მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ვერ შევძელით ასეთი ძლიერი ფეხბურთელის შეჩერება" - ხვიჩა მატჩის საუკეთესო მოთამაშე გახდა: რა თქვეს გარსიამ და ფიშერმა, როგორ შეაფასეს მედიამ და გულშემატკივრებმა?
13:27 / 25-10-2023
ჩემპიონთა ლიგის ჯგუფური ეტაპის მე-3 ტურში "ნაპოლიმ" ბერლინში, "უნიონი" ჯაკომო რასპადორის გოლით დაამარცხა, რომლის ასისტენტიც ქართველი ვარსკვლავი ხვიჩა კვარაცხელია იყო, რომ არა მისი კარგი თამაში, ნეაპოლელების გამარჯვება დიდი კითხვის ქვეშ დადგებოდა. განსაკუთრებით მე-2 ტაიმში ჩვენებური მართლაც შეუდარებელი იყო, დრიბლინგი, ფინტები, ზუსტი პასები - ხვიჩა მოედნის თითქმის ყველა წერტილში იყო, უტევდა ცენტრიდან და მარცხნიდან, მეტოქეს მის შესაჩერებლად დიდი ძალისხმევა და არაერთი ჯარიმა დასჭირდა, მათ შორის ყვითელი ბარათით შეფასებულიც.
ქართველი უეფამ მატჩის საუკეთესო ფეხბურთელად დაასახელა, სრულიად დამსახურებულადაც.
- რა შეფასებები მიიღო ხვიჩა კვარაცხელიამ?
რუდი გარსიას გუნდმა მეტოქე მინიმალური ანგარიშით - 0:1 დაამარცხა. ქართველმა შემტევმა მოედანზე 88 წუთი გაატარა და "ნაპოლის" რიგებში ერთ-ერთი გამორჩეული იყო. Sofascore-ს მიხედვით, "კვარამ" 7.8 ქულა დაიმსახურა, რაც ორივე გუნდის რიგებში საუკეთესო შედეგი იყო. აღსანიშნავია, რომ გოლის ავტორის, რასპადორის თამაშმა 7.3 შეფასება მიიღო. საინტერესოა, რომ Whoscored-ის მიხედვით ხვიჩამ ბევრად მაღალი - 8.1 შეფასება დაიმსახურა. აღსანიშნავია, რომ 88-ე წუთზე "კვარას" შეცვლას "ნაპოლის" გულშემატკივარი უარყოფითად გამოეხმაურა და მიიჩნიეს, რომ ის არ უნდა შეეცვალათ, მით უფრო მცველით.
- რა თქვა "ნაპოლის" მწვრთნელმა მატჩის შემდეგ?
თამაშის დასრულების შემდეგ ნაპოლის მთავარმა მწვრთნელმა რუდი გარსიამ ისაუბრა:
"მე-5 ტურის შემდეგ გავაკეთებთ შეფასებებს, ახლა ჯერ ადრეა იმაზე საუბარი, ჯგუფიდან გასვლის რა შანსი გვაქვს. მთავარია, რომ მოვიგეთ, მიუხედავად იმისა, რომ კარგად ვერ ვითამაშეთ. ვიცოდით, რომ მეტოქე ფიზიკური ძლიერი გუნდი იყო. მეორე ნახევარში ბურთს უკეთ ვფლობდით და მეტი სისწრაფით ვაკონტროლებდით. გოლი მომეწონა არა მარტო "კვარას" ლამაზი თამაშის გამო, არამედ "კვარას", ელმასის და მარიო რუის მიერ მისთვის დაბრუნებული ბურთის გამოც. როდესაც ნაკლებად ბრწყინვალე ხარ, როგორც დღეს ვიყავით, მნიშვნელოვანია ერთად ბრძოლა, რაც ვაჩვენეთ. "კვარას" პასი მართლა ძალიან ლამაზი იყო".
- რა თქვა "ნაპოლის კაპიტანმა?
ნეაპოლელთა კაპიტანი ჯოვანი დი ლორენცო:
"ბედნიერი ვარ რასპადორის და კვარაცხელიას გამო, მსგავს მატჩებში გვჭირდება უმაღლესი ხარისხის ფეხბურთელები. მიხარია, რომ ასეთი თანაგუნდელები მყავს, რომლებსაც ასეთი მატჩის ბედის გადაწყვეტა შეუძლიათ".
- რა თქვა მეტოქე გუნდის მწვრთნელმა?
ბერლინის "უნიონის" მწვრთნელი ურს ფიშერი:
"როგორც გუშინ ვთქვი, "ნაპოლის" ფლანგების ყველაზე მეტად გვეშინოდა, მაგრამ დაცვაში შესანიშნავად ვითამაშეთ და ბევრი საფრთხე ჩვენს კართან არ ყოფილა. მჭიდროდ ვითამაშეთ და "ნაპოლის" ბურთი ხშირად არ მივეცით. სამწუხაროდ, გოლის მომენტში დავინახეთ კვარაცხელიას ინდივიდუალური ხარისხი - 90 წუთის განმავლობაში ვერ შევძელით ასეთი ძლიერი ფეხბურთელის შეჩერება. ვფიქრობ, რომ კარგად დავიცავით თავი, კარგად ვითამაშეთ. ვიცით, რომ "ნაპოლი" ძლიერი გუნდია და ყველაფრის მიუხედავად, მათი შეჩერება შევძელით".
- რა თქვა ხვიჩამ?
ხვიჩამ მატჩის საუკეთესო ფეხბურთელის ჯილდოს მიღების შემდეგ რამდენიმე შეკითხვას უპასუხა.
- რამდენად რთული იყო "უნიონთან" თამაში?
- უპირველესად, მოგებითა და მატჩის საუკეთესო ფეხბურთელის ჯილდოთი ბედნიერი ვარ, მაგრამ წინ უმნიშვნელოვანესი მატჩები გვაქვს და ასე, გამარჯვებებით უნდა გავაგრძელოთ. ძალიან ბედნიერი ვარ და მადლობა დაფასებისთვის.
- როგორ შეაფასებთ, თქვენს საგოლე გადაცემასა და ჩაწოდებას?
- ვფიქრობ, კარგი იყო, მაგრამ... გაგარძელეთ კითხვა
- რას წერს "ნაპოლის" გულშემატკივარი?
"შესანიშნავი თამაში. საოცარი პასი"
"ასე თუ გაგრძელდა, ეს მწვრთნელი 20 წლით უკან დაგვაბრუნებს... ნახეთ მისი აზრები, - "გოლი გატანილია, მოდი, ვიფიქროთ თავდაცვაზე" და "კვარა, რომელიც საოცრად თამაშობდა, მცველი ოსტიგერით შეცვალა. ბატონო გარსია, "ნაპოლის" გასულ სეზონის რომელიმე მატჩისთვის გიყურებიათ?"
"ქორწინების ძალა. აჰჰჰჰ!"
"მნიშვნელოვანი და ვიტყოდი, რომ დამსახურებული გამარჯვება მოვიპოვეთ. ამ მოგებაში ხვიჩა კვარაცხელიას დიდი წვლილი მიუძღვის, ასევე ძალიან კარგად ითამაშა ნათანმა".
"ეს გამარჯვება ინდივიდუალური ოსტატობის დამსახურებაა, რაც ხვიჩა კვარაცხელიამ გვაჩვენა..."
- შეგახსენებთ, რომ ხვიჩა კვარაცხელიამ ჩემპიონთა ლიგის მიმდინარე სეზონში პირველი საგოლე პასი მიითვალა. მას ყველა ტურნირზე 11 შეხვედრაში 3 გოლი აქვს გატანილი, 4-ჯერ საგოლე პასი გააკეთა და ორჯერ პენალტი მოიპოვა. "ნაპოლი" მომდევნო მატჩს 29 ოქტომბერს, სერია A-ში მილანის წინააღმდეგ გამართავს, ჩემპიონთა ლიგაზე კი, 8 ნოემბერს, "უნიონს" საკუთარ მოედანზე უმასპინძლებს.
00:00 / 00:00
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თითქოს, ოსიმენის არ ყოფნაში, უფრო ,,გაიხსნა კვარადონა,, რაღაც უხილავი წნეხი მოეხსნა და უფრო ,,პროდუქტიულ,, თამაშს აჩვენებს.🤔
წვერი მეუღლემ ურჩია?