"კვარამ" მეორე ტაიმში ბევრი იბრძოლა, თუმცა "ნაპოლიმ" თამაშის გადარჩენა ვერ შეძლო - "მარადონაზე" გამარჯვება "რეალმა" იზეიმა

ლიგის ჯგუფური ეტაპის მეორე ტურში "ნაპოლიმ“ "რეალს“ უმასპინძლა და დამარცხდა ანგარიშშით - 2:3.

გუნდები შემდეგი სასტარტო შემადგენლობებით გავიდნენ მოედნაზე:

• "ნაპოლი"

მერეტი, დი ლორენცო, ესტეგორი, ნატანი, ოლივეირა, ანგისა, ზილენსკი, ლობოტკა, პოლიტანო, კვარაცხელია, ოსიმენი

• "რეალი"

კეპა, კარვახალი, ნაჩო, რიუდიგერი, კამავინგა, ვალვერდე, ტჩუამენი, კროოსი, როდრიგო, ბელინგემი, ვინისიუსი

პირველი ტაიმი "ნაპოლის" შეტევებით დაიწყო, თუმცა "რეალის" ფეხბურთელებსაც ჰქონდათ ანგარიშის გახსნის შანსი, რაც ვერ გამოიყენეს. მას მერე, რაც ხვიჩა კვარაცხელიას კარგი პასით ოლივერას საჯარიმოში შესვლის შესაძლებლობა მიეცა, ესპანელებმა ბურთი კუთხურზე მოიგერიეს. მარცხენა ფლანგიდან კუთხური ხვიჩამ ჩააწოდა, ნათანმა კარისკენ დაარტყა, თუმცა ბურთი ხარიხას მოხვდა და საჯარიმოში დაბრუნდა, ესტიგორმა ყველას დაასწრო და ანგარიშშიც ასე გაიხსნა.

ნეაპოლელთა სიხარული მაინც და მაინც ხანგრძლივი ვერ გამოდგა, 27-ე წუთზე ვინისიუსსმა აიღო მერეტის კარი. 34-ე წუთზე კი ბელინგემის ულამაზესი გოლით "რეალი" წინ გავიდა.

38-ე წუთზე მადრიდელთა კარი ოსიმენის თავური დარტყმის შემდეგ კეპამ თავგანწირული ნახტომით გადაარჩინა.

პირველი ტაიმი ანგარიშით 1:2 დასრულდა.

მეორე ტაიმიც ნეაპოლელთა აქტიურობით დაიწყო, რასაც მალევე ოსიმენის "რეალის" საჯარიმოში წაქცევა მოჰყვა. "ვარმა" გადაწყვიტა 11-მეტრიანის ბედი, რაც გოლად 54-ე წუთზე ზილინსკიმ აქცია და ანგარიში გაათანაბრა. ქართველი მეორე ტაიმში აშკარად უფრო გააქტიურდა, გამოსდიოდა როგორც დრიბლინგი, ასევე ზუსტი პასები.

64-ე წუთზე ულამაზასი დრიბლინგით შევიდა "კვარა" მეტოქის საჯარიმოში, თუმცა მის დარტყმულს რიუდიგერი გადაეღობა.

78-ე წუთზე ვალვერდეს შორეული, უძლიერესი დარტყმის შემდეგ ბურთი "ნაპოლის" მეკარეს მერეტს მოხვდა და ბადეში გაეხვა, გოლი ავტოგოლად ჩათვალეს და მერეტს მიაწერეს.

ბოლო წუთებზე "კვარა" და "ნაპოლი" ბევრს უტევდნენ მეტოქეს, თუმცა ბურთის გატანა ვეღარ შეძლეს. ამრიგად "რეალმა" მორიგი გამარჯვება მიითვალა და ჯგუფის ლიდერია.

აღსანიშნავია, რომ ცნობილმა ესპანურმა გამოცემამ As "კვარასთან" ინტერვიუ ჩაწერა, რომელიც მატჩამდე რამდენიმე საათით ადრე გამოქვეყნდა.

"მე გავიზარდე ისე, რომ მადრიდის "რეალის" თამაშებს ტელევიზორში ვუყურებდი. ახლა ისინი ჩემი კონკურენტები არიან სტადიონზე. შეუძლებელია ბედნიერი არ იყო ამ მომენტით", - ამბობს ხვიჩა ინტერვიუში.