მნიშვნელოვანი ინფორმაცია
21
აგვისტოდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 03:01-ზე, მთვარე ლომში იქნება 03:17-დან –
საუკეთესო დღეა შემოქმედებისა და სიყვარულისთვის. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უმჯობესია რაციონიდან გამორიცხოთ მარცვლეული და ცხოველური საკვები. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. დღეს ოჯახი ცხოვრებისეული გამოცდილების მქონე მოწიფულმა ადამიანებმა უნდა შექმნან. აქტიური ორგანოებია: გული, სისხლის მიმოქცევის სისტემა, არტერიები, ზურგი, დიაფრაგმა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დიდუბის ეკლესიაში თენგიზ არჩვაძის სამოქალაქო პანაშვიდი მიმდინარეობს
12:09 / 31-10-2023
დიდუბის ღვთისმშობლის ეკლესიაში ქართველ მსახიობის, თენგიზ არჩვაძის სამოქალაქო პანაშვიდი მიმდინარეობს. მსახიობის ხსოვნის პატივის მისაგებად პანაშვიდზე მიდიან საზოგადოების, ხელოვნების სხვადასხვა სფეროს წარმომადგენლები და პოლიტიკოსები. არტისტის ხსოვნას პატივი მიაგო და მის ღვაწლზე ისაუბრა ჟურნალისტებთან რეჟისორმა ლევან წულაძემ.
"წავიდა, ალბათ, ერთ-ერთი ყველაზე ღირსშესანიშნავი წარმომადგენელი თავისი თაობისა, იმ გენიალური თაობის, რომლის ნაწილიც იყო. მისი ყველა მეგობარი სხვანაირი იყო, ოთარი, გივი, ამ თაობას ეს ახასიათებდა, მაგრამ ბატონი თენგიზი აბსოლუტურად განსხვავებული კაცი იყო სხვა სიმართლით, სხვა შინაგანი რაინდობით. დღეს ძალიან მძიმე დღეა", - განაცხადა ლევან წულაძემ.
თენგიზ არჩვაძეს ქართულ თეატრსა და კინოში 100-ზე მეტი როლი განასახიერა და არაერთი დასამახსოვრებელი სახე შექმნა.
მან სცენური სახეები შექმნა სპექტაკლებში: "მოკვეთილი“, "დედა", "ღალატი", "თვალი პატიოსანი", "როცა ქალაქს სძინავს" "მე ვხედავ მზეს", "დღის წესრიგშია ერთი საკითხი", "კვაჭი კვაჭანტირაძე", "30 აგვისტო", "ჯორდანო ბრუნო", "ძველი ვალსი“, "ასის წლის წინათ“, "ისევ ამ ქვეყნად დავრჩები“, "სახლის ანგელოზები“, "მგზავრის წერილები“ და სხვა.
მონაწილეობს ფილმებში: "კეთილი ადამიანები", "ერთი ცის ქვეშ", "ხევისბერი გოჩა", "ხევსურული ბალადა", "დიდოსტატის მარჯვენა", "დათა თუთაშხია", "მე ვხედავ მზეს", "შეხვედრა წარსულთან", "მალე გაზაფხული მოვა" და სხვა.
თბილისის შოთა რუსთაველის სახელობის თეატრალური ინსტიტუტის დამთავრების შემდეგ, სიცოცხლის ბოლომდე, თენგიზ არჩვაძე კოტე მარჯანიშვილის სახელობის თეატრის მსახიობი იყო. 1967-1973 წლებში იგი მუშაობდა რუსთავის დრამატულ თეატრშიც.
2011 წელს მარჯანიშვილის თეატრის წინ გაიხსნა მსახიობის სახელობის ვარსკვლავი. თენგიზ არჩვაძე იყო შოთა რუსთაველის, კოტე მარჯანიშვილის, მიხეილ თუმანიშვილის, აკაკი ხორავას სახელობის პრემიების, აგრეთვე, სახელმწიფო პრემიის ლაურეატი, ღირსების ორდენის კავალერი. 2017 წელს ხელოვნების განვითარებაში შეტანილი განსაკუთრებული წვლილისთვის მას კულტურის სამინისტროს სპეციალური ჯილდო - "ხელოვნების ქურუმის“ წოდება მიენიჭა. იმავე წელს გამოიცა წიგნი "სახალხო არტისტი - თენგიზ არჩვაძე“, რომელიც მსახიობის ცხოვრებასა და შემოქმედებას ეძღვნება.
მსახიობს დიდუბის პანთეონში, მეუღლის გვერდით დაკრძალავენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კახა კალაძის თქმით, 35 წლის შემდეგ, თბილისში ტრამვაი დაბრუნდება.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
