ნიკა მაჭუტაძის განცხადებით, პრეზიდენტის იმპიჩმენტის წესით გადაყენებას მხარს არ დაუჭერს
ოპოზიციონერი დეპუტატის, ნიკა მაჭუტაძის განცხადებით, პრეზიდენტის იმპიჩმენტის წესით თანამდებობიდან გადაყენებას მხარს არ დაუჭერს. ამის შესახებ მან "ინტერპრესნიუსთან“ განაცხადა.
შეგახსენებთ, რომ მმართველი გუნდის მიერ ზურაბიშვილის წინააღმდეგ იმპიჩმენტის პროცესის დაწყების საფუძველი პრეზიდენტის მიერ განხორციელებული ის საგარეო ვიზიტები გახდა, რაზეც მთავრობამ სალომე ზურაბიშვილს თანხმობა არ მისცა.
პრეზიდენტის თანამდებობიდან იმპიჩმენტის წესით გადაყენება 1-ელ სექტემბერს, პარტია "ქართული ოცნების“ პოლიტსაბჭოს სხდომაზე გადაწყდა.
საკონსტიტუციო სასამართლოს დასკვნის მოსამზადებლად ერთთვიანი ვადა აქვს.
სასამართლოს მიერ დადებითი დასკვნის შემთხვევაში, პრეზიდენტის გადასაყენებლად 100 დეპუტატის ხმა არის საჭირო, რაც "ქართული ოცნების“ უმრავლესობას არ გააჩნია.