მნიშვნელოვანი ინფორმაცია
7
ივლისიდღის ზოგადი ასტროლოგიური პროგნოზი
ორშაბათი, მთვარის მეცამეტე დღე დაიწყება 20:04-ზე, მთვარე მშვილდოსანს ესტუმრება 02:05-ზე –
კარგია ჯგუფური მუშაობისთვის, ახალი ინფორმაციის მოსაპოვებლად, ახალი სასწავლო ციკლების დასაყენებლად. საყოფაცხოვრებო ნივთების დაგროვების, შეძენისა და წარმოების დღე. კარგია პურის გამოცხობა. შეიტანეთ კორექტირება ბიზნესში და გააფართოვეთ გავლენის სფეროები. ხელი მოაწერე ხელშეკრულებებს. კარგია თანამშრომლების დაქირავება, საჯარო ღონისძიებების ჩატარება. მიიღეთ ახალი ინფორმაცია, გაიუმჯობესეთ განათლება. იმუშავეთ გუნდში და განიხილეთ აქტუალური საკითხები კოლეგების ან თანამოაზრეების გარემოცვაში. აქტიური ორგანოებია: თეძოები, ვენები, საჯდომის ნერვი. ფაფა, ბოსტნეული და ხილი შეუცვლელია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"აითაჯი ჯერ კიდევ 13 წლის იყო, როცა იძულებით გაათხოვეს უცხო კაცზე, რადგან ის შეძლებული იყო, ჰყავდა ცხვრის ფარა" - რას ამბობენ გახმაურებული საქმის მთავარი მოწმეები?
15:03 / 12-10-2023
რუსთავის საქალაქო სასამართლომ, 14 წლის აითაჯ შახმაროვას განზრახ მკვლელობის საქმეზე, ქორწინების იძულებისა და დანაშაულის შეუტყობინებლობის ფაქტებზე, მოკლულის დედას და ბიძას აღკვეთის ღონისძიების სახით პატიმრობა შეუფარდა. პროკურატურა, ბრალდებულებისთვის ეგანა მაგარამოვასა და ნატიკ მაგარამოვისთვის აღკვეთის ღონისძიების სახით, პატიმრობის შეფარდებას ითხოვდა, რადგან მათი მიმალვისა და მოწმეებზე ზემოქმედების მოხდენის საფრთხე არსებობდა. ასევე, როგორც ბრალდების მხარემ აღნიშნა, მოკლულის ბიძა ქალზე ძალადობის ფაქტზე წარსულში ნასამართლევია და საზღვრის უკანონო კვეთაც უფიქსირდება.
როგორც პროკურორმა ხატია გოგრიჭიანმა განაცხადა, ბრალდების მხარეს დასაბუთებული ვარაუდი აქვს, რომ დედამ და ბიძამ ჩაიდინეს ბავშვის იძულება - თავისი ნების წინააღმდეგ გათხოვილიყო.
"სწორედ დედამ აიძულა გოგონა, რომელიც თავისუფლების უკანონოდ აღკვეთისა და იძულებითი ქორწინების დროს ჯერ მხოლოდ 13 წლის იყო, და მას 2 სექტემბერს შეუსრულდა 14 წელი, გათხოვილიყო მისთვის უცნობ და ასაკით უფროს - 27 წლის მამაკაცზე, რადგან ის შეძლებული იყო, ჰყავდა ცხვრის ფარა" - თქვა პროკურორმა.
ბრალდებულები წაყენებულ ბრალს არ აღიარებდნენ და სხდომაზე აცხადებდნენ, რომ გოგონა თავისი ნებით გათხოვდა. საქმის მთავარი მოწმე მოკლული გოგონას ბებიაა, რომლის ჩვენებაშიც აღნიშნულია, რომ სწორედ დედამ აიძულა არასრულწლოვანი თავისი ნების საწინააღმდეგოდ გათხოვილიყო და რომ მას კატეგორიულად არ სურდა ამის გაკეთება.
- საკუთარი დედის ჩვენება, ეგანა მაგარამოვამ სხდომაზე ეჭვქვეშ დააყენა და აღნიშნა, რომ მან ქართული არ იცის და გამოკითხვის ოქმზე ხელი ისე მოაწერა, რომ შინაარსი არ იცოდა, რასაც პროკურორის მხრიდან პროტესტი მოჰყვა.
ხატია გოგრიჭიანის თქმით, ბებიის გამოკითხვას ესწრებოდა თარჯიმანი და ოქმის თითოეული გვერდის შინაარსი, მისი (ბებიის) ხელმოწერით არის დადასტურებული. ამასთან მოკლული გოგონას დედამ ბებიაზე აღნიშნა, რომ ის "ცუდი ქალია". საქმის მთავარ მოწმეებს შორის, პროკურორის განცხადებით არიან გოგონას თანაკლასელები, რომლებიც ასევე აცხადებენ, რომ მას არ სურდა მისთვის უცნობ მამაკაცზე გათხოვება და დედა აიძულებდა.
- რაც შეეხება სკოლას, მოსამართლის კითხვაზე, იცოდა თუ არა დირექტორმა ან მასწავლებელმა (დამრიგებელმა) არასრულწლოვანის იძულებით გათხოვების ფაქტზე რაიმე, დედამ აღნიშნა, რომ მასწავლებელმა მას დაურეკა, სასწავლო წელი რომ დაიწყო, და მოიკითხა, რაზეც უპასუხა, რომ ის ცუდად იყო. მოკლულის დედამ განაცხადა, რომ მას სიძე დაპირდა, რომ გოგონა სკოლაში ივლიდა, მაგრამ მოატყუა.
"დასრულდა 14 წლის ბავშვის საქმეზე დედისა და ბიძის მიმართ აღკვეთის ღონისძიების სხდომა. ბრალდების მხარეს ჰქონდა დასაბუთებული ვარაუდი, რომ ამ ადამიანებმა ჩაიდინეს ბავშვის იძულება - თავისი ნების წინააღმდეგ გათხოვილიყო. ამ ფაქტის შესახებ მათ სამართალდამცავ ორგანოებს არ შეატყობინეს. სასამართლომ დადასტურებულად მიიჩნია ის გარემოებები, რომ შესაძლოა მათ მოწმეებზე, განსაკუთრებით ბრალდებულის დედაზე, რომელიც უმნიშვნელოვანეს ინფორმაციას ფლობს მოცემულ სისხლის სამართლის საქმეზე, მოახდინოს ზეგავლენა და მათ ახალი დანაშაული ჩაედინათ, სწორედ ამ საფრთხეების გათვალისწინებით, ორივე ბრალდებულს, როგორც მოკლული ბავშვის დედას და დედის ძმას, აღკვეთის ღონისძიების სახით პატიმრობა შეუფარდა", - განაცხადა ხატია გოგრიჭიანმა.
პროკურორის განცხადებით, ამ ეტაპზე, მოპოვებული მტკიცებულებებით, გარდაცვლილი 14 წლის ბავშვის მამის სისხლის სამართლის საქმესთან შემხებლობა არ იკვეთება, თუმცა გამორიცხული არ არის, რომ მოწმეების შემდგომი გამოკითხვის შედეგად ბრალდებულთა წრე გაფართოვდეს.
"იმ პერიოდში, როდესაც ხდებოდა 14 წლის ბავშვის იძულება, მამა საქართველოში არ იმყოფებოდა. მოცემულ სისხლის სამართლის საქმეზე გამოძიება გრძელდება და თუკი გამოიკვეთება თითოეული ადამიანის მხრიდან რაიმე სახის ბრალეული ქმედება - ბავშვის გარდაცვალების თუ იძულებით ქორწილების საქმეში, ბრალდების მხარე უმკაცრეს პოლიტიკას გაატარებს ასეთი ადამიანების მიმართ“, - განაცხადა პროკურორმა.
სხდომის დასრულების შემდეგ, რუსთავის საქალაქო სასამართლოს მოსამართლე მადონა მაისურაძემ, სრულად დააკმაყოფილა პროკურატურის შუამდგომლობა, ეგანა მაგარამოვასა და ნატიკ მაგარამოვს აღმკვეთი ღონისძიების სახით პატიმრობა შეუფარდა. მოსამართლემ არ გაითვალისწინა ეგანა მაგამაროვას ადვოკატის შუამდგომლობა, არასაპატიმრო ფორმის გამოყენების თაობაზე. როგორც ადვოკატმა იზოლდა მელიქიშვილმა განაცხადა, ეგანა მაგამაროვა სიმსივნით არის დაავადებული, ასევე ჰყავს კიდევ ერთი მცირეწლოვანი - 13 წლის ბიჭი, რომელსაც ის ინახავს და უზრუნველყოფს.
საქმეზე წინასასამართლო სხდომა, მოსამართლე მადონა მაისურაძემ 29 ნოემბერს ჩანიშნა. სისხლის სამართლის საქმეზე ჩატარებული გამოძიების თანახმად, 2023 წლის ზაფხულში, არასრულწლოვანს ქორწინების იძულების მიზნით, გამტაცებელმა უკანონოდ აღუკვეთა თავისუფლება და საგარეჯოს რაიონის სოფელ ლამბალოში მიიყვანა, სადაც დაზარალებულს შეზღუდული ჰქონდა თავისუფალი გადაადგილების უფლება. აღნიშნულის მიუხედავად, არასრულწლოვანმა მოახერხა გაპარვა, უცხო პირის მობილური ტელეფონით დედასთან დაკავშირება და მისი გატაცების თაობაზე შეტყობინება, რაც ასევე ცნობილი გახდა გატაცებული არასრულწლოვანის ბიძისთვის.
მიუხედავად იმისა, რომ არასრულწლოვანის დედისთვის და ბიძისთვის ცნობილი გახდა 14 წლის გოგონას მიმართ ჩადენილი მძიმე კატეგორიის დანაშაულის შესახებ, მათ მიაჩნდათ, რომ არასრულწლოვანს არ ჰქონდა თავისუფალი ნების გამოვლენის და არჩევანის გაკეთების უფლება, აღნიშნული არ შეატყობინეს სამართალდამცავ ორგანოებს და ბავშვს გამტაცებელთან თანაცხოვრება აიძულეს. სამართალდამცველებმა დაზარალებულის ბიძა, მოსამართლის განჩინების საფუძველზე 11 ოქტომბერს დააკავეს. პროკურატურამ დანაშაულის ჩამდენ ორივე პირს ბრალდება წინასწარი შეცნობით არასრულწლოვანის მიმართ ქორწინების იძულების და დანაშაულის შეუტყობინებლობის ფაქტებზე წარუდგინა.
ამასთან, როგორც ცნობილია, 14 წლის არასრულწლოვანის განზრახ მკვლელობაში ბრალდებული დაკავებულია. მას ბრალდება საქართველოს სისხლის სამართლის კოდექსის 109-ე მუხლის "ე’’ "თ’’ და "კ’’ ქვეპუნქტით (განზრახ მკვლელობა არასრულწლოვანი ოჯახის წევრის მიმართ, ჩადენილი გენდერის ნიშნით), 236-ე მუხლის მე-4 ნაწილით (ცეცხლსასროლი იარაღის მართლსაწინააღმდეგო ტარება) და 143-ე მუხლის მე-3 ნაწილის "დ’’ ქვეპუნქტით (თავისუფლების უკანონო აღკვეთა დამნაშავისათვის წინასწარი შეცნობით არასრულწლოვანის მიმართ) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს. ბრალდებულს აღმკვეთი ღონისძიების სახით შეფარდებული აქვს პატიმრობა.
ავტორი: მარი ვარდოშვილი
წაიკითხეთ ასევე:
- მოძალადე "ქმრის" პირისპირ დარჩენილი ბავშვი, რომელსაც ყველამ ზურგი აქცია - ოჯახი, საზოგადოება, სახელმწიფო: ვინ უნდა დაისაჯოს 14 წლის აითაჯის მკვლელობის საქმეზე?
- "მე არ მყავდა არასრულწლოვანი ცოლად, დედამისი მეუბნებოდა, რომ თვრამეტი წლის იყო - ვნანობ, მაგრამ..." - რა თქვა სასამართლოზე 14 წლის გოგონას მკვლელობაში ბრალდებულმა
- "14 წლის აითაჯ შახმაროვას დედა იყო დანაშაულის ორგანიზატორი, სწორედ დედაა პირი, რომელსაც უშუალო წვლილი მიუძღვის გოგონას გარდაცვალებაში" - პროკურორი
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სამუდამო პატიმრობა შეუფარდეთ ყველას
ღმერთო ეს რა გველი ქალია! მთავარი დამნაშავე ესაა! დედა! ცდილობს ყველას ყველაფერი გადააბრალოს! ესდედინაცვალი იქნება!
ეს ბავშვი კალმიტ ნახატია! საოცრება!
ესენი ციხიდან არ გამოუშვათ!!!