მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბობი, მსოფლიოში ყველაზე ხანდაზმული ძაღლი მოკვდა - მან 31 წელი იცოცხლა
11:30 / 24-10-2023
1992 წლის 11 მაისს სამყაროს ლეკვი, სახელად ბობი მოევლინა. მაშინ ალბათ ვერავინ წარმოიდგენდა, რომ ძაღლი გინესის რეკორდს დაამყარებდა. ის მსოფლიოს ყველაზე ხანდაზმული ძაღლი გახდა.
ბობიმ 31 წელი და 165 დღე იცოცხლა. ის პორტუგალიური მოდარაჯე ჯიშის ძაღლი იყო.
ბობის სიკვდილის ამბავი მისმა ვეტერინარმა, კარენ ბეკერმა გაავრცელა:
"წუხელ ამ ტკბილმა ბიჭმა დაგვტოვა. მან ყველა ძაღლზე მეტხანს იცოცხლა, რომელიც ისტორიას ახსოვს, მაგრამ ბობის მიერ დედამიწაზე გატარებული 11 478 დღე არასოდეს იქნება საკმარისი მათთვის, ვისაც უყვარდა", - წერს კარენი "ფეისბუქზე".
მისი ცნობით, ძაღლი 20 ოქტომბერს ვეტერინარულ კლინიკაში მოკვდა.
ბობიმ მთელი ცხოვრება პორტუგალიურ სოფელ კონკეიროსში, ლეონელ კოსტას ოჯახში გაატარა. როგორც წესი, ამავე ჯიშის ძაღლები 12-14 წლამდე ცოცხლობენ და თუ ბობის განვლილ ცხოვრებას გავითვალისწინებთ, მით უფრო გასაოცარი ხდება მისი დღეგრძელობა. "სამწუხაროდ, ჩემს ბავშვობაში ასაკოვანი ხალხი ცხოველების მოსაკლავად მათ ორმოში დამარხვას ნორმალურად თვლიდა",- იხსენებს ლეონელ კოსტა.
თუმცა რვა წლის ლეონელ კოსტა და მისი ძმები ბობის და მის და-ძმებს მხსნელებად მოევლინნენ და სასიკვდილოდ განწირული ლეკვები იხსნეს. ლეონელმა და მისმა ძმებმა ბობი იშვილეს და მალე ის ოჯახის ნაწილი გახდა.
ლეონელ კოსტას თქმით, ბობის ხანგრძლივი ცხოვრება მშვიდი გარემოს, დიდი სივრცის და კარგი კვების დამსახურებაა. "რასაც ჩვენ ვჭამდით, მასაც იმავეს ვაჭმევდით",- თქვა მან და დასძინა, რომ სანელებლების მოსაშორებლად, ბობის წილ საკვებს ის წყალში ასველებდა.
წყარო: guinnessworldrecords
მოამზადა: ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩემი 18 წლის ცუგა და კიდევ 3 მეზობლის ცუგა,რომელიც აგარაკზე მყავდა,მავნებელი მეზობელის მიერ დაყრილმა ვირთხა წამალმა შეიწირა..ისეთი ძლიერი და ჭკვიანი იყო რომ,ისიც გაქაჩავდა კიდევ 10 წელს.მთავარია,ზრუნვა არ მოვაკლოთ ჩვენს ერთგულ მეგობრებს...