მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აგრარულ უნივერსიტეტში აგროპროექტის შედეგების პრეზენტაცია გაიმართა
15:23 / 25-09-2023
12 სექტემბერს, საქართველოს აგრარულ უნივერსიტეტში „აგროპროექტის“ შედეგების პრეზენტაცია და Agro Job Fair 2023 გაიმართა. „აგროპროექტი“ აგრონომიის საბაკალავრო პროგრამის ახალი საგანია, რომელიც სტუდენტებს შესაძლებლობას აძლევს სადემონსტრაციო ნაკვეთში დამოუკიდებლად მოიყვანონ სხვადასხვა სასოფლო-სამეურნეო კულტურა და თეორიული ცოდნა პრაქტიკაში გამოიყენონ.
„აგროპროექტის“ პრეზენტაციაზე სტუდენტებმა დამსწრე საზოგადოებას თავიანთი დაკვირვებები და შედეგები გაუზიარეს. ასევე, ისაუბრეს ერთი წლის განმავლობაში მიღებულ გამოცდილებაზე. სტუმრებს ჰქონდათ შესაძლებლობა დაეთვალიერებინათ, დაეგემოვნებინათ და შეეფასებინათ პროექტის მონაწილეების მიერ მოყვანილი მოსავალიც.
„აგროპროექტი“ არის შესაძლებლობა სტუდენტებმა უნივერსიტეტშივე, კამპუსის ტერიტორიაზე გამოყოფილ თანამედროვე საირიგაციო სისტემით აღჭურვილ სადემონსტრაციო ნაკვეთზე აწარმოონ სხვადასხვა სახის სამუშაო და მათთვის საინტერესო სასოფლო-სამეურნეო კულტურების მოყვანის წესები პრაქტიკაში შეისწავლონ. აღნიშნული გულისხმობს: ნაკვეთის დამუშავებას, რისკების შეფასებას, ბიუჯეტირებას, ნიადაგის ანალიზს, ნაყოფიერების მართვის გეგმის შემუშავებას, თესვას, მავნებლებსა თუ დაავადებებზე დაკვირვებას და შესაბამისი ღონისძიებების გატარებას. ასევე, მოსავლის აღება-დაბინავებას, რაოდენობრივი და ხარისხობრივი მაჩვენებლების განსაზღვრას.
„აგროპროექტისთვის“ საჭირო სათესლე მასალები, სასუქები და პესტიციდები სტუდენტებმა პროექტის მხარდამჭერ „აგროსფეროსგან“ მიიღეს. აღსანიშნავია, რომ 2022 წლიდან კომპანია საქართველოს აგრარული უნივერსიტეტის სტუდენტებისთვის ახორციელებს სასტიპენდიო და სტაჟირების პროგრამებსაც.
„აგროსფეროს“ ერთ-ერთი პრიორიტეტი ახალგაზრდების ხელშეწყობა და სასოფლო-სამეურნეო დარგის მიმართ ინტერესის გაღვივებაა. სწორედ ამიტომ კომპანია აქტიურად ერთვება მსგავს წამოწყებებში და არ იშურებს ძალისხმევას თავადაც შექმნას სტუდენტებისთვის ცოდნის გაღრმავების ახალი შესაძლებლობები.
„აგროპროექტის“ შედეგების პრეზენტაცია წელს პირველად გაიმართა. მონაწილეებმა ძალიან კარგ შედეგებს მიაღწიეს და საინტერესო პრეზენტაციები წარმოგვიდგინეს. იმედი გვაქვს, პროექტის ფარგლებში მიღებული ცოდნა მათ სამომავლო გეგმების განხორციელებაშიც დაეხმარება და კიდევ უფრო გაზრდის მათ მოტივაციას სოფლის მეურნეობის მიმართულებით კარიერის გაგრძელების თვალსაზრისით“, – ამბობს „აგროსფეროს“ სასწავლო ცენტრის, „აგრარიუმის“ ხელმძღვანელი, მარიამ მერაბიშვილი.
„აგროსფერო“ სასოფლო-სამეურნეო პროდუქციისა და აგროტექნიკის უმსხვილესი იმპორტიორია საქართველოში. კომპანია თანამედროვეობის კონცეფციას ეფუძნება და ქვეყანაში ინოვაციურ პროდუქტებზე ხელმისაწვდომობის გაზრდას ემსახურება. „აგროსფერო“ თანამედროვე აგრო-განათლებისთვის“ კომპანიის კიდევ ერთი მიმართულებაა, რომლის ფარგლებშიც ის სოფლის მეურნეობით დაინტერესებული ახალგაზრდების ხელშემწყობ პროექტებსა და პროგრამებს ახორციელებს.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
