მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ოკუპირებული აფხაზეთი ყივანახველის ეპიდემიის ზღვარზეა - ექიმების თქმით, ამის მთავარი მიზეზი მშობლების მიერ შვილების აცრაზე უარის თქმაა
16:50 / 30-10-2023
ექიმები აფხაზეთში ყივანახველის გავრცელებაზე საუბრობენ. საქართველოს ოკუპირებული რეგიონის ე.წ. სანიტარიულ-ეპიდემიოლოგიურ სამსახურში მომხდარს ამ ეტაპზე ეპიდემიად არ მიიჩნევენ, თუმცა, ექსპერტების შეფასებით, სიტუაცია საკმაოდ მძიმეა. სოხუმის ინფექციური საავადმყოფოს მთავარი ექიმი ასტამურ გუნია ყივანახველის გავრცელებას მშობლების დიდი ნაწილის აცრაზე უარს უკავშირებს.
მთავარი სანიტარი ალა ბელიაევა აცხადებს, რომ აფხაზეთში მკვეთრად გაიზარდა ყივანახველის შემთხვევები.
სექტემბერ-ოქტომბერში მხოლოდ გუდაუთის რაიონში ყივანახველას 72 შემთხვევა გამოვლინდა.
ყივანახველა არის ინფექცია, რომლის აცრაც ადრეულ ასაკში კეთდება.
სოხუმის ინფექციური საავადმყოფოს მთავარმა ექიმმა ასტამურ გუნიამ დედაქალაქში ავადობის გახშირებაზე ისაუბრა.
"სიტუაცია რთულია, მშობლები არ გვაძლევენ შვილების ვაქცინაციაზე თანხმობას, ბევრი მათგანი კატეგორიულად ეწინააღმდეგება აცრას. თუ საბჭოთა პერიოდში ყველა, გამონაკლისის გარეშე, ვაქცინირებული ვიყავით და ვინც არ იყო აცრილი, არ უშვებდნენ სკოლაში და საბავშვო ბაღებში, ახლა ეს ყველაფერი ნებაყოფლობითია. მშობლის უარის შემთხვევაში, ბავშვები არ იცრებიან და ამიტომ ძალიან უჭირთ დაავადებასთან გამკლავება. ეს სიტუაცია მხოლოდ აფხაზეთში არ არის, ახლა რუსეთშიც იგივე მდგომარეობაა. დღეს სულ რაღაც ერთ საათში ყივანახველით უკვე სამი ბავშვი შემოიყვანეს - მათგან ერთი - ერთი თვისაა, მეორე ორი თვის, მესამე კი - ექვსი თვის".
ექიმის თქმით, სტატისტიკა ზუსტი არ არის, რადგან მათ მხოლოდ ისინი მიმართავენ, ვისაც დაავადება ურთულდება.
ინფექციონისტის თქმით, ადამიანები უარს ამბობენ შვილების ვაქცინაციაზე მხოლოდ იმიტომ, რომ აცრების ეშინიათ; მიუხედავად იმისა, რომ ექიმები აფრთხილებენ, რომ ინფექცია შეიძლება ფატალურად დასრულდეს მათთვის.
"განსაკუთრებით ერთი და ორი თვის ჩვილებისთვის არის ეს საშიში, მეტიც, არსებობს სიკვდილის საფრთხეც. ყოველგვარი მოტივაციის გარეშე, სამედიცინო განათლების გარეშე, ისინი ამბობენ, - არ გვინდა ამის გაკეთებაო... იცით, რა უბიძგებს მათ ამისკენ? - ინტერნეტში რაღაც წაიკითხეს ან მეზობელმა უთხრა. არცერთ მათგანს არ აქვს სამედიცინო განათლება და არ იციან რა გართულებები შეიძლება მოჰყვეს, სიკვდილიც კი. ყველას მინდა ვუთხრა: გაიკეთეთ აცრა. ჩვენ ყველა 100%-ით ვაქცინირებული ვიყავით, ჩვენი შვილებიც აცრილი იყვნენ, ჩვენი შვილების მტრები არ ვართ? როგორ შეგიძლია უარი თქვა და აიღო ასეთი პასუხისმგებლობა?!“.
ასტამურ გუნიას თქმით, ყივანახველას საწინააღმდეგო აცრა ოკუპირებული აფხაზეთის ყველა რეგიონის ნებისმიერ კლინიკაში სრულიად უფასოა.
მან ასევე ღნიშნა, რომ სოხუმში Covid-ის მრავალი შემთხვევა ფიქსირდება, მაგრამ, საბედნიეროდ, ხალხს ის ადვილად გადააქვს. მისი თქმით, ინფექციურ საავადმყოფოში კორონავირუსით დაავადებული პაციენტები არ არიან.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბავშვებს რას ვერჩი,მაგრამ დიდებმა, გინდა იყივლონ და გინდა ახველონ.
მერე რააა. მოიხდიან და მორჩა. დიდი ამბავი.