რუსეთში სამხედრო ფორმაში გამოწყობილმა ნასვამმა მამაკაცმა ხელყუმბარა ბავშვების თვალწინ ააფეთქა - რა კადრები ვრცელდება ადგილიდან?
ყაზანის (რუსეთის ერთ-ერთი უდიდესი ქალაქი) ერთ-ერთ ეზოში სამხედრო ფორმაში გამოწყობილმა ნასვამმა რუსმა ბავშვების თვალწინ ხელყუმბარა ააფეთქა. შესაბამისი ვიდეო ტელეგრამის არხზე გამოქვეყნდა.
შემთხვევა სოვეცკის რაიონში, ერთ-ერთი სახლის შესასვლელთან მოხდა. ინტერკომის კამერიდან გადაღებულ კადრებში ჩანს, რომ კორპუსის შესასვლელთან სკამზე სამხედრო ფორმაში ჩაცმული მამაკაცი ზის, მის გვერდით ბავშვები დგანან.
ერთ მომენტში კაცმა გადაწყვიტა, ყუმბარის რგოლი მოეხსნა, მანამდე კი ერთ-ერთ ბავშვს შესთავაზა, რომ დახმარებოდა. კადრებში აფეთქების ხმა ისმის. უცნობია, ზუსტად სად აფეთქდა ყუმბარა.
სკამიდან ორიოდე მეტრში 8-10 წლის ბიჭი იდგა, შემოსასვლელ კართან კი სხვა ქალი ბავშვით. აფეთქების შემდეგ ვიდეოში ჩანს, რომ ერთ-ერთი ქალი უყვირის კაცს, მაგრამ მას რეაქცია არ აქვს, რადგან მისთვის ეს ჩვეულებრიცი ამბავია. "კარგი, ბოდიში. აღარ გავიმეორებ..." - ჩაიჩურჩულა კაცმა, ისე, რომ სკამიდან არც ამდგარა.
ოფიციალურ უწყებას მომხდარზე ამ დრომდე არ გაუვრცელებია ინფორმაცია. შეგახსენებთ, რომ მანამდე სევასტოპოლში რუსმა სამხედრომ ხელყუმბარა მიიტანა სენატორ ეკატერინა ალტაბაევასთან და გუბერნატორის მოადგილე ალექსანდრე კულაგინთან შეხვედრაზე. მოგვიანებით მამაკაცმა განმარტა, რომ ცუდი არაფერი არ ჰქონია დაგეგმილი. ამ არატრადიციული გზით მას სურდა უშიშროების თანამშრომლების გამოცდა.
ნახეთ ვიდეო: