21
მაისიდღის ზოგადი ასტროლოგიური პროგნოზი
33 წლის პოლიციელი არიზბეტ დიონისიო ამბროსიო მექსიკის ქალაქ აკაპულკოში დამანგრეველი ქარიშხალ ოტისის სამაშველო სამუშაოებში მონაწილეობდა, როდესაც შორიდან ბავშვის ტირილი გაიგონა.
თავად 2 მცირეწლოვანის დედა ხმას მიჰყვა და იპოვა ქალი 4 თვის ჩვილით ხელში, რომელმაც უთხრა, რომ მისი ბიჭუნა 2 დღის უჭმელი იყო და შიმშილისგან ტიროდა.
"ვუთხარი, რომ თავადაც მეძუძური დედა ვიყავი და შემეძლო ბავშვის გამოკვება", - იხსენებს ახალგაზრდა პოლიციელი მომხდარს. ქალმა მშიერი ბავშვის ძუძუთი კვება დაიწყო, რომელმაც მალევე შეწყვიტა ტირილი. "ბედნიერი ვიყავი, დედებს თუ რამ გვაყენებს ყველაზე დიდი ტკივილს, ეს ბავშვების ასეთ პირობებში ნახვაა", - ამბობს ის. ამის ამსახველი ფოტო ინტერნეტჰიტად იქცა და სოციალურ ქსელში უამრავი გამოხმაურება რეაქცია მოჰყვა
მექსიკის ქალაქ აკაპულკოში ქარიშხალი ოტისის შედეგად სულ მცირე 48 ადამიანი დაიღუპა, ექვსი კი დაკარგულად ითვლება.
ქარიშხალმა ელექტროენერგიის გარეშე დატოვა თითქმის 900 ათასი ადამიანი, დააზიანა 270 ათასზე მეტი სახლი და 600-მდე სასტუმრო, განადგურდა ინფრასტრუქტურა.
მხოლოდ დაზღვეულთა ზარალი 15 მილიარდ დოლარად არის შეფასებული.
ოტისმა აკაპულკოს 266 კმ/სთ სიჩქარით გადაუარა. ის არის ისტორიაში ყველაზე ძლიერი ქარიშხალი წყნარი ოკეანის აღმოსავლეთით, რაც კი მასზე დაკვირვების განმავლობაში მომხდარა. სინოპტიკოსებმა ამის პროგნოზირება ვერ შეძლეს.
იხილეთ ასევე:
რა კარგი ბომბორა ბავშვია :)
მშობლიური დედამიწა, ნათელი გარემო, სიყვარული... რამდენი სიკეთეა ამ ერთ ფოტოში.