22
მაისიდღის ზოგადი ასტროლოგიური პროგნოზი
რუსეთის სასარგებლოდ ჯაშუშობაში ეჭვმიტანილ ხუთ პირს დიდ ბრიტანეთში ბრალს წაუყენებენ. ორლინ როსევი, ბიზერ ჯამბაზოვი, კატრინ ივანოვა, ივან სტოიანოვი და ვანია გაბეროვა მომდევნო სამშაბათს ვესტმინსტერის სასამართლოში წარსდგებიან.
ისინი ბულგარეთის მოქალაქეები არიან და ბრალად ედებათ ინფორმაციის შეგროვება და რუსეთისთვის გადაცემა. სამართალდამცველების ცნობით, ჯაშუშური საქმიანობით ისინი 2020 წლის აგვისტოდან, 2023 წლის თებერვლამდე პერიოდში იყვნენ დაკავებულნი..
- გამოძიების ინფორმაციით, ბრალდებულები მუშაობდნენ რუსეთის უშიშროების სამსახურის ოპერატიულ ჯაშუშურ ქსელში და ეს სამუშაო მოიცავდა კონკრეტულ სამიზნეებზე მეთვალყურეობას. მათ ბრალად ედებათ დიდ ბრიტანეთს და ევროპაში აქტიურ ოპერაციებზე მუშაობა, ინფორმაციის შეგროვება და ამ ინფორმაციის რუსეთისთვის გადაცემა.
პოლიციის ოფიცრებმა აღმოაჩინეს მათი ყალბი პასპორტები და პირადობის მოწმობები. მათ ჰქონდათ ბრიტანეთის, ბულგარეთის, საფრანგეთის, იტალიის, ესპანეთის, ხორვატიის, სლოვენიის, საბერძნეთისა და ჩეხეთის მოქალაქეობის ყალბი დოკუმენტები.
ეს ადამიანები წლების განმავლობაში ცხოვრობდნენ დიდ ბრიტანეთში, მუშაობდნენ სხვადასხვა სამუშაოებზე, ჰქონდათ არაერთი უძრავი ქონება ბრიტანეთის ქალაქების გარეუბნებში.
გამოძიების ინფორმაციით, ჯგუფს რუსევი ხელმძღვანელობდა, რომელსაც რუსეთში საქმიანი გარიგებების ისტორია აქვს. ის 2009 წელს საცხოვრებლად გადავიდა დიდ ბრიტანეთში და სამი წელი ფინანსური სერვისების ტექნიკურ სამსახურში მუშაობდა.
- ავტორი: ანრი კურტანიძე
საქართველო გინესის რეკორდზე წარადგინეს. ბოლო 10 წელიწადში საქართველო არის ერთადერთი ქვეყანა, სადაც ვერ გამოავლინეს რუსეთის აგენტები.
მეღიმება, როცა ეგეთი თემები პუბლიცისტიკის დონეზეა. ეგ სერიოზული საკითხია და სინამდვილეში რა და როგორ იყო, არავინ გაასაჯაროებს. სიტყვა "ჯაშუშს" ისე ხმარობენ, თითქოს უბრალო ვინმეა. არა ბატონებო, ეგენი არანაირი ჯაშუშები არ ყოფილან. მართლა ჯაშუშები ერთეულებია, რომელთა გამოვლენა იშვიათად ხდება. სრულიად განსხვავებულია უცხო ქვეყნის მოქალაქეზე მომუშავე, ან ინფორმაციის წყარო და ა.შ. ეგეთები წვრილფეხობაა. ისე, საქართველოში და ზოგადად ყოფილი სოციალისტური ბანაკის ქვეყნებში ეგეთი ჯაშუშები უამრავია. ან, რა გასაკვირია, როცა ათასობით სხვადასხვა არასამთავრობო ორგანიზაცია, რომლებიც პირდაპირ უცხოეთიდან ფინანსდება და ხელფასს იღებენ, თავისუფლად საქმიანობს. რა მნიშვნელობა აქვს, დაფინანსების წყარო ვინ არის, რუსეთი, დასავლეთი, თუ აღმოსავლეთი. დამფინანსებელი ხომ მხოლოდ საკუთარი ინტერესებისთვის, მოქმედებს. შესაბამისად, ის დაფინანსებულებიც მხოლოდ, ვიმეორებ, მხოლოდ უცხოელების ინტერესებს იცავენ. ამიტომ, იცოდეთ, როდესაც ჩვენს ქვეყანაში არსებული არასამთავრობო ორგანიზაციის წარმომადგენელი საუბრობს, ის მხოლოდ იმ უცხო სახელმწიფოს დირექტივებით და საკეთილდღეოდ მოქმედებს, ვისგანაც ფულს იღებს. არავინ იფიქროს, რომ ის შესაძლოა, თუნდაც მინიმალურად, საქართველოს სასიკეთოდ რამეს ამბობდეს და აკეთებდეს. და კიდევ, დამფინანსებლის გარეშე ნაბიჯს არ/ვერ დგამენ.