ბულგარეთში, შავი ზღვის სანაპიროზე დრონი აღმოაჩინეს, რომელზეც ასაფეთქებელი ნივთიერება იყო დამაგრებული

ბულგარეთში, შავი ზღვის კურორტ ტიულენოვოში აღმოჩენილი დრონის შესამოწმებლად სპეციალურ ჯგუფს აგზავნის. მედიის ინფორმაციით, ბულგარეთის თავდაცვის სამინისტრომ განაცხადა, რომ ასაფეთქებელი ნივთიერების გადამტანი დრონის შესამოწმებლად და დეაქტივაციისთვის სპეციალური დანაყოფი გაგზავნა.

შემოწმების შემდეგ, ნატო-ს წევრი ბულგარეთის მიერ გაგზავნილი ჯგუფი გადაწყვეტს, როგორ განკარგოს ის. თავდაცვის უწყებაში განმარტავენ, რომ ჯგუფი რეგიონული მთავრობის მოთხოვნით გაიგზავნა.

ბულგარული მედია იტყობინება, რომ დრონი, რომელსაც ასაფეთქებელი ნივთიერება გადაჰქონდა, ტიულენოვოში კვირას დაეშვა. გავრცელებული ინფორმაციით, დრონის სიგრძე 3-3.5 მეტრამდეა და მასზე ასაფეთქებელი ნივთიერება იყო მიმაგრებული.