"უფლისწული გიორგი 12 წლის გახდა!" - საქართველოს სამეფო სახლი

"უფლისწული გიორგი 12 წლის გახდა!" - ამის თაობაზე სოციალურ ქსელში წერს გვერდი საქართველოს სამეფო სახლი - The Royal House of Georgia.

გიორგი ბაგრატიონი 2011 წლის 27 სექტემბერს, ესპანეთის დედაქალაქ მადრიდში დაიბადა, ის ბაგრატიონთა დინასტიის წარმომადგენელია და საქართველოს სამეფო ტახტის უპირველეს პრეტენდენტად მიიჩნევა.

უფლისწული არის დავით ბაგრატიონ-მუხრანელისა და ანა ბაგრატიონ-გრუზინსკის შვილი, რომელიც გაჩნდა 2010 წლის სამოქალაქო ქორწინებით (მათ ჯვარი დაიწერეს 2009 წლის თებერვალს და გაშორდნენ ამავე წლის აგვისტოში).

გიორგი ბაგრატიონი პოტენციურად აერთიანებს სამეფო ბაგრატიონების მუხრანელებისა და გრუზინსკების შტოთა პრეტენზიებს საქართველოს სამეფოს უწინდელ ტახტზე. მას შემდეგ, რაც გიორგის მშობლები განქორწინდნენ, ის დედასთან ცხოვრობს, თუმცა ხშირად ქვეყნდება მისი მამამისთან ერთად გადაღებული ფოტოები.

გიორგი ბაგრატიონი მოინათლა 3 ნოემბერს 2013 წელს, სრულიად საქართველოს კათალიკოს-პატრიარქისა და მთავარეპისკოპოსის, ილია II-ის მიერ, სვეტიცხოველის ტაძარში. მისი ნათლიები არიან: თავად პატრიარქი, მისი ბიძები ირალკი და უგო (გურამ), ლევან ვასაძე, გიორგი ახვლედიანი, ირაკლი ალასანია და ნოდარ ხადური.