"გარესამყაროს მოწყდა ჩემი დედ-მამა, 2 მცირეწლოვან ბავშვთან ერთად" - რას წერს მოქალაქე ლანჩხუთის მუნიციპალიტეტიდან?
გურიაში, ლანჩხუთის მუნიციპალიტეტის სოფელ არჩეულში მყოფი ოჯახი დახმარებას ითხოვს. ქეთო ჭანტურია სოციალურ ქსელში პოსტს აქვეყნებს და წერს:
"ზუსტად 3 წლის უკან ხიდი წაიღო წყალმა. მეზობლის ეზოდან სარგებლოდა ჩემი ოჯახი და ვსარგებლობდით ყველა. ახლა მეზობლის ხიდიც წაიღო, გარესამყაროს მოწყდა ჩემი დედ-მამა, 2 მცირეწლოვან ბავშვთან ერთად. რა ქნას ჩემმა ოჯახმა? პასუხი არის, რომ ხიდი ჯდება ძვირი და ვერ აკეთებენ. აბაა ვიფრინოთ მდინარეზე???ეს არის სოფ: არჩეული. მადლობა ყურადღებისთვის' - წერს ჭანტურია.
წუხანდელმა ძლიერმა წვიმამ ლანჩხუთის მუნიციპალიტეტის არაერთ სოფელში შექმნა პრობლემები, რამდენიმე სოფელში ჩამოწვა მეწყერი, ჩაკეტილია გზები, დაზიანებულია ინფრასტრუქტურა. მეწყერმა დააზიანა რამდენიმე საცხოვრებელი სახლიც და მეწყერში მოყვა, განსაკუთრებით მძიმე მდგომარეობაა ჩოჩხათის ადმინისტრაციულ ერთეულში, რადგან მეწყერმა დააზიანა სახლები. ჩოჩხათის მუნიციპალიტეტში, კერძოდ, ჯიხანჯირში ეძებენ არასრულწლოვანს, მათი სახლი მეწყერმა დაფარა.
ცნობისთვის, ამ დროისთვის არსებული ინფორმაციით, გურიაში სტიქიის შედეგად გარდაცვლილია 2 მოქალაქე. მიმდინარეობს კიდევ 1 პირის სამძებრო სამუშაოები. სტიქიის ზონაში მაშველების მიერ გადარჩენილი და უსაფრთხო ადგილზე გადაყვანილია 11 მოქალაქე, მათ შორის არიან მცირეწლოვნები და არასრულწლოვნები.
წაიკითხეთ ასევე: