მნიშვნელოვანი ინფორმაცია
16
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამეორე დღე დაიწყება 23:52-ზე, მთვარე ვერძში გადავა 08:31-ზე – გაზარდეთ თქვენი ცოდნის დონე. შეისწავლეთ ახალი. იმუშავეთ მნიშვნელოვან დოკუმენტებთან. ხელი მოაწერე კონტრაქტებს. დაალაგეთ არქივი. დაუთმეთ დღე განათლებას და სწავლას. მოაგვარეთ მარტივი საკითხები და არ მიიღოთ სერიოზული გადაწყვეტილებები. არ არის რეკომენდებული: ახალი და სერიოზული საქმეების დაწყება. ბევრი მუშაობა. ვაჭრობა. სიზარმაცე. იყავით ყურადღებიანი ბარძაყების, ქვედა ხერხემლის მიმართ. არ არის რეკომენდებული მარხვა ან შიმშილი. კარგია ტანსაცმლის გაუთოება და შენახვა; ზამთრისთვის ხილის გაყინვა და კონსერვაცია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როცა ამერიკაში ჩამოვიდა, უსახლკარო იყო და მეტროში ცხოვრობდა - რას ჰყვება ნინი ბრეგვაძე და რას წერს NBC ამერიკის "ვოისის" ქართველ მონაწილეზე
12:49 / 08-10-2023
ქართული "X ფაქტორის" მონაწილე, ნინი ბრეგვაძე, რომელიც ბოლო წლებია, აშშ-ში ცხოვრობს, ამერიკული "ვოისის" მონაწილეა. საოცარი შოუ, რომელიც ქართველმა დადგა, NBC-ის ეთერიდან მსოფლიოს მასშტაბით უამრავმა ადამიანმა ნახა.
ნინიმ "ვოისში" შთამბეჭდავად იმღერა და ჟიურის ოთხივე წევრი შემოაბრუნა. ქართველი შემსრულებლის შესახებ უცხოური მედია აქტიურად წერს და მას პროექტის გამარჯვების ერთ-ერთ კანდიდატად მოიხსენიებს. 27 წლის ნინი ბრეგვაძე ბოლო 7 წელია ნიუ-იორკში ცხოვრობს.
"უბრალოდ, ისეთი შეგრძნება მაქვს, თითქოს ძალიან მენატრება სახლი. მინდა, დედაჩემმა თქვას - მას მიზეზი ჰქონდა წასვლისთვის... მინდა ვაჩვენო მსოფლიოს, რომ ვიმსახურებ აქ ყოფნას", - ამბობს ნინი, რომელიც კონკურსზე ნინი აირისის სახელით გამოდის.
NBC საზოგადოებას ნინის შესახებ უყვება და წერს, რომ გოგონა 2016 წელს გადავიდა ნიუ-იორკში საცხოვრებლად და "საქართველოში მთელი ცხოვრება უკან მოიტოვა, რათა მუსიკალური კარიერა შტატებში გაეგრძელებინა".
”ეს იყო რთული მოგზაურობა”, - ამბობს მომღერალი.
"ნინი იხსენებს, რომ როცა ამერიკაში ჩამოვიდა, რამდენიმე კვირის განმავლობაში უსახლკარო იყო და მეტროში ცხოვრობდა", - წერს NBC.
"მე უნდა დამეწყო ახალი ცხოვრება. უნდა მეპოვა ადგილი, სამსახური და დამეწყო ჩემი მიზნისკენ სვლა, რისთვისაც აქ ჩამოვედი", - ამბობს ნინი.
რთული დასაწყისის შემდეგ, ის ახლა სრული დატვირთვით მღერის ადგილობრივ რესტორნებში, ბარებსა და ქორწილებში.
თუმცა, მისი საბოლოო მიზანი იყო ადგილის დამკვიდრება და The Voice-ის ამერიკულ შოუში მონაწილეობა. ოცნება აუხდა, როდესაც მწვრთნელებმა ჯონ ლეჯენდმა, გვენ სტეფანიმ და ნაილ ჰორანმა სკამები ზუსტად ერთსა და იმავე დროს შეატრიალეს. რამდენიმე წამის შემდეგ მათ ჟიურის მეოთხე წევრი რება მაკენტაირი შეუერთდა.
"ეს იყო დღის საუკეთესო ვოკალი", - თქვა აღფრთოვანებულმა ჰორანმა, რომელიც ამავე პროექტის 23-ე სეზონის გამარჯვებულის მენტორია. "ჩვენ აქ პოტენციურ გამარჯვებულს ვხედავთ", - თქვა ნინის შესახებ მუსიკოსმა.
"აღფრთოვანებული ვარ, რომ ვუყურე შენს შესრულებას. შენი სიმღერა აბსოლუტურად სანახაობრივია, შეგიძლია იმღერო ნებისმიერი რამ", - თქვა ქართველი მომღერლის შესახებ ჟიურის კიდევ ერთმა წევრმა, მაკენტაირმა. ნინის მიმართ ქება არ დაიშურა ჯონ ლეჯენდმაც:
"თქვენი ხმა, მართლაც მაგარია, ეს ერთგვარი როკ შესრულება იყო", - თქვა მან.
გვენ სტეფანის თქმით კი ნინის შესრულება წარმოუდგენლი იყო.
"ის ფაქტი, რომ თქვენ შეგიძლიათ ასე მარტივად გადახვიდეთ სხვადასხვა სტილზე, ძალიან ამაღელვებელია", - აღნიშნა გვენ სტეფანიმ.
მკითხველის კომენტარები /
47 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მხოლოდ 5 თვეში, თბილისში მილიარდ 200 მილიონი დოლარის ბინები გაიყიდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თუ კარგი აღარ გემეტება,ნურც ცუდს დაწერთ ვინცა ხართ.რას ერჩით ,გოგო ინდომებს და ცდილობს...ვინც მუშაობს გამოუვა კიდეც...ღმერთი შენსკენ ნინი.წინსვლა ნინიკოს.
ახალგაზრდა გოგო და მეტროში ცხოვრება არ გამიგია მე წადი რა ლობიო მოხარშე და ქვაბები არახუნე