მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"2007 წლის 7 ნოემბრს სააკაშვილი კარვის დანახვაზე ისე გაცოფდა, რომ გასცა განკარგულება, აქცია დაერბიათ. მერე რა მიიღო შედეგად?.. ეს ხელისუფლებაც კარვებით არ მოვიდა?" - ზვიად ძიძიგური
16:04 / 04-10-2023
ხელისუფლება სამოქალაქო აქტივისტებს ახალ შეზღუდვებს უწესებს და "შეკრებისა და მანიფესტაციების შესახებ" კანონში ცვლილების შეტანას აპირებს. კანონპროექტის მიხედვით, იკრძალება დროებით კონსტრუქციების მოწყობა, კანონის დარღვევა კი ითვალისწინებს საგნის კონფისკაციას, ფულად ჯარიმებას, ან პატიმრობას. ამ ცვლილებების მიზეზი კი, როგორც ირკვევა და როგორც კანონპროექტის განმარტებით ბარათშია აღნიშნული, სახელმწიფო უსაფრთხოების სამსახურის 18 სექტემბრის განცხადებაა, რომლის მიხედვითაც ქვეყანაში გარკვეული ჯგუფები "დესტაბილიზაციას და კარვების ქალაქის მოწყობას გეგმავენ."
ახალი ცვლილებებით ხელისუფლება, პრაქტიკულად, მასობრივი დკავებების სერიას აანონსებს. ოპონენტები აღნიშნულ გადაწყვეტილებას რუსული კანონის სახეცვლილ ვერსიად აფასებენ, რომელიც გამოხატვის თავისუფლებას ასამარებს.
ცნობისათვის:
ახალი ამკრძალავი ნორმების დარღვევა გამოიწვევს სამართალდარღვევის საგნის კონფისკაციას და დაჯარიმებას 500 ლარის ოდენობით, ან სამართალდარღვევის საგნის კონფისკაციას და ადმინისტრაციულ პატიმრობას 15 დღემდე ვადით, ხოლო თუ დამრღვევი ორგანიზატორია - სამართალდარღვევის საგნის კონფისკაციას და დაჯარიმებას 5000 ლარის ოდენობით ან ადმინისტრაციულ პატიმრობას 15 დღემდე ვადით.
კანონპროექტის ავტორი და ინიციატორები არიან "ქართული ოცნების“ დეპუტატები: ანრი ოხანაშვილი, ირაკლი ბერაია, გივი მიქანაძე, რატი იონათამიშვილი, ირაკლი შატაკიშვილი, თენგიზ შარმანაშვილი და ალექსანდრე ტაბატაძე.
"ქართული ოცნების“ დეპუტატები სუს-ის განცხადებაში მითითებულ საფრთხეებზე "ეფექტიანი და დროული რეაგირების აუცილებლობიდან გამომდინარე“, კანონპროექტის დაჩქარებული წესით განხილვას და მიღებას ითხოვენ.
აღნიშნულ ინიციატივას ambebi.ge-სთან პოლიტიკოსი ზვიად ძიძიგური აფასებს, რომელიც წლების განმავლობაში ქუჩიდან იბრძოდა. ის ამბობს, რომ ეს "საკანონმდებლო ქირურგია“ ისევ "ქართული ოცნების“ წინააღმდეგ იმუშავებს, ვინაიდან არ ერთი ხელისუფლებისთვის ეს არ დამთავარებულა იმ შედეგით, რასაც ის წინასწარ თვლიდა.
"ახალი ამბავი არაა, როცა ხელისუფლება ცდილობს ამ მიმართულებით - შეკრებების და მანიფესტაციის მიმართულებით გაამკაცროს კანონი. ჯერ კიდევ კომუნისტურმა ხელისუფლებამ ეროვნული მოძრაობის გააქტიურების დროს დაიწყო შეკრებისა და მანიფესტაციების შეზღუდვა, მაგრამ არაფერი გამოვიდა, პირიქით, უფრო უარესი შედეგი მიიღეს - მეტად გააქტიურდა ეროვნული მოძრაობა, იყო ძლიერი გამოსვლები და მანიფესტაციები. ყველა ხელისუფლებას ახასიათებდა შეკრებების მიმართ შიში. გადატრიალების შემდეგ, როდესაც ზვიად გამსახურდიას მხარდამჭერების მხრიდან საპროტესტო მიტინგები იმართებოდა, ამ ადამიანებს ტყვიამფრქვევებით და ავტომატებით ვერ შლიდნენ. იმიტომ, რომ ასეთი რაღაცეები არ მუშაობს.
როცა ხალხს უნდა გამოსვლა - გამოდის. იგივე მახსოვს სხვადასხვა დროს - შევარდნაძის თუ სააკაშვილის ხელისუფლების დროსაც... გაგახსენებთ, რომ 2007 წლის 7 ნოემბრის აქციის დარბევა სწორედ კარვების დადგმის გამო დაიწყო სააკაშვილმა - კარვის დანახვაზე ისე გაცოფდა, რომ გასცა განკარგულება, აქცია დაერბიათ. მერე რა მიიღო შედეგად, გახსოვთ, ალბათ. ეს ხელისუფლებაც კარვებით არ მოვიდა? პრაქტიკამ არა ერთხელ აჩვენა, რომ აკრძალვა პირიქით მუშაობს. აკრძალვა, ჯერ ერთი, ვერავის შეაშინებს, მეორეც, ხალხი კიდევაც რომ დააჯარიმო, ან დააპატიმრო, მაინც არაა გამოსავალი.
ეს საკანონმდებლო ქირურგია, რომელსაც ეწევა ხელისუფლება, ამ საზოგადოებაში ვერ იმუშავებს, ეს სხვა საზოგადოებაა, ხალხი შეცვლილია, ეს ახალგაზრდობა თავისუფლებაშია გაზრდილი და ჩამოყალიბებული, ამ ადამიანებს ადვილად ვერ შეაშინებ და ვერც ევროპაზე ათქმევინებ უარს. იცით, დღევანდელი ხელისუფლება ძალიან დაემსგავსა იმ ხელისუფლებას, რომელიც სწორედ ტოტალიტარული მმართველობის ფორმით გამოირჩეოდა და რომელიც შეკრებებთან და გამოხატვის თავისუფლებასთან მწყრალად იყო, ამას ძალიან გაღიზიანებით პასუხობდა. ეს ხელისუფლების სიძლიერის დადასტურება არ არის, ეს არის იმის დადასტურება, რომ ხელისუფლება შეშფოთებით ადევნებს თვალს ქვეყანაში მიმდინარე მოვლენებს და სურს ისინი ასეთი ტიპის ქირურგიული ჩარევით შეაჩეროს.
დარწმუნებული ვარ, ამას არ მოჰყვება პოზიტიური შედეგი ხელისუფლებისთვის, მათ სასიკეთოდ არ დასრულდება, ეს არ არის სწორი გადაწყვეტილება. არც ერთი ხელისუფლებისთვის ეს არ დამთავარებულა იმ შედეგით, რა შედეგსაც ხელისუფლება წინასწარ თვლიდა. ეს იმ სულისკვეთების გაგრძელებაა, რომ ხელისუფლებას სურს შეზღუდოს ოპოზიციის და, თუ გნებავთ, არასამთავრობოების სამოქმედო არეალი. კიდევ ვიტყვი, რომ ყველა ასეთი ტიპის აკრძალვა და შეზღუდვა საპირისპირო შედეგით მთავრდება ხოლმე და ახლაც არ მგონია, განსაკუთრებული ვნახოთ. ეს ცვლილება ისევ "ქართული ოცნების“ წინააღმდეგ იმუშავებს“.
მკითხველის კომენტარები /
71 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კარვებსაც რომ დიდი წვლილი აქვს შეტანილი ქოცების ხელისუფლებაში მოსვლისთვის ,ზუსტად მაგიტომ კრძალავენ,რადგან ახლა იგივე კარვები მათი ხელისუფლებიდან წასვლის ერთერთი ძირითადი საშუალება არ გახდეს.P.S.მალმალე და მუდამ რომ წამოაძახებთ ხოლმე ძიძიგურს სამტრედიის რკინიგზის ბოიკოტს,მას ეყო წესიერება და აღიარა,რომ ეს მათი მხრიდან სერიოზული შეცდომა იყო და გამოუცდელობის გამო მოუვიდათ,ასევე სხვებზე ბევრად ადრე შეატყო ქოცობას რომ მათი ნეგატიური ტრანსფორმაცია დაიწყო ხელისუფლებაში მოსვლის შემდგომ ,რის გამოც ერთერთმა პირველმა დატოვა ოცნება და ფაქტიურად ჩამოშორდა პოლიტიკურ პროცესებს,ასე რომ ბევრ პოლიტიკოსთან შედარებით პატივისცემას იმსახურებს
მე ადრეც გირჩიეთ და თქვენ თურმე დასასვენებლად ბრძანებულხართ, კარვები მეკარვეებიანად გაამწესეთ ქუთაისის პარლამენტთან, ნახევარი მილიარდი დაგვიჯდა 50 მილონის ნაცვლად და უქმადაა ! შეგახსენებთ, რომ მანდ 45 ათასი კვმ ფართია შიგნით და გარეთ შუშებიანად ასე 70 იქნება, იცით ახლა თქვენ რომ ქვიტკირით და აგურ აგურ რომ გვეშენებინა ერთი კვმ არ ჯდება 500 დოლარი თეთრი კარკასი და სულ გამზადებული ჰაჰა 800 დოლარი , ნაცებმა დააჯინეს ნახევარი მილიარდი სჩემტო, ქუთაისს შერჩა ცარიელი შუშა და ნაცებმა სულ ქვიტკირის სახლები აიშენეს , ჰოოდა კარვები გადაიტანეთ , ჯერ მეკარვეებიანად, მერე ვნახოთ იქნება დეპუტატებიც მივაყოლოთ, ყოლიფერო ორ ორი გვაქვს და პარლამენტიც რო ორი იყოს, რა დაშავდება?! ხანდისხან სამიც კი გვქონია ხოლმე, მაგალითად მიშა ერთდროულად გადამდგარი პრეზიდენტიც იყო, მოქმედიც და მომავალიც! არასოდეს თქვა, არასოდესო!