ჩოხატაურში, "ნაციონალური მოძრაობის“ წარმომადგენლების მიმართ ძალადობის ფაქტზე დაკავებულ 4 პირს სასამართლომ გირაო შეუფარდა
დაბა ჩოხატაურში ,,ნაციონალური მოძრაობის“ წარმომადგენლების მიმართ ძალადობის საქმეზე დაკავებულ 4 პირს ოზურგეთის რაიონულმა სასამართლომ გირაო შეუფარდა.
გადაწყვეტილება მოსამართლე თორნიკე კაპანაძემ მიიღო.
საქმის პროკურორი ლევან თედიაშვილი დაკავებულების მიმართ აღკვეთის ღონისძიებად პატიმრობას ითხოვდა, თუმცა მოსამართლემ ბრალდების მხარის პოზიცია არ გაითვალისწინა და ოთხივე დაკვებულს 7000-7000 ლარის (ქონების უზრუნველყოფით) გირაო შეუფარდა.
მოსამართლემ ბრალდებულებს დავით მჟავანაძესთან მიახლოება აუკრძალა.
როგორც პროკურორმა ლევან თედიაშვილმა განაცხდა, სოზურგეთის სასამართლოს მიერ მიღებული გადაწყვეტილება ქუთაისის სააპელაციო სასამართლოში გასაჩივრდება.
შეგახსენებთ, რომ „ნაციონალური მოძრაობის“ ცნობით, 3 სექტემბერს ჩოხატაურში “ნაციონალური მოძრაობის” წევრებს, ნოდარ დუმბაძის სკვერის გასხვისების საინფორმაციო ბუკლეტების დარიგების დროს, “ქართული ოცნების” წარმომადგენლები ფიზიკურად გაუსწორდნენ.