"კარგი დრო იყო, ერთ ნავში რომ ისხედით" - სანდრა რულოვსი ექსპრეზიდენტთან ერთად გადაღებულ ნოსტალგიურ ფოტოს აქვეყნებს: რას წერს ყოფილი პირველი ლედი
"კიევი, დნიპრო, 2017 წელი...“ - ასე დაასათაურა ფოტო ყოფილმა პირველმა ლედიმ სანდრა რულოსვმა, რომელიც დღეს, მარიამობას გამოაქვეყნა.
- სანდრა რულოვსის მიერ "ფეისბუქის" ოფიციალურ გვერდზე ატვირთულ ფოტოზე ვხედავთ, რომ ერთ ნავში სხედან ექსპრეზიდენტი მიხეილ სააკაშვილი, სანდრა რულოვსი და მათი მეორე ვაჟი, ნიკოლოზ სააკაშვილი.
ოჯახურ ფოტოს უამრავი გამოხმაურება მოყვა, ამჟამად 700-ზე მეტი კომენტარი აქვს. სოციალური ქსელის მომხმარებლები წერენ, რომ მსგავსი ფოტოს ნახვას უახლოეს მომავალში ისევ ისურვებდნენ. მხარდამჭერები სანდრას საქართველოს ისტორიაში საუკეთესო პირველ ლედიდ მოიხსენიებენ.
დარწმუნებული ვარ, ოდესმე მსგავს ფოტოს ისევ ვიხილავთ. გილოცავ, სანდრა, მარიამობას...
საქართველოს ერთადერთი, ღირსეული პირველი ლედი. მიყვარს სანდრა...
უძლიერესი ქალბატონი, უღალატო ადამიანი. აი, ესაა ხალხს ასე რომ უყვარხარ. პირველი ხარ და დარჩები ისევ ასე პირველ ლედად შენი ადამიანობით. დანარჩენი, ვინც იყო მიშას გვერდით კი ისინი იყვნენ მეორე ხარისხოვანი.
გაიხარე, გფარავდეს წმინდა მარიამის კალთა, მრავალჟამიერ შენს საყვარელ და მომხრე ადამიანებთან ერთად. მალე მენახე შიდა და გარე მტრებისგან განთავისუფლებულ, გამარჯვებულ თავისუფალ საქართველოში, მიშასთან ერთად.
კარგი დრო იყო, ერთ ნავში რომ ისხედით. არ უნდა გაგეშვა...
ჩემს ცხოვრებაში ყველაზე კარგი გასახსენებელი წლები, როცა მიშა იყო პრეზიდენტი, სანდრა პირველი ლედი...
შეგახსენებთ, რომ ამ ეტაპზე მიხეილ სააკაშვილის ოჯახური მდგომარეობა უცნობია. მეუღლესთან დაშორების შესახებ პირველად ცნობილი მას შემდეგ გახდა, რაც სააკაშვილი საქართველოში დააკავეს. მაშინ უკრაინის რადას წევრმა ლიზა იასკომ, სოციალურ ქსელში გამოაქვეყნა ვიდეო, სადაც წყვილი ამბობდა, რომ ის და მიხეილ სააკაშვილი ერთ ოჯახად ცხოვრობდნენ. ეს ვიდეო სოციალურ ქსელში ექსპრეზიდენტმაც გააზიარა.
ამ ამბიდან რამდენიმე თვეში მიხეილ სააკაშვილმა ციხიდან გაავრცელა განცხადება, სადაც წერდა, რომ მას და ქართველ მომღერალ სოფო ნიჟარაძეს საერთო შვილი ელის მარია სააკაშვილი ჰყავდათ.
რამდენიმე თვის წინ ასევე ცნობილი გახდა, რომ ექსპრეზიდენტს კიდევ ერთი შვილი შეეძინა, ამჯერად ლიზა იასკოსგან. ამ პერიოდში სააკაშვილი უკვე დაპატიმრებული გახლდათ. მაშინ ექსპრეზიდენტის გარემოცვა ლიზა იასკოს ორსულობის ფაქტს არ ადასტურებდა, თუმცა მოგვიანებით, სააკაშვილმა კიდევ ერთი შვილის, ჟასმინის შესახებ ინფორმაცია დაადასტურა.
ორი თვის წინ მიხეილ სააკაშვილის ფეისბუქ გვერდზე გავრცელდა ინფორმაცია, რომ ექსპრეზიდენტი სოფო ნიჟარაძეს დაუბრუნდა. ეს ამბავი, პირველ პირში, როგორც მიხეილ სააკაშვილის განცხადება გამოქვეყნდა. "ყველანაირი ბინძური ჭორის გასაფანტად, ჩემი პირადი ცხოვრება ახლა და მომავალშიც, მთლიანად უკავშირდება სოფოს და იმ დიდ სიყვარულს, რომელიც გვაკავშირებს მე, მას და ალისას", - ნათქვამი იყო განცხადებაში, რომელიც გამოქვეყნებიდან მეორე დღეს წაშალეს.