30
მარტიდღის ზოგადი ასტროლოგიური პროგნოზი
22 წლის ერაყელი გოგონა, YouTube ვარსკვლავი, ტიბა ალ-ალი მამამ მოკლა. შემთხვევა 2023 წლის 31 იანვარს მოხდა. მიზეზი ისაა, რომ ტიბა ოჯახის ნების საწინააღმდეგოდ, 2017 წელს სამშობლოდან წავიდა.
ის მალე "იუთუბ" ვარსკვლავი გახდა. სოციალური ქსელის აღნიშნულ პლატფორმაზე აქვეყნებდა ვიდეოებს თავისი ცხოვრების წესის, შეყვარებული შესახებ, რასაც მისი მშობლები მიუღებლად მიიჩნევდნენ და თვლიდნენ, რომ ტიბას ქცევა მათ "ღირსებას შეურაცხყოფდა". მამა-შვილს შორის კონფლიქტი ჯერ კიდევ 2015 წელს დაწყებულა - ეს ის პერიოდია, როცა გოგონამ ერაყიდან წასვლის სურვილი გამოთქვა.
ალ-ალი სამშობლოში 2023 წლის იანვარში დაბრუნდა, რათა თავისი ქვეყნის საფეხბურთო მატჩს დასწრებოდა, რა დროსაც, ოჯახის წევრებმა გაიტაცეს. ადგილობრივი მედიის ცნობით, იგი ნარკოტიკული ნივთიერებით გააბრუეს და ალ-ქადისიას გუბერნიაში წაიყვანეს.
- როგორც ცნობილია, ამის შემდეგ, მამა იმ ოთახში შეიპარა, სადაც გოგონა ჰყავდათ გამოკეტილი და გაგუდა. მოგვიანებით კი პოლიციას თავად ჩაბარდა და განაცხადა, რომ ქალიშვილი "სირცხვილის ჩამოშორების“ მიზნით მოკლა. ადგილობრივი მედია მამის სახელს არ ასახელებს.
ალ-ალის სიკვდილმა სოციალურ მედიაში აჟიოტაჟი გამოიწვია. ბაღდადში საპროტესტო აქციები გაიმართა. აქტივისტები ქალებზე ძალადობის შეწყვეტას ითხოვდნენ.
ტიბას ამბავმა ერაყში ქალების უფლებების დაცვის წინააღმდეგ პროტესტს ჩაუყარა საფუძველი.
"ჩვენს საზოგადოებაში ქალები ჩამორჩენილი წესჩვეულებების მძევლები არიან. მათ დასაცავად არანაირი კანონი არ არსებობს ” - წერდა პოლიტიკოსი ალა თალაბანი Twitter-ზე.
აღსანიშნავია, რომ ერაყში არ არსებობს კანონი, რომელიც ოჯახში ძალადობას კრძალავს. ბევრმა ადგილობრივმა მედიასაშუალებამ ტიბა ალ-ალის გარდაცვალებას “საპატიო მკვლელობა“ უწოდა.
წყარო: BBC.com
ამბავი, რომელიც ოჯახის წევრებმა ჯერ გაიტაცეს, მერე მამამ მოკლა... ვაი თქვენს პატრონს უბედურს! კარგი, სტატია შეთხზა ვიღაც ოროსანმა და სკოლაში თითით საჩვენებელმა ჩამორჩენილმა, მერე ის ხომ გადის შემოწმებას გამოქვეყნებამდე? იმ ორ-სამ ადამიანს რაღა ღმერთი გაუწყრა? ერთი მაინც არ გამოდგა 11 კლას დამთავრებული? ტფუი!
ღმერთმა არ ქნას ნაც კლასტერი მოვიდეს თორემ, აგაც იგივე იქნება.