მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თქვენ "პატარა კაცები“ უწოდეთ იმ ადამიანებს, რომელმაც თქვენი პრეზიდენტობა უზრუნველყვეს, ჩაგენაცვლნენ ბილბორდებზე..." - კობახიძე პრეზიდენტს
12:50 / 18-10-2023
ქალბატონ სალომე ზურაბიშვილს ელემენტარული ღირსება რომ ჰქონდეს შერჩენილი, ის თავად გადადგებოდა პრეზიდენტის თანამდებობიდან, - ამის შესახებ "ქართული ოცნების“ თავმჯდომარემ, ირაკლი კობახიძემ პარლამენტში პლენარულ სხდომაზე სიტყვით გამოსვლისას განაცხადა, სადაც პრეზიდენტის იმპიჩმენტის წესით თანამდებობიდან გადაყენების საკითხს განიხილავენ.
კობახიძის თქმით, სალომე ზურაბიშვილი ბოლო ერთი წლის განმავლობაში ექსკლუზიურად "ნაცმოძრაობის“ პრეზიდენტად დარჩება.
"რომც არ დასრულდეს წარმატებით ეს პროცედურა, ყველას გვესმის, რომ კოლექტიური "ნაცმოძრაობა“ მხარს არ დაუჭერს იმპიჩმენტს და შესაბამისად, არ მიიღებს გადაწყვეტილებას სალომე ზურაბიშვილის გადაყენების თაობაზე. სწორედ მათი იმედით არღვევდა ის საქართველოს კონსტიტუციას. ბოლო ერთი წლის განმავლობაში, ის დარჩება მაინც არა საქართველოს პრეზიდენტად, არამედ ექსკლუზიურად "ნაცმოძრაობის“ პრეზიდენტად. ასეთ პირობებში მის პრეზიდენტობას რა ფასი აქვს, თავადაც შეგიძლიათ განსაჯოთ.
რაც შეეხება კოლექტიურ "ნაცმოძრაობას“, შეგახსენებთ, რომ თავის დროზე, ისინი ქალბატონ სალომე ზურაბიშვილს მოიხსენიებდნენ როგორც აგენტს, რეზიდენტს, ჯაშუშს. მოგეხსენებათ, ეს სტატუსი არ იცვლება, თუ ვინმე იყო ჯაშუში, აგენტი და რეზიდენტი, ის ყოველთვის რჩება ჯაშუშად, აგენტად და რეზიდენტად, თუმცა, დღეს, სწორედ ეს კოლექტიური "ნაცმოძრაობა“ სალომე ზურაბიშვილს გვიცხადებს ყველაზე პროევროპულ ლიდერად ქართულ პოლიტიკაში. აქ ჩანს რეალურად, სადამდე არის ეს ალიანის მისული. რა თქმა უნდა, "ნაციონალებსაც“ უწევთ ღირსებაზე უარის თქმა, როცა იმპიჩმენტს მხარს არ უჭერენ, უფრო სწორად, მოუწევდათ, ღირსება რომ ჰქონდეთ, მაგრამ რაც არ გაქვს, იმაზე, უარსაც ვერ იტყვი“, - განაცხადა კობახიძემ.
მისივე თქმით, "ქართულმა ოცნებამ“ ყველაფერი გააკეთა იმისათვის, რომ სალომე ზურაბიშვილი პრეზიდენტი გამხდარიყო. კობახიძის შეფასებით, ხალხმა სალომე ზურაბიშვილს მხარი იმიტომ დაუჭირა, რომ "ნაციონალი“ პრეზიდენტი არ უნდოდათ.
"სამწუხაროდ, სალომე ზურაბიშვილი აკეთებს განცხადებების, რომელიც არის აბსოლუტურად ზრდილობას გაცდენილი, არც მეტი არც ნაკლები. მე მინდა შეგახსენოთ, რომ რამდენიმე დღის წინ ხალხის მიერ არჩეული დეპუტატების მიმართ სალომე ზურაბიშვილმა გამოიყენა სიტყვები "პატარა კაცები“. მე მინდა შეგახსენოთ, რომ ამ ქალბატონს "პატარა კაცი“ გვარამიასთვის კი არ უწოდებია თავის დროზე, როდესაც ის მას რეზიდენტად მოიხსენიებდა. უფრო მეტიც, ეს კაცი მერე შეიწყალა. ეს მართლა პატარა კაცი ამ ქალბატონმა შეიწყალა. ის პატარა კაცი, რომელიც სალომე ზურაბიშვილს უწოდებდა რეზიდენტს და დანარჩენს აღარ გავიმეორებ. აქ ხომ ჩანს რეალურად, რაშიც არის საქმე, სად არის ეს ადამიანი პოლიტიკურად - იქ, სადაც არ შეიძლება ღირსეული ქართველის ყოფნა - კოლექტიურ "ნაცმოძრაობაში“ ყოფნა, იქ არის ზუსტად სალომე ზურაბიშვილი და ეს არის ამ არათანმიმდევრულობის მიზეზი. თქვენ "პატარა კაცები“ უწოდეთ იმ ადამიანებს, რომელმაც თქვენი პრეზიდენტობა უზრუნველყვეს. ჩაგენაცვლნენ ბილბორდებზე ადამიანები, რატომ? იმიტომ რომ არავის არ უნდოდით პრეზიდენტად. არც პირველ ტურში არც მერე ტურში. ყველაფერი გავაკეთეთ იმისთვის, რომ გამხდარიყავით პრეზიდენტი. პატივი ვეცით თქვენი წინაპრების წარსულს სხვადასხვა გარემოებას და დღეს სადაც ხართ, კი ვხედავთ,“ - განაცხადა კობახიძემ.
ამასთან, კობახიძის თქმით, საკონსტიტუციო სასამართლოს 6-მა მოსამართლემ, ქვეყანას კონსტიტუცია შეუნარჩუნა.
"ჩვენ დღეს განვიხილავთ პრეზიდენტის იმპიჩმენტის პროცედურას, რაც არის დემოკრატიული პროცესის შემადგენელი ნაწილი, თუმცა დემოკრატიის ეს ასპექტიც აღიზიანებს რადიკალურ ოპოზიციას. ჩვენ დღეს ვმოქმედებთ იმ პასუხისმგებლობით, რომელიც გვაკისრია საქართველოს კონსტიტუციის წინაშე. ჩვენი პასუხისმგებლობა იყო და არის, არ დავტოვოთ კონსტიტუციის არცერთი უხეში დარღვევა რეაგირების გარეშე და იმპიჩმენტის პროცედურა, რომელიც დღეს წარიმართება, არის სწორედ ამ პასუხისმგებლობის გამოხატულება. საქართველოს საკონსტიტუციო სასამართლოს საქმეა კონსტიტუციის დარღვევის ფაქტის დადგენა.
რაც შეეხება საქართველოს პარლამენტს, ის იღებს პოლიტიკურ გადაწყვეტილებას დადგენილი სამართლებრივი ფაქტის მიხედვით. კიდევ ერთხელ გავიმეორებ, რომ ეს იყო უმარტივესი სამართლებრივი კაზუსი. სალომე ზურაბიშვილი რეგულარულად ითხოვდა მთავრობისგან თანხმობას. როცა ის გერმანიაში მიდიოდა ვიზიტით, ითხოვა თანხმობა, თუმცა მთავრობამ მას თანხმობა არ მისცა, ამის მიუხედავად, ის მაინც გაემგზავრა, როგორც გერმანიაში, ისე საფრანგეთში, ბრიუსელში, რითაც საქართველოს კონსტიტუცია დაირღვა. ეს არის უმარტივესი კაზუსი, რომელსაც იურისტობაც კი არ სჭირდება ამოსახსნელად. ამას სჭირდება უმარტივესი ლოგიკა.
ეს სამი ვიზიტი პრეზიდენტმა ბიუჯეტიდან არ დააფინანსა, თუ ლეგიტიმური იყო, რატომ არ გასწია ბიუჯეტიდან ხარჯები? აქ არის მარტივი ახსნა - სალომე ზურაბიშვილს ეგულებოდა "ნაცმოძრაობა“ პარლამენტში და მათი მხარდაჭერის იმედი ჰქონდა. ზუსტად იცოდა, რომ კოლექტიური "ნაცმოძრაობის“ მხარდაჭერის გარეშე, ის არ იქნებოდა გადაყენებული პრეზიდენტის თანამდებობიდან. შესაბამისად, მას ჰქონდა გარანტიები, თუმცა მას არ ეგულებოდა "ნაცმოძრაობა“ საქართველოს პროკურატურაში. კერძოდ, სახელმწიფო ბიუჯეტიდან ხარჯების გაწევით ის არამხოლოდ დაარღვევდა საქართველოს კონსტიტუციას, არამედ ასევე ჩაიდენდა სისხლის სამართლის დანაშაულს და მას უკვე "ნაცმოძრაობა“ ვეღარ დაიცავდა. ეს სამი მტკიცებულება ადასტურებს, რომ პრეზიდენტს ბოლო დღეებამდე გააზრებული ჰქონდა საკუთარი სამუშაო ვიზიტების არაკონსტიტუციური ბუნება.
საკონსტიტუციო სასამართლოს 6-მა მოსამართლემ ამოხსნა უმარტივესი კაზუსი. ეს მნიშვნელოვანი იყო არამხოლოდ იმ თვალსაზრისით, რომ დადგინდა კონსტიტუციის დარღვევის ფაქტი, არამედ მნიშვნელოვანი იყო იმ კუთხითაც, რომ ამით საკონსტიტუციო სასამართლომ ქვეყანას შეუნარჩუნა კონსტიტუცია. საკონსტიტუციო სასამართლო რომ წასულიყო იმ განმარტებით, რომელიც წარმოადგინა სამმა მოსამართლემ, დღეს საქართველოს აღარ ექნებოდა კონსტიტუცია და ჩვენი საპარლამენტო მმართველობის სისტემა, გარდაიქმნებოდა ჰიბრიდულ მახინჯ მოდელად“, - განაცხადა კობახიძემ.
იხილეთ ასევე:
00:00 / 00:00
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჰოდა ჩამოგირეცხათ სალომემ სახიდან!!! გადავიდა ხალხის და ქვეყნის მხარეს!!!
ირაკლი უძლიერესი პოლიტიკოსი ხარ ნეტა ბევრი იყოს თქვენაირი ქვეყნაში რომ გავიმაროდ წელში