რუსეთი ანექსირებულ ყირიმში უძრავი ქონების გაყიდვას გეგმავს - "მათ შორის არის ზელენსკის სახლი, სანატორიუმი, საკურორტო ობიექტები"
რუსეთი ანექსირებულ ყირიმში უკრაინის საკუთრებაში არსებული უძრავი ქონების გაყიდვას აპირებს - ამის შესახებ ყირიმის რესპუბლიკის სახელმწიფო საბჭოს თავმჯდომარემ, ვლადიმერ კონსტანტინოვმა Telegram-ზე გამოქვეყნებულ პოსტში განაცხადა. მისივე თქმით, უკრაინის პრეზიდენტის, ვოლოდიმირ ზელენსკის საკუთრებაში არსებული ქონების გაყიდვაც იგეგმება.
"ეს არის საცხოვრებელი ფართები, მათ შორის ზელენსკის სახლი, სანატორიუმი, საკურორტო ობიექტები, საცალო და კომერციული ფართები“ - ნათქვამია განცხადებაში.
კონსტანტინოვის თქმით, აღნიშნული ქონების საერთო ჯამი 800 მილიონ რუბლს (8,2 მილიონ აშშ დოლარს) შეადგენს.