"ბავშვი სიცხეში ჯაჭვით დააბა და წყურვილით მოკლა" - გერმანელ ქალს, რომელმაც 5 წლის იეზიდი გოგონა წამებით მოკლა, 14-წლიანი პატიმრობა შეეფარდა
გერმანელ ქალს 5 წლის ბავშვზე ძალადობის გამო 14 წლის ვადით თავისუფლების აღკვეთა მიესაჯა. ჯენიფერ ვენიშმა 5 წლის იეზიდი გოგონა 45 გრადუს სიცხეში ჯაჭვით დააბა და წყურვილით მოკლა. შემთხვევა 2015 წლის აგვისტოში მოხდა.
როგორც ცნობილია, ჯენიფერი ერაყში ყოფნის დროს ISIS-ს შეუერთდა, სადაც ყოფილ ქმართან ერთად, იეზიდი გოგონა და მისი დედა იყიდა. წყვილი ბავშვზე რამდენიმე წლის განმავლობაში ძალადობდა.
საქმეზე გერმანიის პოლიციამ ჯენიფერის ყოფილი ქმარიც დააკავა. ტაჰა ალ-ჯ. ერაყის მოქალაქე და ISIS-ის ყოფილი მებრძოლია. იგი ფრანკფურტის სასამართლომ 2021 წლის ნოემბერში გენოციდისა და კაცობრიობის წინააღმდეგ ჩადენილი დანაშაულის ბრალდებით გაასამართლა. მას სამუდამო პატიმრობა მიესაჯა.
სასამართლო პროცესს გარდაცვლილი გოგონას დედაც ესწრებოდა.