მიწისძვრა მაროკოში: უმძიმესი ვითარება სტიქიის ზონაში - მაშველებს მუშაობა შიშველი ხელებით უწევთ, დაღუპულთა რიცხვმა 2 100-ს გადააჭარბა, ნანგრევების ქვეშ ჯერაც უამრავი ადამიანი რჩება (ფოტოები)
მაროკოში დამანგრეველი მიწისძვრის შედეგად დაღუპულთა რაოდენობამ 2 100-ს გადააჭარბა, დაშაავებულთა რიცხვი კი 2,421- ს აღწევს, მათგან უმრავლესობა კრიტიკულ მდგომარეობაშია.
სტიიქიის ზონაში სამაშველო სამუშაოები გრძელდება. BBC-ის ინფორმაციით, მარაკეშის სამხრეთით მდებარე მთიან სოფლებში მაშველებს გადარჩენილების ძებნა შიშველი ხელებით უწევთ, რადგან ხელისუფლებამ აღჭურვილობა ნანგრევებით დაფარული გზების გასაწმენდად გაგზავნა.
მაროკოელი მაშველების დასახმარებლად ქვეყანაში ჩავიდნენ საგანგებო სიტუციების სამსახურების ჯგუფები ესპანეთიდან, გაერთიანებული სამეფოდან, კატარიდან და არაბთა გაერთიანებული საამიროებიდან. დახმარებისთვის მზადყოფნა გამოთქვეს საფრანგეთმა, აშშ-მა და კიდევ რამდენიმე ქვეყანამ. BBC-ი წერს, რომ მაროკოსთვის ამ დახმარებას ახლა გადამწყვეტი მნიშვნელობა აქვს, რადგან ყოველი გასული საათი ცოცხალი ადამიანების პოვნის შანსებს ამცირებს.
მაგალითად, ესპანეთმა 86 მაშველი და რვა მაძიებელი ძაღლი გაგზავნა მაროკოში.
”ჩვენ გამოგიგზავნით ყველაფერს, რაც საჭიროა, რადგან ყველამ იცის, რომ ეს პირველი საათები არის საკვანძო, განსაკუთრებით იმ შემთხვევაში, თუ ნანგრევების ქვეშ არიან დამარხული ადამიანები”, - განუცხადა ესპანეთის თავდაცვის მინისტრმა მარგარიტა რობლესმა საზოგადოებრივ ტელევიზიას.
მაროკომ განაცხადა, რომ მან მიიღო დახმარების შეთავაზება ოთხი უცხო ქვეყნისგან, ხოლო არაერთმა სხვა ქვეყანამ საჭიროების შემთხვევაში დახმარებისთვის მზადყფნა გამოთქვა.
ხელისუფლებამ ამ ეტაპზე დადებითად უპასუხა ესპანეთის, ბრიტანეთის, ყატარისა და არაბეთის გაერთიანებული საამიროების წინადადებებს "გააგზავნონ სამძებრო და სამაშველო ჯგუფები".
შეგახსენებთ, 6.8 მაგნიტუდის სიმძლავრის მიწისძვრა მაროკოში 8 სექტემბერს გვიან ღამით მოხდა. 20 წუთის შემდეგ მას განმეორებითი 4.9 მაგნიტუდის სიმძლავრის მიწისქვეშა ბიძგი მოჰყვა. სტიქიის ეპიცენტრი ქალაქ მარაკეშიდან სამხრეთ-დასავლეთით ატლასის მთებში, 71 კმ-ის სიღრმეში დაფიქსირდა.
ეს იყო ყველაზე მომაკვდინებელი მიწისძვრა მაროკოში1960 წლის შემდეგ. იმჟამადნ მიწისძვრამ დაანგრია აგადირი, მარის შედეგადაც 12 000-ზე მეტი ადამიანი დაიღუპა.
იხილეთ ასევე: