არ დადის, სამსახურსა და სკოლებში ვაგვიანებთ, დავდივართ კორპუსებს შორის ვიწყო გზებით, სადაც სულ საცობებია", - ამბობს ადგილობრივი.
გლდანი-ნაძალადევის გამგეობის მიერ გავრცელებული ინფორმაციით, გზა 20 ნოემბერს გაიხსნება, მას შემდეგ რაც დასრულდება საყრდენი კედლის მოწყობა. გზის მეორედ ჩაშლის მიზეზად კი წყლის მიწისქვეშა კომუნიკაციების დაზიანება სახელდება.
- ავტორი: თიკო გურაშვილი
მეამის, რომ მთავრობას ელოდებით როდის გაგიკეთებთ გზას. მაგრამ ამხელა ორმო რომაა, ადგილობრივებმა ამოავსეთ საკუთარი ძალებით ან როგორმე შემოსაზღვეთ მაინც ვინმე რომ არ ჩავარდეს, ღამე უცხო მანქანა რომ მიდიოდეს მაგ გზაზე, ხომ ჩაიჩეხება შიგნით
რა დროს გზები და კაი ცხოვრებაა! ვერ ხედავთ, პარიზში ღარიბაშვილმა გამოაცხადა ტერიტორიები დავიბრუნეთო.... თქვენ კიდევ რაღაც ჩანგრევაო!