რას შეიძენ 50 ლარის ფარგლებში თბილისის წიგნის დღეებზე

შემოდგომის ყველაზე ჯადოსნური ფესტივალი „თბილისის წიგნის დღეები“ - იწყება! 10, 11 და 12 ნოემბერს, ექსპოჯორჯიას მე-11 პავილიონში წიგნების ზღვა არჩევანი დაგხვდებათ. ერთ-ერთი წამყვანი გამომცემლობა „პალიტრა L”, ლიტერატურის მოყვარულებს საინტერესო სიახლეებს, ახალ გამოცემებსა და ყველაზე მოთხოვნად წიგნებს დიდი ფასდაკლებებით სთავაზობს.

ალბათ დამეთანხმებით, რომ რაც უფრო მრავალფეროვანია შეთავაზება, მით უფრო ძნელია არჩევანის გაკეთება. ამიტომ, გთავაზობთ ლიტერატურულ გზამკვლევს და გეტყვით, თუ რომელი წიგნების შეძენას შეძლებთ 50 ლარის ფარგლებში, „პალიტრა L”-ის გამომცემლობიდან.

ოჰ, უილიამ - ელიზაბეტ სტრაუტი

ელიზაბეტ სტრაუტი ამერიკელი რომანისტი და ავტორია, რომელიც საყოველთაოდ არის ცნობილი ლიტერატურული მხატვრული ნაწარმოებებისა და მისი აღწერილობითი დახასიათების გამო. ლუსი ბარტონი მწერალია, თუმცა ყოფილი მეუღლის, უილიამის „ამოკითხვა"" ყოველთვის უჭირდა. აღიარებს კიდეც, უილიამი ჩემთვის ყოველთვის გამოცანა იყოო. ისიც გამოცანაა, დაშორებიდან წლების განმავლობაში როგორ შეინარჩუნეს კარგი ურთიერთობა. ამიტომ, როცა უილიამმა ლუსის სთხოვა, ოჯახის საიდუმლოს ამოსახსნელად მოგზაურობაში გამომყევიო, ლუსის თან გაუკვირდა და თან არა. თურმე საიდუმლოც ისეთი იყო, მისი გაგების შემდეგ მთელ ცხოვრებას სხვაგვარად რომ უნდა შეხედო და უახლოესი ადამიანები ხელახლა გაიცნო. ამ წიგნის თითოეულ ფურცელზე იმ ძალებს იპოვით, რომლებიც ერთმანეთთან დაშორების მერეც გვაკავშირებენ, უცნაურად, ხშირად გაუგებრად.

კირკე - მადელინ მილერი

ამერიკელი მწერალი მადელინ მილერი ანტიკური ლიტერატურისა და შექსპირის შემოქმედების მკვლევარია. როგორც მწერალმა, სახელი გაითქვა რომანებით ”აქილევსის სიმღერა“ და ”კირკე“, რომლებშიც ანტიკური მითები საინტერესოდ, თანამედროვე მწერლის თვალით არის დანახული. კირკე, მზის ღმერთის, ტიტან ჰელიოსის ქალიშვილი, მარტოსული და ახლობლებისგან ათვალწუნებული მხოლოდ იმიტომ, რომ მათსავით ლამაზი არ არის, ერთ მშვენიერ დღეს აღმოაჩენს, რომ მამაზე ნაკლები ღვთაებრივი ძალა არც მას აქვს, რომ ჰელიოსის დიდებული და კაშკაშა დარბაზების მიღმა მოკვდავთა საინტერესო სამყაროა, სავსე სულ სხვაგვარი, ადამიანური სიყვარულით თუ სიძულვილით, სევდით თუ სიხარულით. კირკეს ჯადოსნობის ძალამ თვით ოლიმპოელი ზევსიც დააფრთხო და სასჯელი სასტიკია _ გადასახლება უკაცრიელ კუნძულზე, სამუდამო მარტოობა. გრძნეულმა ქალღმერთმა კირკემ კუნძულზე ღმერთების რისხვაც იწვნია, მოკვდავთა სისასტიკეც და კიდევ დიდი სიყვარული... მოკვდავის, რომლის გამოჩენამ განმარტოებულ ცხოვრებაში სიტკბოებაზე მეტად სიმწარე არგუნა 2018 წელს კომპანიამ შეისყიდა ”კირკეს“ ეკრანიზების უფლება.

დიდი გეტსბი - ფრენსის სკოტ ფიცჯერალდი

ირლანდიური წარმოშობის ფრენსის სკოტ ფიცჯერალდი XX საუკუნის ერთ-ერთ უდიდეს ამერიკელ მწერლად მიიჩნევა. ეს არის მამაკაცისა და ქალის დიდი ამბავი, უჩვეულო სიყვარულის ისტორია. მილიონერი ჯეი გეტსბი წლების განმავლობაში ეძებს დაკარგულ საყვარელ ქალს და სჯერა მისი ერთგულებისა. იპოვის კიდეც, მაგრამ იგი ამ დროს უკვე სხვისი მეუღლეა, ერთი ქარაფშუტა ქალი, თუმცა კი შეყვარებული გეტსბისთვის ისევ ერთადერთი და განუმეორებელი. ჯეი არაფერს იშურებს მისი გულის მოსაგებად... როგორ მთავრდება იმ კაცის სიყვარული, რომელსაც თან ყველაფერი ჰქონდა და თან - არაფერი? „დიდი გეტსბი“ იმ რომანებს განეკუთვნება, მართლაც ერთი ამოსუნთქვით რომ იკითხება, მაგრამ ბევრ საფიქრალსაც ტოვებს.

მეგაპოლისი და ფიზიკური პირები - დავით ქართველიშვილი

თანამედროვე ქართველი ესეესტისა და პროზაიკოსის, დავით ქართველიშვილის, სამწერლობო საქმიანობა 2001 წლიდან იწყება. მიღებული აქვს არაერთი ლიტერატურული პრემია, მათ შორის, 2008 წელს საუკეთესო პროზაული კრებულისთვის "საბა" მიენიჭა. ძალიან მალე, თითქმის 12-წლიანი პაუზის შემდეგ, მწერალი დავით ქართველიშვილი სამშობლოსა და ლიტერატურას ახალი წიგნით - "მეგაპოლისი და ფიზიკური პირები" დაუბრუნდა. ამ ყოველმხრივ დაქსელილ რომანში მაღალოსტატურადაა მოთხრობილი, თუ რა რეალური და შინაგანი აღმართ-დაღმართების დალაშქვრა უწევს სრულიად უცხო გარემოში (შორეულ კალიფორნიაში) მოხვედრილ მთავარ გმირს. ასეთი ბმული ტექსტს უამრავი აქვს, იქნება ეს მწვავე ემოციური ბმები შორეულ წარსულთან, რომლის გარეშეც ეს აწმყო არ შედგებოდა, თუ ამ აწმყოს სამომავლო მეტაფიზიკური ბმულ-გრადაციები. არ გამოტოვოთ შანსი, შეიძინოთ ეს ფასდაკლებით.

მოვლენა - ანი ერნო

2022 წელს ანი ერნო გახდა ლიტერატურის დარგში ნობელის პრემიის ლაურეატი „გამბედაობისა და კლინიკური სიმძაფრისთვის, რომლითაც იგი ახსნის პირადი მეხსიერების ფესვებს, გაუცხოებას და კოლექტიურ იძულებას“. თავის უმთავრეს ნაწარმოებში, 2008 წელს გამოქვეყნებულ მემუარულ რომანში, „წლები“, საზოგადოების და ქალის "2022 წელს ანი ერნო გახდა ლიტერატურის დარგში ნობელის პრემიის ლაურეატი „გამბედაობისა და კლინიკური სიმძაფრისთვის, რომლითაც იგი ახსნის პირადი მეხსიერების ფესვებს, გაუცხოებას და კოლექტიურ იძულებას. „იყვნენ სხვა გოგოები, რომელთა მუცლებიც ცარიელი იყო, და ვიყავი მე“ – 1963 წელს, 23 წლის ასაკში თავს გადამხდარი ამბავი ავტორმა 40 წლის შემდეგ დაწერა, 2021 წელს კი მის მიხედვით ოდრი დივანის მიერ გადაღებულმა ფილმმა ვენეციის კინოფესტივალის მთავარი პრემია, ოქროს ლომი დაიმსახურა.

ფესტივალზე წარმოდგენილი იქნება ადგილობრივი გამომცემლობები, სტამბები და მაღაზიები, რომლებიც მკითხველს წიგნების მრავალფეროვან არჩევანს შესთავაზებენ. წიგნების გამოფენა-გაყიდვასთან ერთად, „თბილისის წიგნის დღეები“ მრავალფეროვან კულტურულ, საგანმანათლებლო და გასართობ პროგრამას გააერთიანებს. არ გამოტოვოთ საუკეთესო შეთავაზებები, სიახლეები და ფასდაკლებები „პალიტრა L”-ისგან!

იხილეთ გამომცემლობა „პალიტრა L”-ის კატალოგი.

R