სოფელ ომალოში, ერთ-ერთ სახლში ერთი წლის წინ გარდაცვლილი ადამიანის ცხედარი ნახეს - რას ამბობენ ადგილობრივები?
თუშეთში სოფელ ომალოში ჩამომხრჩვალი ადამიანის ჩონჩხი იპოვეს. ძვლების ნაშთი ერთ-ერთ სახლში მეპატრონემ იპოვა, რომელიც რამდენიმე წელია იქ არ ცხოვრობს.
მანამდე ის უცხო ქვეყანაში ცხოვრობდა და 2 წლის განმავლობაში ომალოში არ ყოფილა. ადგილზე სამართალდამცველებმა საგამოძიებო მოქმედებები ჩაატარეს და ახლა სწორედ საგამოძიებო უწყებამ უნდა დაადგინოს მომხდარის მიზეზი.
ადგილობრივების თქმით, სხეული ჭერზე თოკით იყო დაკიდებული. ის სავარაუდოდ უცხო ქვეყნის მოქალაქე მამაკაცია და წელიწადზე მეტი დროის წინ არის გარდაცვლილი. არსებული ინფორმაციით, ფაქტი სუიციდის შემთხვევაა, თუმცა მომხდარის დასადგენად გამოძიება მიმდინარეობს.