გაიცანით ახალი Lexus LM: პირველი კლასი ავტომობილში, VIP მგზავრებისთვის

• Lexus-მა სრულიად ახალი, საფლაგმანო მოდელი LM წარმოადგინა
• LM იშიფრება როგორც “Luxury mover” - მდიდრული ტრანსპორტერი
• ავტომობილი შექმნილია მგზავრების უმაღლესი კომფორტისთვის
• Lexus LM-ის ორი ვერსია იწარმოება: 4-ადგილიანი და 7-ადგილიანი
• 4-ადგილიანი ვერსია გამოირჩევა პირველი კლასის სავარძლებით და 48-დუიმიანი ეკრანით

Lexus-მა მდიდრულობა და კომფორტი სრულიად ახალ საფეხურზე აიყვანა. პრემიუმ-კლასის ავტომობილების მწარმოებელმა იაპონურმა კომპანიამ წარმოადგინა სრულიად ახალი ფლაგმანი მოდელი LM და ეს ავტოინდუსტრიაში ფაქტობრივად ახალი სიტყვაა.

LM ასე იშიფრება: Luxury mover, რაც ასე უნდა ვთარგმნოთ - “მდიდრული გადამყვანი”, “მდიდრული ტრანსპორტერი”. ეს არის ავტომობილი, რომელიც აერთიანებს მდიდრული სედანის ხარისხსა და კომფორტს მინივენის ან ვენის შესანიშნავ ტევადობასთან და პრაქტიკულობასთან. Lexus LM შეიქმნა იმისთვის, რომ ადამიანებმა იმგზავრონ ისეთი კომფორტით, როგორსაც აქამდე ავტომობილში არც კი ელოდებოდნენ. იწარმოება 2 ვერსია - 4-ადგილიანი და 7-ადგილიანი. საქართველოში, Lexus Tbilisi-ს შოურუმში ორივე ვერსია ხელმისაწვდომია.

2023 წლის მოდელი Lexus LM ყველგან და ნებისმიერ საზოგადოებაში ყურადღების ცენტრში იქნება - არა მხოლოდ თავისი განსაკუთრებული დიზაინის და სიდიდის გამო, არამედ პირველ რიგში იმ მდიდრული ხარისხითა და კომფორტით, რაც მის ინტერიერში გელოდებათ.

5 მეტრი სიგრძე, თითქმის 2-მეტრიანი სიგანე და სიმაღლე, 3-მეტრიანი თვლების ბაზა - მხოლოდ ეს ციფრებიც საკმარისია იმისთვის, რომ მივხვდეთ: Lexus LM მაქსიმალურად ტევადი ტრანსპორტერია - ორი ძირითადი ხასიათით. ერთის მხრივ ის შეიძლება იყოს კომფორტული ოფისი ავტომობილში და მეორე მხრივ, პრაქტიკული და მდიდრული საოჯახო ავტომობილი.

Lexus LM განკუთვნილია სამი ტიპის მომხმარებლებისთვის. ეს ავტომობილი პირველ რიგში შექმნილია ბიზნესმენებისთვის, რომლებსაც ავტომობილით გადაადგილების დროსაც სურთ კომფორტული სამუშაო გარემო და ბიზნესპარტნიორებზე ან ნებისმიერ სტუმარზე შთაბეჭდილების მოხდენა. მეორე: Lexus LM იდეალური არჩევანია კომპანიებისთვის, რომლებიც ემსახურებიან VIP-სტუმრებს, მაღალი კლასის სასტუმროებსა თუ სხვადასხვა დელეგაციებს. და მესამე: LM (განსაკუთრებით მისი 7-ადგილიანი ვერსია) ასევე შექმნილია ოჯახებისთვის, რომლებსაც ავტომობილში მაქსიმალური კომფორტი და პრაქტიკულობა სურთ.

Lexus LM-ში სავარძლების პირველი რიგიც უმაღლეს კომფორტს გვთავაზობს - მძღოლისა და წინა მგზავრის სივრცეში კომფორტის უამრავი ფუნქცია და Lexus-ისთვის დამახასიათებელ უმაღლესი ხარისხის გარემო და ტექნიკა გელოდებათ, ყველაზე მნიშვნელოვანი და გასაოცარი უკანა განყოფილებაა.

4-ადგილიან ვერსიაში გელოდებათ ორი VIP-კლასის სავარძელი გათბობისა და გაგრილების, ასევე მასაჟების ფუნქციით. შესაძლებელია სავარძლების წამოსაწოლ მდგომარეობაში გადაყვანაც. VIP მგზავრებს სრული კონტროლი აქვთ ინტერიერის განათებაზე, კლიმატიზირებაზე, მძღოლთან გამყოფი ბარიერის ფუნქციებზე, რომლის დახურვისა და გაბლარვის შემთხვევაში წარმოიქმნება უკიდურესად პრივატული, საიდუმლო გარემო VIP მგზავრისთვის და მისი სტუმრისთვის. Lexus LM-ის 4-ადგილიანი ვერსიის ერთ-ერთი უმთავრესი ღირსებაა 48-დუიმიანი HD ultra-widescreen ეკრანი, რომელიც ბევრნაირად კონფიგურირდება. აღნიშნული ეკრანი ფაქტობრივად პირადი კინოთეატრის გარემოს ქმნის. შესაძლებელია მისი ორ ნაწილად გაყოფა, რათა ორივე მგზავრი მისთვის სასურველი საქმიანობით დაკავდეს.

სავარძლების, ეკრანის, მაცივრის, პერსონალური მაგიდების და ინტერიერის უნიკალური განათების გარდა, მგზავრების კომფორტზე ზრუნავს ინდივიდუალური შეკვეთით დამზადებული მარკ ლევინსონის 3D Surround-აუდიო-სისტემა 23 დინამიკით და საუკეთესო ჟღერადობით.

Lexus-ის ინჟინრებმა ნებისმიერ ასპექტზე მუშაობისას უდიდესი მნიშვნელობა მიანიჭეს კომფორტს. უმაღლეს დონეზეა აყვანილი ხმაურიზოლაცია და ინჟინრების ნებისმიერი გადაწყვეტილება ეფუძნება იმას, რომ მგზავრებმა მაქსიმალურად რბილად და სრულყოფილად მშვიდ გარემოში იმგზავრონ და ხშირად ვერც კი შეამჩნიონ, რომ ავტომობილი გადაადგილდება. Lexus-ის GA-K პლატფორმაზე აგებულ LM-ს სვლის უნიკალური კომფორტი ახასიათებს - აბსოლუტურ მინიმუმამდეა შემცირებული სვლით გამოწვეული ხმაური და ვიბრაცია, დამუხრუჭებით გამოწვეული ძარის მოძრაობა.

“ეს არის მდიდრულობის კონცეფცია ავტომობილში, რომელიც ემსახურება მგზავრების სრულ მენტალურ და ფიზიკურ რელაქსაციას,” - აცხადებენ Lexus-ის ევროპის წარმომადგენლობაში. ეს არის ავტომობილი, რომელიც სრულყოფილად გამოხატავს “ომოტენაშის” - იაპონური სტუმართმოყვარეობისა და სტუმრის პატივისცემის ფენომენს, რომელიც Lexus-ის დევიზია. საქმე გვაქვს პერსონალიზებული კომფორტის უმაღლეს დონესთან ავტომობილში.

“მე მინდოდა, ავტომობილში შემექმნა საუკეთესო სივრცე ისეთი ადამიანებისთვის, რომლებიც ძალიან დაკავებულები არიან,” - აცხადებს Lexus LM-ის მთავარი ინჟინერი ტაკამი იოკოო.

Lexus Tbilisi-ს შოურუმში ახალი LM ხელმისაწვდომია სრულიად ახალი ჰიბრიდული სისტემით, რომელიც მოიცავს 2,5-ლიტრიანი ძრავისა და ელექტრომოტორის კომბინაციას. ეს არის თვითდამუხტვადი ჰიბრიდი 250 სისტემური ცხენის ძალით, რომლის საწვავის საშუალო ხარჯი 100 კილომეტრზე 5 ლიტრია. აქვე უნდა აღინიშნოს, რომ Lexus LM სრულამძრავიანი (4x4) ავტომობილია.

R