ცნობილი მექსიკური ნარკოკარტელის "დედოფალი" თავისუფალია - ჩვენი დროის ერთ-ერთი ყველაზე სასტიკი კრიმინალის, ელ პაჩოს ცოლის აღზევება და დაცემა
შეერთებულ შტატებში ციხიდან გაათავისუფლეს ემა კორონელ აისპურო, მექსიკელი ნარკობარონის ხოაკინ არჩივალდო გუსმან ლოერას, იგივე ელ ჩაპოს ("ქონდარა") ცოლი, რომელსაც ჩვენი დროის ერთ-ერთ ყველაზე ცნობილ კრიმინალს უწოდებენ.
აისპურომ დანაშაული აღიარა. ქალი ნარკოტრაფიკის ბრალდებით დააკავეს და 2021 წლის ნოემბერში სამი წლით თავისუფლების აღკვეთა მიესაჯა, მაგრამ მოგვიანებით სასჯელი შეუცვალეს. ემას გათავისუფლება ფედერალურმა ბიურომ უკვე დაადასტურა.
ივნისში, 34 წლის ქალი ფედერალური ციხიდან კალიფორნიის დროებით საცხოვრებელში გადაიყვანეს, სადაც ის ხელისუფლების მეთვალყურეობის ქვეშ იმყოფებოდა. ბოლო ინფორმაციით, ის სახლიდან გავიდა და მისი ადგილსამყოფელი ამჟამად უცნობია.
აისპუროს ქმარი, ნარკომანი ელ ჩაპო გუსმანი, სამუდამო პატიმრობას იხდის აშშ-ში, კოლორადოს ციხეში. აგვისტოში მან საკუთარი ხელით დაწერილი წერილი გაუგზავნა ხელისუფლებას, სადაც ითხოვდა, რომ მის მეუღლესა და ორ ქალიშვილს ნება მიეცეთ ციხეში მოინახულონ.
66 წლის გუზმანი 2019 წელს დამნაშავედ ცნეს სინალოას კარტელის ხელმძღვანელობაში. ელ ჩაპო წლების განმავლობაში ნარკოტიკების კონტრაბანდას ეწეოდა, მას ასევე ბრალი დასდეს ადამიანების გატაცებასა და მკვლელობაში.
- ელ ჩაპოს მეუღლის აღზევება და დაცემა
აშშ-ს სამართალდამცავების შეფასებით, მექსიკაში დაფუძნებულმა ტრანსნაციონალურმა კრიმინალურმა ორგანიზაციამ Sinaloa-მ 25 წლის განმავლობაში შეერთებულ შტატებში 1000 ტონაზე მეტი კოკაინი, მარიხუანა, მეტამფეტამინი და ჰეროინი შეიტანა.
თავისი ძალაუფლების გასამყარებლად, კარტელმა გაიტაცა, აწამა და მოკლა კონკურენტი ბანდების წევრები.
სინალოას კარტელმა ასევე მოისყიდა პოლიციელები და მაღალი რანგის პოლიტიკოსებს მექსიკაში და მთელ ცენტრალურ ამერიკაში, რათა თვალი დაეხუჭათ კონტრაბანდაზე და გაეფრთხილებინათ კარტელი მოახლოებული რეიდების შესახებ.
ემა კორონელ აისპურომ გუსმანი 17 წლის ასაკში გაიცნო, როდესაც ქალი სილმაზის კონკურსში მონაწილებდა. მისი მამა, ინეს კორონელი ასევე Sinaloa-ს კარტელის მაღალი რანგის წევრი გახლდა, რომელიც ამჟამად მექსიკაში ნარკოტიკების კონტრაბანდის გამო 10-წლიან სასჯელს იხდის.
გუსმანი იმ დროისთვის ჩრდილოეთ მექსიკაში კარტელს მათავდა. როდესაც ემას მამასთან დამეგობრდა, ქალი იმ დროსითვის 18 წლის იყო. ამ დრომდე უცნობია მათი ქორწინებია რეგისტრირებულია თუ არა მექსიკაში.
შეერთებული შტატებისა და მექსიკის მოქალაქე აისპურო 2011 წელს გაემგზავრა კალიფორნიაში, სადაც ტყუპი ქალიშვილი შეეძინა. რაც იმას ნიშნავდა, რომ ბავშვები ავტომატურად მიიღებედნენ აშშ-ს მოქალაქეობას.
2014 წელს გუსმანი 13-წლიანი მიმალვის შემდეგ დააკავეს და მექსიკაში, ალტიპლანოს მაღალი უსაფრთხოების ციხეში გაგზავნეს.
დაკავებიდან 17 თვეში ელ ჩაპო ციხიდან გაიქცა. სპეციალურად მისთვის გათხრილი გვირაბის გამოყენებით, რომლშიც განათება და ვენტილაციაც კი იყო დამონტაჟებული. გვირაბმა ნარკობარონი ახლომდებარე საწყობში მიიყვანა. რის შემდეგაც ექვსი თვე მიმალვაში გაატარა. 2016 წლის იანვარში გუსმანი კვლავ დააკავეს.
სასამართლო პროცესზე პროკურორები ამტკიცებდნენ, რომ ემა აისპურომ მთავარი როლი ითამაშა მისი მეუღლის გაქცევაში. პროკურორები ამბობდნენ, რომ ნარკობარონის ცოლი მეუღლის ბრძანებებს გადასცემდა მისი კარტელის მაღალჩინოსნებს.
დაკავებიდან ერთი წლის შემდეგ ელ ჩაპო შეერთებულ შტატებში გადაიყვანეს და საბოლოოდ ნიუ-იორკში გაასამართლეს.
აისპურო ყველა პროცესზე მიდიოდა ბრუკლინის სასამართლო დარბაზში. ქალი უნაკლოდ ჩაცმული და იდეალურად მოვლილი გახლდათ. დარბაზში ჯდომისას იღიმოდა და მეუღლეს კოცნას უგზავნიდა.
New York Times-თან ინტერვიუში აისპურომ თქვა, რომ ის არ იცნობს ქმარს, როგორც სასტიკ ადამიანს, სამაგიეროდ დაახასიათა, როგორც "კარგი მამა, მეგობარი, ძმა, შვილი და პარტნიორი".
როდესაც გუსმანი 2019 წლის თებერვალში დამნაშავედ ცნეს, წყვილმა ერთმანეთს ზევით აწეული მუშტები აჩვენა, რას ჟესტების ენაზე ნიშნავს "ყველაფერი კარგადაა“.
ამის შემდეგ, აისპურო თითქმის ორი წლის განმავლობაში თავისუფლებაში დარჩა, ვიდრე 2021 წლის თებერვალში ვაშინგტონის მახლობლად მდებარე დალესის აეროპორტში არ დააპატიმრეს.
პროკურორებმა თქმით, მან კარგად იცოდა მეუღლის დანაშაულებრივი ქმედებები და "ესმოდა სინალოას კარტელის ნარკოტრეფიკინგის საქმიანობის მასშტაბები“.
ამავდროულად, ბრალდებისა მხარემ და დაცვის მხარემ აღნიშნეს, რომ აისპურო არ მონაწილეობდა სინალოას კარტელის ძირითად საქმიანობაში.
"ბრალდებულის რეალური როლი მინიმალური იყო“, - თქვა პროკურორმა ენტონი ნარდოციმ.
ქალმა ნარკოტიკებით ვაჭრობასა და ფულის გათეთრებაში მონაწილეობა აღიარა. განაჩენის გამოტანისას აისპურომ ბავშვების გულისთვის ლმობიერება ითხოვა. "გთხოვთ, არ დაუშვათ, რომ დედის გარეშე გაიზარდონ“, - უთხრა მან მოსამართლეს.
საბოლოოდ სასამართლომ ემას სამი წლით თავისუფლების აღკვეთა, მაგრამ შემდგომში ვადა შეუმცირდა, რის შედეგადაც 2023 წლის სექტემბერში გაათავისუფლეს.
მისი სამომავლო გეგმები გაურკვეველია, მაგრამ თუ ვიმსჯელებთ იმით, რომ მისმა ქმარმა ცოლის ნახვის ნებართვა ითხოვა, შესაძლოა ის სწორედ კოლორადოში გაემგზავროს ელ ჩაპოს სანახავად.
წერილში გუსმანი წერს, რომ მათი 12 წლის ქალიშვილები "მექსიკაში სწავლობენ და მხოლოდ არდადეგების დროს შეუძლიათ მამის მონახულება, მაქსიმუმ წელიწადში ორჯერ ან სამჯერ“.