"ნაპოლისა" და ვიქტორ ოსიმენს შორის შავი კატა დარბის - ფეხბურთელი გუნდის წინააღმდეგ სასამართლოში ჩივილს აპირებს
როგორც ჩანს, "ნაპოლსა" და ვიქტორ ოსიმენს შორის შვმა კატამ გაირბინა. ვრცელდება ინფორმაცია, რომ გასული სეზონის სერია ა-ს ბომბარდირი გუნდის წინააღმდეგ სასამართლოში ჩივილს გეგმავს. განცხადებას ფეხბურთელის მენეჯერი ავრცელებს. "ნაპოლიმ" TikTok-ზე, კლუბის ოფიციალურ ანგარიშზე, ვიქტორის მიმართ დამცინავი ვიდეო გამოაქვეყნა და სწორედ ეს გახდა ფეხბურთელის გაცეცხლების მიზეზი. ვიდეოში ასახულია მომენტი, როცა ბოლონიასთან მატჩში დანიშნული პენალტის დარტყმისას, ოსიმენმა ბურთი კარს ააცილა.
<blockquote class="twitter-tweet"><p lang="en" dir="ltr">🇳🇬 This was the original video posted by Napoli about Victor Osimhen… and then deleted.<br><br>⚠️ …player’s agent Calenda announced that Osimhen is considering to take legal action against Napoli. <a href="https://t.co/0PLunco9aD">pic.twitter.com/0PLunco9aD</a></p>— Fabrizio Romano (@FabrizioRomano) <a href="https://twitter.com/FabrizioRomano/status/1706784057479118979?ref_src=twsrc%5Etfw">September 26, 2023</a></blockquote> <script async src="https://platform.twitter.com/widgets.js" charset="utf-8"></script>ოსიმენის მენეჯერი, რობერტო კალენდა მომხდარს "ტვიტერზე", პოსტით ეხმიანება: "ის, რაც ნაპოლის ოფიციალურ TikTok ანგარიშზე მოხდა, ყოვლად მიუღებელია. ვიდეო, რომელშიც ვიქტორს დასცინიან, გაასაჯაროვეს, შემდეგ კი, წაშალეს, თუმცა უკვე გვიანი იყო",- წერს კალენდა. მისი თქმით, ეს სერიოზულ ზიანს აყენებს მოთამაშის იმიჯს და ბოლოდროინდელი ფეიკ ნიუსების შემდეგ, ეს მისთვის კიდევ ერთი დარტყმაა.
"ვაპირებთ, რომ ვიქტორის დასაცავად სამართლებრივი ზომები მივიღოთ",- წერს კალენდა.
"ბოლონიასთან" თამაშის მიწურულს "ნაპოლის" მთავარ მწვრთნელ რუდი გარსიასა და ვიქტორ ოსიმენს შორის დაძაბულობა იგრძნობოდა. 24 წლის ნიგერიელი თავდამსხმელი გარსიას მიმართ უკმაყოფილებას გამოხატავდა, რადგან ის უგოლო თამაშის დასრულებამდე 4 წუთით ადრე სხვა მოთამაშით ჩაანაცვლეს.
წყარო: theguardian
მოამზადა: ანა სიბოშვილმა