ლია ახეჯაკოვას წინააღმდეგ რუსეთში გამოძიება დაიწყო - მსახიობს ბრალი "არმიის დისკრედიტაციაში" ედება
რუსეთის შინაგან საქმეთა სამინისტროს მოსკოვის მთავარმა სამმართველომ რუსეთის სახალხო არტისტის, ლია ახეჯაკოვას წინააღმდეგ გამოძიება დაიწყო. მას რუსული არმიის "დისკრედიტაციაში“ ადანაშაულებენ - ამის შესახებ ინფორმაციას TASS-ი ავრცელებს.
შეგახსენებთ, რომ მსახიობმა ივნისი ბოლოს ბრემენში სპექტაკლში "ჩემი შვილიშვილი ბენიამინი" ითამაშა. სპექტაკლის დასრულების შემდეგ სცენაზე უკრაინის დროშით გამოჩნდა.
შედეგად, რუსეთის უსაფრთხოებისა და კორუფციასთან ბრძოლის ფედერალურმა სამსახურმა 85 წლის მსახიობის წინააღმდეგ რუსული არმიის "დისკრედიტაციისთვის“, ღალატის მუხლით, საქმის აღძვრა და მისთვის ყველა ჯილდოს ჩამორთმევა მოითხოვა.
ასევე იხილეთ:
- რუსეთის გენპროკურორს მიმართეს ლია ახეჯაკოვას უცხო ქვეყნის აგენტად ცნობის მოთხოვნით, ასევე ითხოვენ, მსახიობი "დაისაჯოს სახელმწიფო ღალატისთვის"
- "ეს ჩემი მახინჯი სამშობლოა... არასად წავალ" - თეატრიდან გაგდების შემდეგ ლია ახეჯაკოვას რუსეთიდან გაძევებით ემუქრებიან, ბარბარა ბრილსკას კი - "ბედის ირონიიდან" წაშლით