მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მეცნიერებმა ანტარქტიდის ყინულქვეშ ბორცვების, ხეობების და მდინარეების უზარმაზარი ლანდშაფტი აღმოაჩინეს, რაც მილიონობით წლის წინ "დროში გაიყინა"
12:17 / 25-10-2023
მეცნიერებმა ანტარქტიდაზე ბორცვების, ხეობების და მდინარეების უზარმაზარი ლანდშაფტი აღმოაჩინეს, რომელიც მილიონობით წლის განმავლობაში დროში იყო გაყინული. მათივე თქმით, ეს ტერიტორია, მოცულობით ბელგიაზე დიდია და 34 მილიონი წლის განმავლობაში ყინულის საფარქვეშ ხელშეუხებელი რჩებოდა. ამერიკელი და ბრიტანელი მკვლევარები ვარაუდობენ, რომ გლობალურმა დათბობამ, შესაძლოა, ის ხილვადი გახადოს.
"აქამდე ეს ლანდშაფტი არცერთ სულიერს უნახავს, ის ჯერ არავის აღმოუჩენია",- აცხადებს პროფესორი სტიუარტ ჯეიმისონი, დარემის უნივერსიტეტის გლაციოლოგი და კვლევის მთავარი ავტორი.
ტერიტორია 32 000 კვ/კმ-ზეა გადაჭიმული და ერთ დროს ხეების, ტყეების და სავარაუდოდ, ცხოველების საცხოვრებელს წარმოადგენდა, მაგრამ შემდეგ ტემპერატურის ვარდნა დაიწყო და ის დროში გაიყინა.
"ყველაზე გასაოცარი ისაა, რომ ეს ტერიტორია ჩვენს თვალწინ იყო, მაგრამ აქამდე ვერ შევნიშნეთ",- ამბობს ჯეიმისონი. პროფესორის თქმით, მისმა ჯგუფმა არათუ ახალი მონაცემები, არამედ ახალი მიდგომა გამოიყენა.
- პროფესორი ჯეიმისონი ირწმუნება, რომ აღმოსავლეთ ანტარქტიდის ყინულქვეშ არსებული ტერიტორია უფრო ნაკლებადაა შესწავლილი, ვიდრე მარსის ზედაპირი.
მეცნიერებმა ყინულქვეშ 2.5 კმ-ის სიღრმეში არსებული ლანდშაფტის შესწავლა სატელიტური ფოტოებისა და რადიო-ექო ჟღერადობის ტექნიკის შერწყმით შეძლეს.
დამალულმა ტერიტორიამ ბოლოს როდის იხილა მზე, მეცნიერებისთვისაც რთული სათქმელია, მაგრამ ისინი დარწმუნებულები არიან, რომ ეს მინიმუმ 14 მილიონი წლის წინ უნდა მომხდარიყო, თუმცა ჯეიმისონის აზრით, ქედები და მდინარეები შესაძლოა აქ უფრო დიდი ხნის - 30-ზე მეტი მილიონი წლის წინ გაიყინა.
უახლესი კვლევის მიხედვით, მეცნიერები ასკვნიან, რომ ანტარქტიდის ყინულის დნობა, უახლოეს ათწლეულებში სავარაუდოდ, დაჩქარდება. ეს პროცესი მაშინაც გარდაუვალი იქნება, თუ ადამიანები გლობალური დათბობის შეჩერების ახლანდელ გეგმებს ბეჯითად შეასრულებენ.
წყარო: theguardian
მოამზადა: ანა სიბოშვილმა
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღაზას სექტორში 30 მეტრის სიღრმეზე გათხრილ გვირაბებს ვერ პოულობენ და აქ ორნახევარ კილომეტრის სიღრმეზე რა დაინახეს?
რამდენ საიდუმლოს ინახავს დედამიწა