"ეს უნდა განახოთო, რომ, აწი, ოროსანი არ დაუძახოთო" - ანა წითლიძე წერს, რომ პარლამენტში დაჩი ბერაიას სკოლის ატესტატი და დიპლომების ასლები მიიტანეს
ოპოზიციონერი დეპუტატი ანა წითლიძე სოციალურ ქსელში წერს, რომ უმრავლესობის ერთ-ერთმა წევრმა პარლამენტში დაჩი ბერაიას სკოლის ატესტატი და დიპლომის ასლები მიიტანა. როგორც პოლიტიკოსი აღნიშნავს, კოლეგა იქამდე არანაირი აქტივობით არ გამოირჩეოდა. შეგახსენებთ, რომ დღეს საკანონმდებლო ორგანოში პლენარულ სხდომაზე "შეკრებებისა და მანიფესტაციების შესახებ“ კანონში დაგეგმილი ცვლილებების პროექტს განიხილავენ.
ანა წითლიძე:
"თუ ვხუმრობდე, სესიის დაწყებამდე სხდომათა დარბაზაში, უმრავლესობის ერთ-ერთი წევრი, რომელიც ძირითადად ჩუმად ზის, არასოდეს არანაირი შეხება არ მქონია რაღაც დიდი დასტა ქსეროქსებით მოვიდა.
ეს უნდა გადმოგცეთ და განახოთო, რომ, აწი, ოროსანი არ დაუძახოთო. თუ გამოიცნობთ, რა იყო? - დაჩი ბერაიას სკოლის ატესტატი და დიპლომების ასლები. ალბათ როინ მეტრეველისგან იყიდა ეგ დიპლომები, მაგ დროს მიწისქვეშა გადასასვლელებში ყიდდნენ ნებისმიერი ფერის დიპლომს-თქო. რა დარდები ჰქონია დაჩის, რუსს რომ ვეძახი არ ადარდებს და ოროსანი უტყდება..."