რას შეიძენენ 50 ლარად დეტექტივის მოყვარულები თბილისის წიგნის დღეებზე

წიგნების ნამდვილი დღესასწაული - „თბილისის წიგნის დღეები“ ბრუნდება! ლიტერატურის მოყვარულებს შესანიშნავი შესაძლებლობა ეძლევათ, გაეცნონ ახალ წიგნებს, ავტორებსა და გამომცემლობებს, შეიძინონ წიგნები დიდი ფასდაკლებით და გაატარონ დრო კულტურულ ატმოსფეროში.

წიგნების ფესტივალი ტრადიციულად, ექსპოჯორჯიას მე-11 პავილიონში, 10, 11 და 12 ნოემბერს გაიმართება. ადგილზე წარმოდგენილი იქნება ადგილობრივი გამომცემლობები, სტამბები და წიგნის მაღაზიები, რომლებიც მკითხველს წიგნების მრავალფეროვან არჩევანს შესთავაზებენ. ერთგულ მკითხველს განსაკუთრებული ფასდაკლებებით ელის გამომცემლობა „პალიტრა L”-ისგან.

ლიტერატურის სამყაროში არის გამორჩეული ჟანრი, რომელსაც შეუძლია მკითხველის მოხიბვლა თავისი იდუმალებით, ინტრიგებითა და საიდუმლოებების ამოხსნის ოსტატური თამაშით. ეს ჟანრი - დეტექტივია. მოდით, ვნახოთ, თუ რომელი წიგნების შეძენას შეძლებთ „თბილისის წიგნის დღეებზე“ 50 ლარის ფარგლებში, დეტექტივისა და თრილერის ჟანრში:

გარდაცვლილის კაპრიზი - აგათა კრისტი

მდიდარ ხალხს ხშირად ახირებული აზრები მოსდის თავში, მაგალითად, მკვლელობანას თამაში და, გასაკვირი ის არის, რომ გარემოცვაც ხალისით მონაწილეობს ამ „უვნებელ“ გართობაში. ასე მოხდა ინგლისის ერთი პატარა სოფლის მამულში - ვიღაცას დამნაშავის როლი არგუნეს, ვიღაცას მოწმის, ვიღაცას კი მაძებრის. მკვლელობანას სიამოვნებით თამაშობენ დეტექტივი ერკიულ პუარო და მისი მეგობარი, მწერალი არიადნა ოლივერიც; თამაშობენ მანამდე, სანამ უწყინარი გართობა უდანაშაულო გოგონას ნამდვილი მკვლელობით არ დამთავრდა. პატარა ბელგიელს ამ თავსატეხის ამოხსნა მოუწევს.

ლურჯი მატარებლის საიდუმლოება - აგათა კრისტი

დეტექტივების დედოფლის, აგათა კრისტის მოყვარულებს კიდევ ერთ საოცარი წიგნი ელით: იდუმალი ქალი, ლეგენდარული ლალის ქვები და საფრანგეთის რივიერისკენ მიმავალი „ლურჯი მატარებელი“ – რით არ არის საუცხოო მასალა რომანტიკული სიყვარულისა და ბრწყინვალე დანაშაულისთვის?! მატარებელი გაჩერდა და ძვირფასთვლებიანი ალისფერი ტარსიკონის ზარდახშა გაქრა, მისი პატრონი ქალი კი შავი ზონრით დამხრჩვალი იპოვეს კუპეში. იდეალური საიდუმლო, სავსე ვნებით, სიხარბითა და სიცრუით, და იდეალური დეტექტივი ერკიულ პუარო, რომელიც „ლურჯი მატარებლის“ საიდუმლოს გასაღებს ჩვეული ოსტატობით იპოვის.

სიკვდილი ნილოსზე - აგათა კრისტი

მრავალმილიონიანი ქონების მემკვიდრე ლიტენ რეჯუეი ცოლად მიჰყვება თავისი უახლოესი მეგობრის, ჟაკლინის საქმროს. ახალდაქორწინებულები თაფლობის თვის გასატარებლად თბომავალ "კარნაკით" ნილოსზე, ეგვიპტეში მიემგზავრებიან. ჟაკლინი გადაწყვეტს, ჩააშხამოს მოგზაურობა მოღალატე საქმროსა და მეგობარს. ბორტზე სხვა მტრებიც არიან. სახელგანთქმული მეძებარი პუარო, ლინეტს ერთ დღეს კაიუტაში მოკლულს იპოვის. ხანგრძლივი ძიების შემდეგ პუარო მიაგნებს დანაშაულის იარაღას და მიზეზსაც,მაგრამ ერთმანეთს ახალ-ახალი მკვლელობები მოჰყვება.

სკანდალის ანატომია - სარა ვონი

სარა ვონის წიგნის მიხედვით, 2022 წელს "ნეტფლიქსმა" ამავე სახელწოდების მინისერიალი გადაიღო, რომელმაც დიდი პოპულარობა მოიპოვა. ჯეიმზ უაითჰაუსს, სანიმუშო ქმარსა და მამას, წარჩინებულ პოლიტიკოსს საშინელ დანაშაულში სდებენ ბრალს. ცოლი დარწმუნებულია, რომ ქმარი უდანაშაულოა. დაზარალებულის ადვოკატ ქალს კი სჯერა, რომ პოლიტიკოსი დამნაშავეა, მითუმეტეს, რომ კარგად იცის, რას ნიშნავს იყო მსხვერპლი. ბოლოს და ბოლოს, ვინ არის ჯეიმზ უაითჰაუსი - გარემოებათა მსხვერპლი თუ დამნაშავე? ვინ არის მართალი - პოლიტიკოსი თუ დაზარალებული და მისი ადვოკატი? და სანამ ამ სკანდალის ანატომიაში გაერკვევიან, ერთ კითხვაზე უკვე არსებობს პასუხი: ეს ამბავი სამუდამოდ შეცვლის თითოეულის ცხოვრებას.

მკვლელო, სცენაზე! - ნაიო მარში

"„მარტორქას“ თეატრის ახალი სპექტაკლის სცენარი ვარსკვლავის საგრიმიოროში უჩვეულო კინკლაობაში გადაიზრდება, თვით სპექტაკლსა და სინამდვილეს შორის კი ზღვარი იშლება, როდესაც სიმპათიური ფელიქს გარდენერი თავის აღელვებულ მეტოქეს, ართურ სურბონადიეს, იმ რევოლვერით კლავს, თავად ართურმა რომ დატენა ფუჭი ვაზნებით, მაგრამ ნამდვილად ფუჭი ვაზნებით დატენა ართურმა რევოლვერი? როგორ მოხვდა ნამდვილი ვაზნა თეატრის რეკვიზიტად ქცეულ რევოლვერში? ჩახლართულ საქმეში ინსპექტორმა როდერიკ ალეინმა უნდა გამოავლინოს მკვლელი, რომელიც ბოროტმოქმედების ჯოჯოხეთურად ჭკვიანური დაგეგმვისთვის „ოსკარს“ იმსახურებს".

წიგნების გამოფენა-გაყიდვასთან ერთად, წიგნის დღეები მრავალფეროვან კულტურულ, საგანმანათლებლო და გასართობ პროგრამას გააერთიანებს. გელოდებათ მრავალი სიახლე, ფასდაკლება და განსაკუთრებული შეთავაზება!

დასწრება თავისუფალია.

იხილეთ ღონისძიების ბმული

R