ტრაგედია ხელვაჩაურში - ავარიის შედეგად დაღუპული მცირეწლოვანი ძმების მამა, რომელიც კლინიკაში იმყოფებოდა, გარდაიცვალა
- ფოტოზე: გარდაცვლილი ჯაბა ბერიძე
ხელვაჩაურში სოფელ მახოში 29 ოქტომბერს ავტოსაგზაო შემთხვევის შედეგად გარდაცვლილი მცირეწლოვანი ძმების მამაც გარდაიცვალა. ჯაბა ბერიძე კლინიკაში ათი დღის განმავლობაში მკურნალობდა.
"10 დღის შემდეგ ჯაბა წავიდა თავის შვილებთან იმიერში" - წერენ გარდაცვლილის ახლობლები.
ცნობისთვის, სოფელ მახოში ავტოსაგზაო შემთხვევის შედეგად სამი ადამიანი დაიღუპა. ისინი ერთი ოჯახის წევრები იყვნენ. ადგილობრივების ინფორმაციით, მსუბუქი ავტომობილი ხევში გადავარდა, რომელშიც 9 ადამიანი იმყოფებოდა. მათივე თქმით, ორი მცირეწლოვანი ბავშვი ადგილზე დაიღუპა, ხოლო შუახნის მამაკაცი კლინიკაში გადაყვანისას გარდაიცვალა. მომხდარზე გამოძიება მიმდინარეობს.