მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა მდგომარეობაში არიან ღაზის სექტორში მცხოვრები ქრისტიანი არაბები და რამდენად დაცულია ეკლესიები, რომელსაც თავს აფარებენ?
10:33 / 02-11-2023
ღაზას სექტორში მცხოვრები ასობით ქრისტიანი იძულებულია ისრაელის საჰაერო თავდასხმების დროს ორ ეკლესიას წმინდა პორფირის მართლმადიდებლურ ტაძარსა და წმინდა ოჯახის კათოლიკურ ეკლესიას შეაფარონ თავი. გასულ კვირას, ერთი ეკლესია ნაწილობრივ დაიბომბა. გადარჩენილები იძულებულები გახდნენ, სხვა თავშესაფარი ეძებნათ.
19 ოქტომბერს, რაკეტა მოხვდა წმინდა პორფირის ეკლესიის ტერიტორიაზე მდებარე შენობას. თვითმხილველების თქმით, დაიღუპა 17 ადამიანი და დაშავდა ათობით, მათ შორის ბავშვები. ისრაელის ხელისუფლება აცხადებს, რომ ეკლესია არ ყოფილა სამიზნე. ისრაელის საგარეო საქმეთა სამინისტროს სპიკერმა ლიორ ჰაიატმა BBC-ს განუცხადა, რომ ეკლესიის კედელი დაზიანდა.
BBC-ის მიერ მოპოვებულ ვიდეოზე ჩანს, რომ მოსახლეობა და სამოქალაქო თავდაცვის პერსონალი ნანგრევებში ცოცავდნენ და თითქმის სიბნელეში ცდილობდნენ იქ ჩარჩენილი ადამიანები ეპოვათ.
ნანგრევების გროვაში აღმოაჩინეს ახალშობილის ფოტოები. უცნობია გადარჩა თუ - არა.
სუჰეილ საბა არაბული მართლმადიდებლური ეკლესიის საბჭოს მდივანია. BBC-სთან საუბარში ამბობს, რომ თავის, ზურგისა და ფეხების დაზიანებები მას შემდეგ მიიღო, რაც "რაკეტა პირდაპირ საბჭოს შენობას დაეცა, მყისიერად დაიღუპა ერთი ოჯახის ცხრა წევრი“. მისი თქმით, დაბომბვა ძლიერი იყო, "თითქოს მიწისძვრა მოხდა“.
წმინდა პორფირის ეკლესიის დანარჩენი ნაწილი კვლავ ხელუხლებელია და ქრისტიანების ნაწილი კვლავაც ტაძარში რჩება, მაგრამ საბამ იქვე, წმინდა ოჯახის კათოლიკურ ეკლესიას შეაფარა თავი.
"რამდენიმე წამში, ჰაერში ავფრინდი და გვერდზე გადავვარდი, იქვე ბეტონის ნაჭრები ჩამოცვივდა, ქალები და ბავშვები განწირულად ყვიროდნენ“, - ამბობს წმინდა პორფირიოსის ეკლესიაზე ავიაიერიშს გადარჩენილი სუჰაილ საბა.
ღაზაში მცხოვრებმა ქრისტიანებმა სახლები მას შემდეგ დატოვეს, რაც ისრაელის არმიამ გააფრთხილა მოსალოდნელი სახმელეთო ოპერაციისა და ევაკუაციის შესახებ.
დასავლეთ სანაპიროზე მცხოვრები პალესტინელი ქრისტიანი მუნტერ ისაკი ამბობს, რომ ღაზას სექტორში მცხოვრები ქრისტიანები "უმძიმესი სცენარისთვის ემზადებიან“.
ღაზაში ქრისტიანები მოსახლეობის 0,05%-ზე ნაკლებს შეადგენენ და მხოლოდ 1 100 ადამიანია მართლმადიდებელი ან კათოლიკე. მათი უმრავლესობა საბერძნეთის მართლმადიდებლური ეკლესიის მიმდევარია. ისინი მიმოფანტულნი არიან მთელ სექტორში და არ ქმნიან ერთიან თემს.
ბერძნული მართლმადიდებლური ეკლესიის წევრის თქმით, რომელმაც ანონიმურად დარჩენა ისურვა, ქრისტიანებიდან ზოგიერთი ღაზაში 1948 წლის ნაკბას შემდეგ ჩავიდა. ასე მოიხსენიებენ პალესტინელები 700 000 პალესტინელის იძულებით გადასახლებას 1947-1949 წლებში, არაბეთ-ისრაელის ომის დასრულების შემდგომ. ისრაელში ამ კონფლიქტს "დამოუკიდებლობის ომს" უწოდებენ.
სხვა ქრისტიანები თავიანთ წინაპრებს ამ ტერიტორიის პირველ მაცხოვრებლებს ეძახიან, რომლებიც "ამ მიწაზე 402 წლიდან, წარმართობიდან ქრისტიანობაზე გადასვლის შემდეგ ცხოვრობდნენ“, - ამბობს ისაკი.
- ბლოკადა
ისრაელი და ეგვიპტე მკაცრად აკონტროლებენ საგუშაგოებს. ანკლავის მაცხოვრებლებს უფლება აქვთ ტერიტორია მხოლოდ ოფიციალური ნებართვის შემდეგ დატოვონ.
რიმ ჰარადა, სამი შვილის დედაა. ის ოჯახთან ერთად ცხოვრობს ღაზაში. ბოლოს თავისი და, რომელიც ისრაელში ცხოვრობს, ხუთი წლის წინ ნახა. რიმი ამბობს, რომ ისრაელში შესვლის ნებართვა "ყოველთვის არ გაიცემა ოჯახის ყველა წევრზე, ჩემს ქმარს, მაგალითად, არასოდეს აძლევდნენ“, - დასძენს ის.
"ჩემი დის ქალიშვილები დაქორწინდნენ, მაგრამ ჩვენ ვერ გავიზიარეთ მათი სიხარული. ვცდილობთ კომუნიკაცია ინტერნეტით გვქონდეს, მაგრამ ამის საშუალება ყოველთვის არ არის“, - ამბობს ქალი.
- "მოკრძალებული დღესასწაულები გვაქვს"
"ჩვენ ყველა რელიგიურ დღესასწაულს აღვნიშნავთ, მაგრამ ყველაფერი განსხვავებულია დასავლეთ სანაპიროზე და ბეთლემში მცხოვრები ქრისტიანებისთვის. ანკლავში არსებული ვითარების გამო, ჩვენ მოკრძალებული დღესასწაულები გვაქვს“, - თქვა მართლმადიდებლური ეკლესიის წევრმა, რომელმაც ანონიმურად დარჩენა ისურვა.
არაბული მართლმადიდებლური ეკლესიის საბჭოს წევრის, ელიას ჯარადას თქმით, ღაზაში ქრისტიანული თემის მცირე ზომა გავლენას ახდენს რელიგიური და საერო ცხოვრების ყველა ასპექტზე.
"ღაზაში ცოტანი ვართ. ჩვენ გვინდა, რომ ჩვენი შვილები გაეცნონ ქრისტიანულ საზოგადოებას, რათა მათ გაიცნონ თემის ყველა წევრი და იცხოვრონ ნორმალურად“, - ამბობს ის.
- "სიცოცხლის საშუალება არ არსებობს; არსებობს მხოლოდ სიკვდილი…"
ღაზაში კათოლიკური თემის იერუსალიმის საპატრიარქოს ვიცე-პრეზიდენტის, მამა ჯოზეფ ასადის თქმით, დაახლოებით 550 ადამიანი, რომლებმაც იძულებით დატოვეს სახლები, ახლა მის ეკლესიაში იმალებიან, მათგან 60 განსაკუთრებული საჭიროებების მქონეა, არიან ბავშვებიც.
"ჩვენ ვცხოვრობთ საპატრიარქოს სკოლის შენობაში, სადაც არ არის საძინებლები, სველი წერტილები, თავშესაფრები“, - განმარტავს მამა იოსები.
მდგომარეობა კიდევ უფრო გართულდა წმინდა პორფირიოსის ეკლესიაზე ავიაიერიშის შემდეგ, რის შემდეგაც, მისი მრევლის ერთ-ერთი წევრის თქმით, 100-მდე ქრისტიანი უსახლკაროდ დარჩა.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ებრაელების ნასროლი რაკეტები ისეთი ჭკვიანები არიან თურმე არჩევს მუსულმანს და ქრისტიანს ერთმანეთისგან . აი ბავშვები და ქალები ერევა მამაკაცებში
განწირული ხალხი. ყველას თვალებში ეჩხირებიან....არავინაა ამათი გამკითხავი....