მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ინალ არძინბას ჩავარდნილი გეგმა: "არადა ფრთების გასაშლელად ემზადებოდა, რუსეთიდან კადრები მოიხმო... ფსონი კი ისევ ასაკოვან ბჟანიაზე დაიდო"
09:45 / 09-09-2023
ოკუპირებულ აფხაზეთში ე.წ. საკადრო ცვლილებების მოლოდინი, რომელიც რამდენიმე დღის წინ გაჩნდა, მოსახლეობის თქმით, დროებით გადაიდო. ყველასთვის ცნობილია, რომ ე.წ. საგარეო საქმეთა მინისტრს ინალ არძინბას პრეზიდენტთან კარგი ურთიერთობა არასდროს ჰქონია. აფხაზეთში ფიქრობენ, რომ არძინბას დამოუკიდებელი ვიზიტები შესაძლოა ორი მიზეზით იყოს განპირობებული - მას ან პრეზიდენტობა სურს, ან უკან, რუსეთში დაბრუნება.
"ამის გამოხატულება იყო, რამდენიმე დღის წინ, ინალ არძინბას უწყების მიერ გავრცელებული განცხადება მისი გადადგომის შესახებ, რაც შემდეგ უარყვეს. თუმცა ითქვა, რომ არძინბასა და ბჟანიას შორის დაპირისპირება ტექნიკურ საკითხის გარშემო დაიწყო, ასეთი დეტალებით ისინი ერთმანეთს უპირატესობას უმტკიცებენ. ხან ერთი დარბის რუსეთში, ხან მეორე, ძალაუფლება რომ გაიმყარონ" - წერენ ადგილობრივები.
სხვების თქმით, ბჟანიას რუსეთში ვიზიტის ფონზე, არძინბას შიდა ვიზიტები არ შეუწყვეტია - ხან გალის რაიონში ჩადიოდა, ხანაც გულრიფშის მოსახლეობას ხვდებოდა, რუსეთთან ეკონომიკური თანამშრომლობის განვითარების პერსპექტივაზე, ასევე რუსეთ-საქართველოს შორის გაზრდილ სავაჭრო ბრუნვასა და საქართველოსგან მომავალ საფრთხეებზე საუბრობდა.
"მოსახლეობის ნაწილმა, მას აქტიურობა მოუწონა, რადგან მიიჩნევენ, რომ ახალგაზრდა, განათლებული და პერსპექტიული კადრია. თუმცა, სხვების თქმით, არძინბა, რომელიც საგარეო საქმეთა მინისტრია, გაუგებარია, რატომ ხვდება მოსახლეობას, განიხილავს ეკონომიკურ პრობლემებს ან თემებს. ეს თითქოს ბჟანიაზე შურისძიებას ნიშნავს, რომელსაც მთავარ ოპონენტად აღიქვამს, არა ადგილობრივი ელექტორატის გამო, იმიტომ, რომ ბჟანია რუსეთში ასევე მიღებული პერსონაა, ის კი ელოდა, რომ მისი აფხაზეთში ჩამოსვლის შემდეგ, ყველაფრის თავისკენ მოტრიალებას და ბჟანიას გუნდის გვერდზე გაწევას ადვილად შეძლებდა. ეს კი, ჯერჯერობით არ გამოსდის" - წერს აქტივისტი ლარა ავიძბა.
სხვების თქმით, "კაგებეს" ენაზე მოსაუბრე ინალ არძინბამ, ბჟანია-ანქვაბისგან განსხვავებით, ვერც ადგილობრივ კრიმინალებთან შეძლო კავშირის დამყარება, ისინი შეჩვეული იყვნენ, რომ ხელმძღვანელობის წარმომადგენლები მათთან შეხვედრის ინიციატივას თავად იჩენდნენ, რაც არძინბამ არ გააკეთა. ე.წ. კანონიერმა ქურდებმა ის თავიდანვე უცხოდ მიიჩნიეს, მათი გავლენით კი, ადგილობრივმა პოლიტიკოსებმა, მათ შორის ბჟანიაზე გულგატეხილებმაც კი, მასთან დამეგობრება ვერ გაბედეს.
ადგილობრივები მიიჩნევენ, რომ სექტემბრის ბოლოს, ის ცვლილებების მოლოდინში იყო, რადგან რეგიონში გავრცელებული ხმების თანახმად, ბჟანიას ავად გახდომა და მოსკოვში საკმაოდ ხანგრძლივი მკურნალობა, მისი გადადგომის წინაპირობა იყო. ინალ არძინბამ, სწრაფად შემოიკრიბა თანამოაზრეები, ერთგვარი სამთავრობო გუნდიც კი ჩამოაყალიბა, პირველი პირივით დაიწყო მოქმედება, მაგრამ როგორც გაირკვა, მასთან შესახვედრად ძალიან ცოტა ადამიანი მივიდა, რითაც უნდობლობა აგრძნობინეს. ამას ისიც დაემატა, რომ ბჟანიამ საავადმყოფო დატოვა თუ არა, ადგილობრივ პოლიტიკოსებთან, ცხინვალელ მოქმედ თუ გადამდგარ ლიდერებთან შეხვედრებს შეუდგა.
"არადა, არძინბა ფრთების გასაშლელად ემზადებოდა. თავისი ახალგაზრდა, რუსეთიდან ჩამოსული კადრები მოიხმო... ანუ რა გამოდის, კრემლის ასაკოვანმა პოლიტიკოსებმა, ფსონი ასევე ასაკოვან ბჟანიაზე დადეს?!" - წერს ირაკლი ნადარაია.
"არძინბა, ახალგაზრდა, განათლებული, კარგი ოჯახის შვილი პოლიტიკოსია. საუბარიც შეუძლია და პოლიტიკა ესმის. რას გადაეკიდეთ ამ ბებერ, არაფრისმაქნის ბჟანიას, რომელიც ამდენი წელია ქვეყანას ამუხრუჭებს. დაუდექით ამ ახალგაზრდა, ნიჭიერ ბიჭს გვერდით, მოსკოვში თავს შინაურად გრძნობს, ბელარუსის ხელისუფლებასთან მეგობრობს, თურქეთში კარგი კონტაქტები აქვს. არ მინდა დავიჯერო, რომ აფხაზ ხალხს კარგისა და ცუდის გარჩევა არ შეუძლია" - წერს მარინა ჩერქასოვა.
მას ადგილობრივებმა უპასუხეს - "ყველამ იცის, რომ მოსკოვში თავს შინაურად გრძნობს და ამიტომაც არ აქვს მხარდაჭერა".
"არავინ დავობს, რომ არძინბა ნიჭიერი, განათლებულია. მაგრამ ისიც ვიცით, რომ რუსეთის კაცია და მისი გაპრეზიდენტების შემთხვევაში, იმაზე სწრაფად ვიდრე წარმოგვიდგენია, რუსეთის შემადგენლობაში აღმოვჩნდებით. ამიტომაც გვირჩევნია, თუნდაც თქვენს მიერ ბებრად მოხსენიებული ბჟანია. თუ ხალხმა არძინბას მისცა ხმა, ეს ნიშნავს, რომ ჩვენ აფხაზეთი, როგორც სახელმწიფო არსებობას წყვეტს და რუსეთის შემადგენლობაში შევდივართ" - წერს სოხუმელი მარინა ზარქუა.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ახლა როდემდე უნდა გვაყურებინოთ ამ ანალას, დროზე მოაშორეთ აქედან !
ბელგიაში, ბრიუსელში სადაც იმედი გ აქვს რომ ქვეყნის გაერთიანებას მათი დახმარებით მოვეხერხებთ, დიპლომის დამოწმების ელექტეონულ საიტზე ქვეყნების ჩამონათვალში აფხაზეთი ცალკე ქვეყანადაა წარმოდგენილი და იქნებ ვინმემ მიხედოს ამ ამბავს.