რა ვითარებაა ორბელიანის სასახლესთან, სადაც პრეზიდენტის ინიციატივით მოქალაქეები შეიკრიბნენ - გადაწყდა, რომ დღეიდან იწყება ხელმოწერების კამპანია - "ჩვენი ხმა ევროპას" (ფოტოები)
ორბელიანების სასახლესთან ევროკომისიის გადაწყვეტილებასთან დაკავშირებით ლოზუნგით - "ჩვენი ხმა ევროპას“ მოქალაქეები არიან შეკრებილები.
შეკრება პრეზიდენტის, სალომე ზურაბიშვილის ინიციატივით დაიგეგმა. ღონისძიება საქართველოს ეროვნული ჰიმნით გაიხსნა.
ასევე, პრეზიდენტის ინიციატივით, დღეიდან იწყება ხელმოწერების კამპანია - "ჩვენი ხმა ევროპას".
"დღეს იწყება ჩვენი ხელმოწერების კამპანია - "ჩვენი ხმა ევროპას". კამპანია, რომელიც ჩემზე კი არა თქვენზეა დამოკიდებული, მთელ ქვეყანაზე, უნდა იყოს გაშლილი ქვეყანაში და ქვეყნის გარეთ", - განაცხადა პრეზიდენტმა.
ადგილზე იმყოფებიან არასამთავრობო ორგანიზაციების და სხვადასხვა სფეროს წარმომადგენლები იმყოფებიან. ღონისძიებას ესწრება ევროკავშირის ელჩი საქართველოში, პაველ ჰერჩინსკი.
აღსანიშნავია, რომ დღეს, 20:00 საათზე, დაგეგმილი იყო კონცერტი, თუმცა რუსეთის საოკუპაციო ძალების მიერ თამაზ გინტურის მკვლელობის გამო კონცერტი გაუქმდა.
ფოტო: გიორგი ჟამერაშვილი, "ინტერპრესნიუსი"
