"კვარაცხელიას პასი, რომელიც გოლზე მეტია“ - დუეტი დაბრუნდა: "ნაპოლიმ" "ლეჩე" გაანადგურა

სერია A-ს მეშვიდე ტურში "ნაპოლი" სტუმრად "ლეჩეს" დაუპირისპირდა და 0:4 დაამარცხა. ნეაპოლური გუნდის მწვრთნელმა რუდი გარსიამ ასეთი სასტარტო შემადგენლობით გაიყვანა გუნდი მოედანზე:

• მერეტი, დი ლორენცო, ესტეგარდი, ნატანი, ოლივეირა, ანგისა, ლობოტკა, ზილენსკი, ლინდსტრიომი, კვარაცხელია, სიმეონე - ოსიმენი პირველ ტაიმში სათადარიგოზე იყო.

"უდინეზესთან" თამაშის შემდეგ შეიძლება ითქვას, რომ "ნაპოლი" ძველ დიდებას იბრუნებს და ფეხბურთელებიც გაორმაგებული ძალებით თამაშობენ მოედანზე. პირველი ტამის ნეაპოლელების უპირატესობით გაიმართა, მასპინძლების კარში პირველი გორი მე-16 წუთზე ოსტიგერმა გაიტანა.

რაც შეეხება ხვიჩას, ქართველმა ფეხბურთელმა 33-ე წუთზე ყვითელი ბარათი მიიღო, კარში დარტყმული 2 ბურთი დაუბლოკეს, ერთი დარტყმა კი კარის ჩარჩოს აცდა. საბოლოოდ პირველი ტაიმი 0:1 დამთავრდა.

მეორე ტაიმზე გარსიამ მოედანზე ოსიმენიც შემოიყვანა, რომლისთვისაც პირველივე წუთები იღბლიანი აღმოჩნდა. აფრიკელმა ფეხბურთელმა ხვიჩა კვარაცხელიას ჩაწოდებული გოლით მასპინძლების კარში გოლი შეაგდო და ანგარიში 0:2 გახდა.

"კვარაცხელიას პასი, რომელიც გოლზე მეტია", - თქვა კომენტატორმა ხვიჩას საგოლე გადაცემის შემდეგ.

57-ე წუთზე რუდი გარსიამ კვარაცხელიას მოედნიდან გაყვანის გადაწყვეტილება მიიღო.

ცვლილებაზე შემოსულმა ჯანლუკა გაეტანომ მასპინძელთა კარი მესამედ აიღო, საბოლოო ანგარიში კი მატეო პოლიტანომ პენალტის ნიშნულიდან დააფიქსირა.