შეიარაღებული ძარცვა სიღნაღის სოფელ მაღაროში - არსებული ინფორმაციით, ოჯახში 5 მძარცველი შეიჭრა
სიღნაღის მუნიციპალიტეტის სოფელ მაღაროში შეიარაღებული ძარცვა მოხდა. არსებული ინფორმაციით, 5 მძარცველი უსუფაშვილების ოჯახში შეიჭრა და მათი კუთვნილი 50 ათასი დოლარის ოდენობის თანხა წაიღო.
შინაგან საქმეთა სამინისტროს ინფორმაციით, საქმე სისხლის სამართლის კოდექსის 179-ე მუხლით არის აღძრული, რაც ყაჩაღობას გულისხმობს და სასჯელის სახით ითვალისწინებს თავისუფლების აღკვეთას ვადით 5-დან 7 წლამდე.
შინაგან საქმეთა სამინისტროს მძარცველები ჯერჯერობით არ დაუკავებია.