მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
3 წლის მადლენის იდუმალებით მოცული გაუჩინარება: გამოძიებას ეჭვმიტანილად მშობლები მიაჩნდა: რატომ მოიხადა პორტუგალიის პოლიციამ ბოდიში 16 წლის შემდეგ
10:26 / 01-11-2023
პორტუგალიის პოლიციამ 16 წლის წინ გატაცებული მადლენ მაკკანის მშობლებს მისი გაუჩინარების გამოძიების გამო ბოდიში მოუხადა. გერი და ქეით მაკკენები პოლიციას ამ დრომდე მათი ქალიშვილის მკვლელობაში ეჭვმიტანილებად მიაჩნდა.
3 წლის მადლენი 2007 წელს პორტუგალიის ქალაქ ალგარვეში მშობლებთან ერთად ისვენებდა, რა დროს გაუჩინარდა. მაკკანის მშობლებმა გოგონა ნაქირავებ ბინაში მძინარე დატოვეს და მეგობრებთან ერთად მიმდებარე ბარში წავიდნენ.
რამდენიმე ხნის შემდეგ დაბრუნებულმა დედამ, ქეით მაკკენმა, შვილი ბინაში ვეღარ იპოვა.
გერმანიის ხელისუფლება ეჭვობს, რომ გოგონა 46 წლის მოქალაქემ კრისტიან ბრუკნერმა გაიტაცა და შემდეგ მოკლა, კაცი იმ დროს პორტუგალიაში იმყოფებოდა.
თუმცა, მისთვის ბრალი ჯერ კიდევ არ წაუყენებიათ. კაცი თავად კატეგორიულად უარყოფს ბავშვის გაუჩინარებაში მონაწილეობას.
გოგონას იდუმალი გაუჩინარებიდან 16 წლის შემდეგ, ჯერ კიდევ დაუდგენელია, თუ რა მოხდა საბედისწერო ღამეს და რა დაემართა მადლენს.
პორტუგალიის პოლიციის მაღალჩინოსნები ლისაბონიდან ლონდონში გაემგზავრნენ, რათა შეხვედროდნენ დაკარგული გოგონას მამას, გერი მაკკენს. მას პირადად მოუხადეს ბოდიში საქმის არასათანადოდ გამოძიების გამო.
პორტუგალიის პოლიციის განცხადებით, მათი სამსახურის მიერ პირველადი გამოძიება მადლენის გაუჩინარებასთან დაკავშირებით, სათანადოდ არ ჩატარებულა. მაკკენის ოჯახს ბოდიშის მოხდაზე ამ დრომდე კომენტარი არ გაუკეთებია.
გოგონას გაუჩინარებიდან 4 თვის შემდეგ პორტუგალიის პოლიციამ მისი მშობლები ეჭვმიტანილების სტატუსით დაჰკითხა. დეტექტივებმა მიიჩნიეს, რომ წყვილს შეეძლო მადლენის გატაცება დაედგა და ბავშვის სხეული გადაემალა.
მადლენის დედის, ქეითის თქმით, პოლიციამ მას შესთავაზა, დანაშაული ეღიარებინა, ამით კი ციხეში ყოფნის ვადას შეუმცირებდნენ.
2008 წელს წყვილს ეჭვმიტანილის სტატუსი ოფიციალურად მოუხსნეს, მაგრამ მრავალი წლის განმავლობაში მათ მიმართ ეჭვები ისევ არსებობდა.
უფროსი დეტექტივი გონსალო ამარალი, რომელიც საქმეს იძიებდა, სამსახურიდან გაათავისუფლეს. რის შემდეგაც ამარალმა დაწერა წიგნი, რომელშიც მან მადლენის მშობლები ბავშვის გაუჩინარებაში დაადანაშაულა. როგორც კაცმა ახსნა, ამით თავისი პროფესიული რეპუტაცია დაიცვა.
მაკკანიებმა დეტექტივის წინააღმდეგ ცილისწამებისთვის სარჩელი შეიტანა, ისინი წიგნში მოყვანილ ბრალდებებს უარყოფდნენ, მაგრამ პორტუგალიის უზენაესმა სასამართლომ სარჩელი გააუქმა. ქეითმა და გერიმ ადამიანის უფლებათა ევროპულ სასამართლოს მიმართეს, მაგრამ 2022 წლის სექტემბერში იქაც დამარცხდნენ.
წყვილს ამ წლების განმავლობაში ინტერნეტში უამრავი ადამიანი ლანძღავდა, მათ ქალიშვილის მკვლელობასა და ცხედრის გადამალვაში ადანაშაულებდნენ.
პორტუგალიელი გამომძიებლები მხარს უჭერენ ახალ ვერსიას, რომ მადლენ მაკკენი გაიტაცა და მოკლა გერმანიის მოქალაქე კრისტიან ბრუკნერმა. საქმის ერთ-ერთი გერმანელი პროკურორი, ჰანს კრისტიან ვოლტერსი მიესალმა პორტუგალიის პოლიციის ბოდიშს.
ვოლტერსმა თქვა, რომ მისი გუნდი იმედოვნებს, რომ მომავალ წელს დაასრულებს დაკავებულზე დაწყებულ გამოძიებას.
მიუხედავად დაკავებისა, გოგონას გაუჩინარების საქმეზე ვოლტერსისთვის ბრალი აქამდე არ წაუყენებიათ.
საქმის მასალებიდან ირკვევა, რომ ეჭვმიტანილი 1995 წლიდან 2007 წლამდე რეგულარულად ატარებდა დროს პორტუგალიაში, სადაც, გერმანიის პოლიციის ცნობით, მუშაობდა მიმტანად, ქურდობდა სასტუმროებში და ყიდდა ნარკოტიკებს.
მანამდე გერმანელმა გამომძიებლებმა განაცხადეს, რომ მათ ჰქონდათ მტკიცებულებები, რაც მიუთითებდა იმაზე, რომ კრისტიან ბრუკნერმა მოკლა მადლენი, მაგრამ ეს საკმარისი არ იყო ეჭვმიტანილის დანაშაულის სასამართლოში დასამტკიცებლად.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბავშვი მარტო დატოვო და დასალევად წახვიდე?საწყალი ბავშვი.მსობლები კია ცოტა ხანი ჩასაყუდებლები უთველმოყვარეობის გამო.
მშობლები რომ დიდად არ ზრუნავდნენ ბავშვზე გასაგებია და ევროპულ მართლმსაჯულებაზეც მაგრა გამიტყდა გული. მშობლები როგორ უნდა დაადანაშაულო შვილის მკვლელობაში, თუ 100%-იანი საბუთები და მტკიცებულებები არ გაქვს?