"ქუჩებში მდინარე მოედინებოდა" - სტამბოლში წყალდიდობას მსხვერპლი მოჰყვა, ხელისუფლება მოსახლეობას სიფრთხილისკენ მოუწოდებს (ფოტო/ვიდეო)
სტამბოლში წყალდიდობას მსხვერპლი მოჰყვა. მედიის ინფორმაციით, სტამბოლის რამდენიმე რაიონი დაიტბორა და სულ მცირე ორი ადამიანია დაღუპული.
სტიქიამ უმეტესად ქალაქის ჩრდილოეთ ნაწილი დააზარალა. "გზებზე მდინარეები მოდიოდა“, - წერს ადგილობრივი მედია.
ხელისუფლების წარმომადგენელთა განცხადებით, დაღუპულები ბაშაქშექირისა და ქუჩუქჩექმეჯის რაიონებიდან არიან. ხელისუფლება მოსახლეობას სიფრთხილის გამოჩენისკენ მოუწოდებს და ურჩევს, რომ არ გადაადგილდნენ მოტოციკლებით.
წყალდიდობამ ასევე დააზარალა რამდენიმე მეტროსადგური. უსაფრთხოების ზომების გამო, მეტროს რამდენიმე სადგური დაიხურა.
