"მან გადაწყვიტა რუსეთისთვის დაებრალებინა თავისი უღიმღამო დამარცხება... გამოიცანით, რა ბედი ელის მას" - მედვედევის რიტორიკული პოსტი ფაშინიანზე
რუსეთის უშიშროების საბჭოს მდივნის მოადგილე დიმიტრი მედვედევი სომხეთ-აზერბაიჯანს შორის მიმდინარე მოვლენებს ეხმაურება და სომხეთის პრემიერზე, ნიკოლ ფაშინიანზე რიტორიკულ კითხვას სვამს: „გამოიცანით, რა ბედი ელის მას“.
"ერთ დღეს ჩემმა ერთ-ერთმა კოლეგამ მოძმე ქვეყნიდან მითხრა: „მე ხომ თქვენთვის უცხო ვარ, არ მიმღებთ“. მე ვუპასუხე, რაც უნდა მეპასუხა: „ჩვენ ვიმსჯელებთ არა ბიოგრაფიით, არამედ მოქმედებებით”. შემდეგ მან წააგო ომი, მაგრამ უცნაურად დარჩა თავის ადგილას.
შემდეგ მან გადაწყვიტა რუსეთისთვის დაებრალებინა თავისი უღიმღამო დამარცხება. შემდეგ მან დათმო თავისი ქვეყნის ტერიტორიის ნაწილი. მერე ნატო-სთან ფლირტი გადაწყვიტა და ცოლი გამომწვევად წავიდა ჩვენს მტრებთან ფუნთუშებით. გამოიცანით რა ბედი ელის მას...“ - წერს „ტელეგრამში“ მედვედევი.
შეგახსენებთ, აზერბაიჯანის თავდაცვის სამინისტრომ გაავრცელა ინფორმაცია, რომ ყარაბაღში კონსტიტუციური წესრიგის აღსადგენად ადგილობრივ ანტიტერორისტულ ზომებს ახორციელებენ.
ერევანმა აზერბაიჯანის ქმედებები ყარაბაღის წინააღმდეგ მორიგ აგრესიად შეაფასა. მიმდინარე მოვლენებთან დაკავშირებით, ნიკოლ ფაშინიანი დღეს სომხეთის უშიშროების საბჭოს სხდომას გამართავს.
- პროტესტი ერევანში: აქციის მონაწილეები ნიკოლ ფაშინიანის გადადგომას ითხოვენ - რა ხდება სომხეთის დედაქალაქში ყარაბაღში ვითარების გამწვავების შემდეგ?
- "თუ ვითარება აფეთქდა, რუსეთ-უკრაინის ომზე არანაკლებ მასშტაბს მიიღებს... ეს იმ შემთხვევაში მოხდება, თუ სომხეთს ირანი დაეხმარება" - ჩვენს მეზობლებს შორის დიდი ომის საფრთხე სულ უფრო რეალური ხდება