მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბაღლინჯოების შემოსევა საფრანგეთსა და დიდ ბრიტანეთში, სადაც მწერებთან ბრძოლას უკვე ახალი ტექნოლოგიებით ცდილობენ
10:14 / 23-10-2023
საფრანგეთსა და დიდ ბრიტანეთში საწოლის ბაღლინჯოების მასშტაბურმა გავრცელებამ ენტომოფობიის (მწერების ფობიის) ტალღა გამოიწვია. ბევრი მეწარმე მიმართავს სხვადასხვა ტექნოლოგიას, ძველს და ახალს, მხოლოდ იმისთვის, რომ შეაჩეროს ეს პროცესი და თავიდან აიცილოს მწერების გამრავლება.
მავნებლების კონტროლის მსხვილი კომპანიის Rentokil-ის თანახმად, 2023 წელს ბაღლინჯოების რაოდენობა, გასულ წელთან შედარებით, 65%-ით გაიზარდა.
ლუტონის საქალაქო საბჭომ გამოაქვეყნა დოკუმენტი, რომელშიც გარკვევით არის ახსნილი, თუ როგორ უნდა დაიცვას მოსახლეობამ თავი მწერებისგან.
პარიზში მდებარე ერთ-ერთი სასტუმროს მფლობელი მაქს მალკა ამ პრობლემას წელიწადში რამდენჯერმე აწყდება. ამიტომ ინვესტიცია Spotta-ს ახალ გამოგონებაში ჩადო - ეს ტექნოლოგია ბაღლინჯოების ადრეულ ეტაპზე იდენტიფიცირებისთვის გამოიყენება.
Spotta-ს მფლობელის რობერტ ფრაიერსის თქმით, საწოლის ბაღლინჯოების განადგურება მათ გამრავლებამდე უნდა მოხერხდეს, რადგან "ორი ბაღლინჯო ერთ თვეში შეიძლება ათასად გადაიქცეს.“ ფაქტობრივად, მდედრობითი სქესის ბაღლინჯოს თავისი ხანმოკლე სიცოცხლის განმავლობაში 400 კვერცხის დადება შეუძლია. კვერცხის მომწიფებას მხოლოდ ორი კვირა სჭირდება - რაც დამოკიდებულია გარემო ტემპერატურაზე.
Spotta-ს მოწყობილობა პატარა პლასტმასის ყუთია. იგი შეიცავს ფერომონს, რომელიც ბაღლინჯოებს იზიდავს. მოწყობილობა უმეტესად ლეიბსა და საწოლის ჩარჩოს შორის თავსდება. თუ ბაღლინჯო ყუთში ჩავა, ამას პატარა კამერა დააფიქსირებს და ფოტოს ინტერნეტით ცენტრალურ მონაცემთა ბაზაში გაგზავნის. შემდეგ ვიზუალური შემოწმებისა და ხელოვნური ინტელექტის საფუძველზე დაფუძნებული პროგრამის გამოყენებით კეთდება დასკვნა, არის თუ არა ფოტოზე გამოსახული მწერი საწოლის ბაღლინჯო. და თუ ეს ასეა, მაშინ განგაშის სიგნალი ეგზავნება სასტუმროს მენეჯერის ტელეფონს. მწერების აღმოჩენის შემდეგ ტარდება ტერიტორიის ქიმიური ან თერმული დამუშავება, რათა თავიდან იქნას აცილებული მათი გავრცელება.
”ეს ჰგავს Covid-ის ტესტს, მაგრამ მწერებისთვის“, - ამბობს ფრაიერსი.
პირველი, ვინც გამოიყენა ასეთი რევოლუციური მიდგომა სისხლის მწოველი მწერების ადრეული გამოვლენისთვის, იყო ფინური კომპანია Valpas. Valpas-მა, რომელმაც შეიმუშავა ციფრულად დაკავშირებული ხაფანგი, ის კომპანიის მიერ შექმნილ სპეციალურ საწოლშია ჩაშენებული. ბაღლინჯოების დაფიქსირების შემთხვევაში, ეს მოწყობილობას სასტუმროს მფლობელს ინტერნეტით სიგნალს უგზავნის.
თუმცა, თანამედროვე ტექნოლოგიების გარდა, ბაღლინჯოების იდენტიფიცირების კიდევ ერთი, ძველი და აპრობირებული გზა არსებობს - ძაღლი. როგორც პოლ ბლეკჰერსტმა, Rentokil-ის ტექნიკური აკადემიის ხელმძღვანელმა განაცხადა, ძაღლები ბაღლინჯოების არსებობას მათ გამოჩენამდე დიდი ხნით ადრე გრძნობენ.
სპეციალურად მომზადებული პერსონალი იყენებს ზურგჩანთის მტვერსასრუტებს სასტუმროს ნომრებიდან ჰაერის ნიმუშების შესაგროვებლად. შემდეგ ეს ნიმუშები იგზავნება ლაბორატორიაში, სადაც ლაბრადორები, ბიგლები, გერმანული და ბელგიური ნაგაზები საგულდაგულოდ ყნოსავენ. ბაღლინჯოს სუნის ამოცნობის შემთხვევაში კი ლაბორატორია სასტუმროს სიგნალს უგზავნის.
ბოლო ხუთი წლის განმავლობაში, ოფიციალური მონაცემებით, ყოველი მეათე მოსახლის საცხოვრებელ სახლში შეიძლება ბაღლინჯოების პოვნა.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მდიდარი და სუფთა ევროპა
ჯოოო..ბაღლინჯოო, შენ უფრო ბედი გქონია: ლტოლვილის სტატუსიც კი არ გინდა