მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემი ძმა შვილის ღირსების დასაცავად იბრძოლებს. მან არაფერი იცოდა... წარმოიდგინეთ, მკვლელობის ამბავი ტელევიზიიდან გავიგეთ" - რას ამბობს სასტიკად მოკლული აითაჯის ბიძა?
13:03 / 13-10-2023
14 წლის გოგონას, აითაჯ შახმაროვას მამას, ისა შახმაროვს დაზარალებულის უფლებამონაცვლის სტატუსი მიენიჭა.
მამაკაცი რუსთავის პოლიციაში ჩვენებას გუშინ, თითქმის მთელი დღის განმავლობაში აძლევდა.
დაზარალებულის უფლებამონაცვლის განცხადებით, ის საქართველოში წლების განმავლობაში არ იმყოფებოდა და ქვეყანაში მას შემდეგ ჩამოვიდა, რაც შვილი მოუკლეს.
აითაჯის მამის ძმის თქმით, მისმა ოჯახმა აითაჯის მკვლელობის ამბავი ტელევიზიიდან გაიგო.
"ჩემი ძმა შვილის ღირსების დასაცავად იბრძოლებს. მამამ არაფერი იცოდა. პოლონეთში იყო, შემდეგ მოსკოვში. წლებია დაშორებულია ცოლს. მამა მას ფინანსურად ეხმარებოდა, მაგრამ მიმოსვლა არ გვქონდა. გათხოვების ამბავი არ ვიცოდით, არ უთქვამთ, წარმოიდგინეთ, მკვლელობის ამბავი ოჯახმა ტელევიზიით გავიგეთ. ამის შედეგ დავურეკეთ ჩემს ძმას. ბევრი საუბარი ვერ მოვასწარით, გამოკითხვაზე წაიყვანეს. ზუსტად ვიცი, ჩემს ძმას მკაცრი პოზიცია ექნება მომხდარზე." - ამბობს აითაჯის ბიძა.
ცნობისთვის, 14 წლის აითაჯ შახმაროვას განზრახ მკვლელობის ბრალდებით მისი ქმარი, 27 წლის ალიმ ასლანოვი დააკავეს. მას ბრალდება საქართველოს სისხლის სამართლის კოდექსის 109-ე მუხლის "ე’’ "თ’’ და "კ’’ ქვეპუნქტით (განზრახ მკვლელობა არასრულწლოვანი ოჯახის წევრის მიმართ, ჩადენილი გენდერის ნიშნით), 236-ე მუხლის მე-4 ნაწილით (ცეცხლსასროლი იარაღის მართლსაწინააღმდეგო ტარება) და 143-ე მუხლის მე-3 ნაწილის "დ’’ ქვეპუნქტით (თავისუფლების უკანონო აღკვეთა დამნაშავისათვის წინასწარი შეცნობით არასრულწლოვანის მიმართ) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს. ბრალდებულს აღკვეთის ღონისძიების სახით პატიმრობა აქვს შეფარდებული.
სამართალდამცავებმა ქორწინების იძულებისა და დანაშაულის შეუტყობინებლობის ფაქტებზე, მოკლულის დედა და ბიძა დააკავეს. ორივე მათგანს აღკვეთის ღონისძიების სახით პატიმრობა აქვს შეფარდებული.
გამოძიების ინფორმაციით, მიუხედავად იმისა, რომ არასრულწლოვანის დედისთვის და ბიძისთვის ცნობილი გახდა 14 წლის გოგონას მიმართ ჩადენილი მძიმე კატეგორიის დანაშაულის შესახებ, მათ მიაჩნდათ, რომ არასრულწლოვანს არ ჰქონდა თავისუფალი ნების გამოვლენის და არჩევანის გაკეთების უფლება, აღნიშნული არ შეატყობინეს სამართალდამცავ ორგანოებს და ბავშვს გამტაცებელთან თანაცხოვრება აიძულეს.
წაიკითხეთ ასევე:
- მოძალადე "ქმრის" პირისპირ დარჩენილი ბავშვი, რომელსაც ყველამ ზურგი აქცია - ოჯახი, საზოგადოება, სახელმწიფო: ვინ უნდა დაისაჯოს 14 წლის აითაჯის მკვლელობის საქმეზე?
- "აითაჯი ჯერ კიდევ 13 წლის იყო, როცა იძულებით გაათხოვეს უცხო კაცზე, რადგან ის შეძლებული იყო, ჰყავდა ცხვრის ფარა" - რას ამბობენ გახმაურებული საქმის მთავარი მოწმეები?
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ახლა დაფაცურდნენ, თითქოს ძალიან გაუკვირდათ, რა მოხდა! ძალადობა, და 14-15 წლის ბავშვების ქორწინება ყოველ დღე ხდება საქართველოში ... რატომ გიკვირთ და აწიოკებთ სამართალდამცავებს ! ? უკეთესია პრევენციაზე იზრუნოთ, რომ ასეთი რამ არ მოხდეს!
რა მაინტერესებს იციტ?? ამ ხალხს რომ თავის ადათ წესები აქვთ ან და ქონდათ ეს აქამდე არავინ არ იცოდა??? და თუ იცოდა რატომ არ იზრუნენ ამ უჩვეულო წესების გამოსწორებაზე?? საქართველოს მოსახლეობას საჭმელები შეიძლეა ქონდეთ განსხვავებულ. დანარჩენი კი უნდა იყოს ერთი გათხოვება თხოვება ქორწილი და ჭირის დღე. ასე ვფიქრობ მე. ერთ ოჯახს გაანადგურებენ ეხლა და ხვალ სხვა ოჯახში იგივე არ მოხდება???