მნიშვნელოვანი ინფორმაცია
15
ივნისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 01:02-ზე – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. არ არის რეკომენდებული ხელშეკრულებების გაფორმება, ახალ სამსახურში გადასვლა. დაუფიქრებლად მოქმედება, მთვრალ ადამიანებთან ურთიერთობა, უცნობ ადამიანებთან კონტაქტი. მიიღეთ მარტივი საკვები და დაიცავით დიეტა. ორგანიზმის გადატვირთვამ შეიძლება გამოიწვიოს უსიამოვნო შედეგები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლევან დავითაშვილის განცხადებით, დავით ხიდაშელის წინააღმდეგ გარემოს დაცვის სამინისტრო სამართლებრივ პროცესს იწყებს
17:35 / 23-10-2023
სანადირო ლიცენზია ძირითადად უფრო პასუხისმგებლობებს და ვალდებულებებს ითვალისწინებს ასეთი ინვესტორის მხრიდან, რაც არ არის მარტივი, დიდი ინვესტიციები უნდა განხორციელებულიყო. სამწუხაროდ, როგორც გარემოს დაცვის მინისტრმა განაცხადა, ეს ვალდებულებები არ არის შესრულებული რაჭის ტყის შემთხვევაში, ამიტომ ისინი იწყებენ სამართლებრივ პროცესს, - ამის შესახებ ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის შემდეგ განაცხადა, რითაც დავით ხიდაშელის კომპანიის მიერ მოპოვებული, რაჭის ტყეში სამონადირეო ლიცენზიის შესაძლო გაუქმების საკითხის შეფასებისას განაცხადა.
მისი თქმით, პირველ რიგში, უნდა აღინიშნოს, რომ უშუალოდ ტყის გადაცემა და გასხვისება არ ხდება, არამედ საუბარია სამონადირეო ლიცენზიის გადაცემაზე ინვესტორისთვის. მან ამასთან განმარტა, რომ მთავრობა ნებისმიერი სახის გადაწყვეტილების მიღებისას, მხედველობაში იღებს არა პოლიტიკურ მსაზღვრელებს, არამედ საკანონმდებლო ჩარჩოსა და ქვეყნის ეკონომიკურ ინტერესებს.
"არ არსებობს, რომ შეიძლება იყოს პოლიტიკური ნიშნით ჩვენი მხრიდან გადაწყვეტილებები. მთავრობა იღებს გადაწყვეტილებებს კანონმდებლობის შესაბამისად და ქვეყნის ეკონომიკური ინტერესებიდან გამომდინარე. რაც შეეხება რაჭის ლიცენზიასთან დაკავშირებულ საკითხს, კიდევ ერთხელ მინდა განვმარტო, რომ ტყის გადაცემა და ტყის გასხვისება არ ხდება, როცა საუბარია სანადირო ლიცენზიაზე. ეს, სამწუხაროდ, საზოგადოებას არასწორად მიეწოდება ხოლმე. სანადირო ლიცენზია ნიშნავს ნადირობის, როგორც ბუნებრივი რესურსის ლიცენზიას ანუ უფლების გადაცემას კონკრეტული ინვესტორისთვის კონკრეტული ვალდებულებებისა და პირობების შესასრულებლად, რომლებიც აუქციონის გზით ხდება ხოლმე. ასე რომ, არავის რაჭის ტყე არავისთვის არ მიუცია, არც მისცემდა და ამის ლეგალური საფუძველიც არ არსებობს, ქვეყანაში კანონმდებლობა ამას არც განსაზღვრავს და ვერც ერთი მთავრობა ვერ მიიღებს ამ გადაწყვეტილებას. ეს იყო სტანდარტული პროცესი, როდესაც საქართველოში სანადირო საქმის განვითარებისთვის ინვესტორს შეიძლება მიეცეს კონკრეტულ არეალზე სანადირო საქმის განვითარების უფლება. ის ძირითადად უფრო პასუხისმგებლობებსა და ვალდებულებებს ითვალისწინებს ასეთი ინვესტორის მხრიდან, რაც არ არის მარტივი, დიდი ინვესტიციები უნდა განხორციელებულიყო. სამწუხაროდ, როგორც გარემოს დაცვის მინისტრმა განაცხადა, ეს ვალდებულებები არ არის შესრულებული, ამიტომ ისინი იწყებენ სამართლებრივ პროცესს, რაც ასევე ბუნებრივი პროცესია, ასეთი ბევრ სანადირო მეურნეობასთან ჰქონია გარემოს დაცვის სამინისტროს“, - განაცხადა ლევან დავითაშვილმა.
რაც შეეხება "რიყის დოქებთან“ დაკავშირებულ საინვესტიციო ვალდებულებებს, როგორც მინისტრმა აღნიშნა, მათ შესასრულებლად დრო ჯერ კიდევ არის, თუმცა შეუსრულებლობის შემთხვევაში კონკრეტული სანქციები ამოქმედდება.
"როგორც კი დადგება ვალდებულებები, აქ არ აქვს მნიშვნელობა, ვინ არის ინვესტორი, ნებისმიერ შემთხვევაში მას მოეთხოვება იმ ვალდებულებების შესრულება, რომლებიც სახელმწიფოსთან აქვს და შესაბამისად ვალდებულებების შეუსრულებლობის პირობებში, ჩვენ მოგვიწევს იმ სანქციების ამოქმედება და გამოყენება, რომლებიც გვაქვს. ჯერჯერობით ვადა არის, მოგეხსენებათ ეს ძალიან ღია პროცესი იყო“,- განაცხადა ლევან დავითაშვილმა.
ასევე იხილე:
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
